Aımaqtar • 27 Qarasha, 2019

AIF - 2019: Baqytjan Saǵyntaev birqatar ekijaqty kezdesý ótkizdi

29 retkórsetildi

Sonyń ishinde Mitsui & Co. Moscow-dyń bas dırektory Megýro Hırosı men Japan System Planning Co LTD prezıdenti Kýmano Kasýıýkımen, McKinsey & Company jahandyq ınstıtýtynyń dırektory ári bas seriktesi Djonatan Votselmen jáne Qazaqstandaǵy McKinsey & Company-diń basqarýshy seriktesi Iohen Berbner bar.

Sonymen qatar qala ákimi B. Saǵyntaevtyń Lordtar palatasynyń múshesi, Saýda jáne ónerkásip eks-mınıstri, Ulybrıtanııanyń burynǵy Áleýmettik qamsyzdandyrý mınıstri Lord Pıter Lıllımen kezdesýi ótti. Forýmda jalpy somasy 2,3 mlrd dollar bolatyn memlekettik organdar men bıznes-qaýymdastyqtar arasyndaǵy yntymaqtastyq pen ózara túsinistik týraly 31 kelisim men memorandýmǵa qol qoıylady dep kútilýde. Sonyń ishinde Almaty ákimdigi men Astana «Halyqaralyq qarjy ortalyǵy» arasynda ortaq maqsattarǵa qol jetkizý úshin ózara qyzyǵýshylyq týdyratyn máseleler boıynsha yntymaqtastyq pen konsýltasııalar týraly Memorandýmǵa qol qoıylady. Sondaı-aq Almaty ákimdigi men EQDB arasyndaǵy 11,3 mln dollar bolatyn somaǵa «jasyl qalalar» jobasyn qarjylandyrý týraly aldyn ala kelisim boıynsha ózara túsinistik týraly memorandýmǵa qol qoıyldy. Forým qatysýshylaryna arnaǵan sózinde qala ákimi Baqytjan Saǵyntaev forým aldaǵy 30 jylǵa arnalǵan Almatynyń damý tártibi qalyptasatyn tarıhı sátte ótip jatqanyn atap ótti. Almaty qalasynyń 2050 jylǵa deıingi Damý strategııasy ázirlendi. Basty maqsat – ómir sapasy men bıznes múmkindikteri boıynsha álemniń úzdik 100 qalasyna ený.

– Bul úshin myqty ekonomıkalyq negiz qajet. Qalalyq ekonomıka jylyna keminde 5 paıyz qarqynmen damýy tıis. Mundaı ósýdi qamtamasyz etý úshin biz qalalyq ekonomıkanyń tereń qurylymdyq reformasyn bastaımyz. Jańa ekonomıka sektoryna basymdyq beriledi. Investısııalaýdaǵy bul ádis túbegeıli jańa alań ashýǵa septigin tıgizbek, – dedi qala ákimi B. Saǵyntaev.

Onyń aıtýynsha, qurylymdyq manevrdiń túpki maqsaty – eksporttyq óndiristi damytý, Almaty óndirýshileriniń álemdik ekonomıkadaǵy joǵary tehnologııalardyń qatysýyn keńeıtý. Tek osylaı ǵana qala álemdik arenada básekege qabiletti ekonomıkalyq ósýdiń jańa modelin qura alady. Aldaǵy ýaqytta Almatynyń damýy kóp ortalyqty bolyp, qalanyń ár túrli bólikterinde birneshe aımaqtarda shoǵyrlanýy tıis. Qala ınfraqurylymyn jańartý aldaǵy bes jylda ınvestısııa úshin jańa alań ashady. Tek «Jańa Almaty» jospary ǵana 834,5 mlrd teńge kóleminde buryn-sońdy bolmaǵan salymdardy boljaıdy. Aǵymdaǵy baǵam boıynsha bul 2 mlrd 155 mln dollar.

Plenarlyq otyrys barysynda yntymaqtastyq úshin Almatynyń jańa ınvestısııalyq múmkindikteri, «aqyldy qalalar» tujyrymdamasyn damytý, jyljymaıtyn múlik, jyljymaıtyn múlik naryǵynyń trendteri jáne qazirgi zamanǵy qalalardyń jańa syn-qaterleri máseleleri qaralatyn bolady. Sonymen qatar, «Almatydaǵy ınnovasııanyń bolashaq ósý sektorlary jáne damýy», «iri ınfraqurylymdyq jobalardyń geoekonomıkasy: Uly Jibek jolynyń ortasyndaǵy Almaty» taqyrybynda pikirtalas ótedi. Sondaı-aq, bilim berý, ǵylym jáne densaýlyq saqtaý salasyna jeke ınvestısııalardyń múmkindikteri men bolashaǵy «dóńgelek ústel» barysynda talqylanady. Týrızmdi damytý máseleleri nazardan tys qalmaıdy. Forýmǵa qatysýshylar úshin týrızm úshin jańa halyqaralyq ortalyq retinde Almatynyń tusaýkeseri ótedi.

Qazaqstandaǵy McKinsey&Company basqarýshy seriktesi Iohen Berbner atap ótkendeı, Qazaqstanda týrızmdi damytý úshin barlyq alǵysharttar bar, ásirese ekotýrızm, sporttyq jáne iskerlik týrızm sııaqty tez ósetin segmentterde baıqalady. Onyń aıtýynsha, Almaty kórkem tabıǵat, jyly klımat jáne damyǵan ınfraqurylym esebinen eldegi týrıstik destınasııalarǵa jatady.

«Almatynyń geografııalyq ornalasýynyń arqasynda, qazir turǵyndar saıahatqa, atap aıtqanda, Qytaıdan, Úndistannan, Reseıden týrısterdi tartýǵa úlken múmkindik bar. Qazaqstanda salany damytýdyń memlekettik baǵdarlamasy qabyldandy. Eń bastysy - strategııany aıqyn jáne dáıekti ustaný jáne belgilengen josparlardy oryndaý bar», — dep atap ótti I.Berbner.

Forýmnyń geografııasy BAÁ, Japonııa, AQSh, Katar, Saýd Arabııasy, Túrkııa, Ulybrıtanııa, Reseı, Qytaı, Koreıa, Avstrııa, Germanııa jáne t.b. eldermen usynylǵan. Sonymen qatar forýmǵa Qazaqstandaǵy halyqaralyq kompanııalardyń ókilderi qatysýda. Onyń ishinde EQDB, EÝROBAK, ADB, Dúnıejúzilik bank, Qazaqstandaǵy Qytaı Banki, MUFG Bank, Tengri Bank, Al Hilal Bank, Mitsubishi, EY, PwC, KPMG, Samsung, Nokia, Sun Pharma, BASF C. a., Philip Morris International, CNPC, Chevron jáne t.b.

 

 

 

Gúlbarshyn AITJANBAIQYZY

«Egemen Qazaqstan»

ALMATY

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar