Rýhanııat • 27 Qarasha, 2019

Darıǵa Nazarbaeva erekshe akterler teatrynyń jas ártisterimen kezdesti

11 retkórsetildi

Qazaqstan Respýblıkasy Parlamenti Senatynyń Tóraǵasy Darıǵa Nazarbaeva men senatorlar erekshe akterler teatrynyń «Bizdiń qanymyz bir» spektaklinde boldy. Bul týraly Parlament palatasynyń baspasóz qyzmeti habarlady. 

Osydan birneshe jyl buryn Qazaqstannyń Ulttyq Delfıı komıtetinde týyndaǵan erekshe teatrdy qurý ıdeıasy Jastar jyly júzege asqan bolatyn. Damýynda erekshelikteri bar 12-22 jas aralyǵyndaǵy 50 jas akter osy jobanyń arqasynda teatr álemine – óner ólkesine qadam basyp, qoıylymǵa qatysty.

Soltústik Qazaqstan oblysyndaǵy Petropavl qalasynan kelgen erekshe akterler teatry «Degdar» qaıyrymdylyq qorynyń qoldaýymen Nur-Sultanda óner kórsetti.

Redıard Kıplıngtiń «Djýnglı kitaby» povesi qoıylymnyń negizi bolǵan edi. Akterlerdiń qımyl qozǵalysqa toly oıyny qulaǵy estimeıtin ári mylqaý bala beınesiniń qorshaǵan ortamen qaqtyǵysy arqyly eldegi osy zamanǵy kórinisterdi shynaıy kórsetedi. Qoǵamymyzdaǵy damýynda erekshelikter bar adamdar sııaqty keıipkerge de djýnglıdegi qıyndyqtardy jeńýge týra keledi.

Senat Tóraǵasy spektaklden keıin akterlermen jáne teatr basshylarymen kezdesip, áleýmettik jobaǵa qatysýshylarǵa alǵys aıtty. Darıǵa Nazarbaeva spektaklden alǵan áserlerimen bólisip, balalardyń sheberlikpen somdaǵan oıynyn erekshe atap ótti.

«Osy teatrdyń ǵumyrly ári turaqty bolǵanyn, búkil elimizde osyndaı teatrlardyń ashylǵanyn qalaımyz. Bul qoldaýdy ári damytýdy qajet etetin tamasha joba. Sizderdiń árqaısylaryńyz aıryqsha daryn men zor áleýetke ıe erekshe balasyzdar», - dedi Darıǵa Nazarbaeva.

Darıǵa Nazarbaeva kezdesý sońynda Senat depýtattarymen, memlekettik organdardyń jáne joba basshylarymen birlese otyryp, qoǵam men memlekettiń jastar men balalardyń áleýmettik jáne eriktiler jobalaryn qoldaý men damytýǵa arnalǵan júıeli qadamdaryn talqylady.

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar