Aımaqtar • 27 Qarasha, 2019

Aqmolada oblystyq mańyzdaǵy 411 shaqyrym jol jóndeldi

11 retkórsetildi

Bıyl bul maqsatqa respýblıkalyq jáne oblystyq bıýdjetten barlyǵy 21,6 mıllıard teńge bólingen, nátıjesinde 411 shaqyrym jol jóndeýden ótti. Alaıda, Úkimet jol jóndeýge qajet qarjynyń tek 50 prosentin bóledi, qalǵany oblystyq bıýdjetten qarastyrylýy tıis. Al bul óńirdiń bıýdjetine salmaq salyp otyr. Nur Otan partııasy depýtattar fraksııasynyń jıynynda osy másele kóterildi.

Bıyl oblystyq mańyzdaǵy joldardy jóndeý jumystary óz deńgeıinde júrgizilip, oǵan bólingen 21,6 mıllıard teńge kólemindegi qomaqty qarajat ıgerildi.  Nátıjesinde jergilikti mańyzdaǵy jáne eldi mekenderdiń ishki joldarynyń 411 shaqyrymy jóndeýden ótti. Sóıtip, joldardyń 71 paıyzy jaqsy jáne qanaǵattanarlyq jaǵdaıda degen kórsetkishke qol jetkizilip otyr.

– 2025 jylǵa deıin jergilikti mańyzdaǵy joldardy jóndeý kórsetkishin 95 prosentke jetkizý kózdelip otyr. 2020 jylǵa deıin Elordaǵa jaqyn ornalasqan eldi mekenderdiń áleýmettik-ekonomıkalyq damýynyń keshendi josparyn oryndaýǵa 408 mıllıard teńge bólindi. Oǵan 55 shaqyrymdy quraıtyn joldy jóndeýi qarastyrylǵan. Selınograd aýdanyna qarasty Talapker aýylynyń kóshe joldaryn jóndeýge 1 mıllıard teńgeden asa qarjy qarastyrylǵan. Sol sııaqty, Nuresil, Aqmol aýyldarynyń joldaryna da, Arshaly aýdanynyń Jibek joly aýylynyń  joldaryna da birshama qarajat jumsaldy, – deıdi oblystyq Jolaýshylar kóligi jáne avtomobıl joldary basqarmasynyń basshysy Ársen Jańǵasqanov.

Elorda mańyndaǵy eldi-mekenderdegi joldardy qalpyna keltirý  búginde oblystyń bıýdjetine salmaq túsirip otyr. Sondyqtan, depýtat Nartaı Ysqaqov Úkimetke hat jazyp, jol jóndeýge respýblıkalyq bıýdjetten bólinetin qarjyny kóbeıtip, oblys bıýdjetine túsetin salmaqty azaıtý qajet degen usynysyn jasady. Bul pikir halyq qalaýlylary tarapynan qoldaý tapty. Jıynǵa qatysqan ár aýdannyń depýtattary óz aımaqtaryndaǵy joldardyń jóndelýine qatysty saýaldaryn joldady.

 

Kókshetaý qalasy

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar