Aımaqtar • 27 Qarasha, 2019

Jezqazǵanda kópbalaly otbasylar baspanaly boldy

18 retkórsetildi

Qazaqstan Respýblıkasynyń Tuńǵysh Prezıdenti kúni merekesiniń qarsańynda Jezqazǵan qalasynda eki kópbalaly otbasy baspanaly boldy. Baıkenjınovter men Jumaǵulovtar otbasylaryna jańa páterlerdiń kiltin qala ákiminiń orynbasary Zına Aqylbekova tabys etti.

Tańdaý bul otbasylaryna tegin túsken joq. Máselen, Baıkenjınovter shańyraǵynda alty bala bar, onyń bireýi 1-shi toptaǵy múgedek. Otanasy úıde osy balanyń kútimen aınalysady. Al kezinde elektrjelilik kompanııada elektromonter bolyp jumys istegen otaǵasy 3-shi toptaǵy múgedek.

Alty bala asyrap otyrǵan Jumaǵulovtar otbasynyń da jaǵdaıy máz emes-tin. Bir úıli jan «Qalalyq avtokólik joldary basqarmasy» kásipornynda jumys isteıtin otaǵasynyń tapqanyna ǵana kúneltip keledi.

Jalpy, Jezqazǵan qalasy boıynsha respýblıkalyq bıýdjetten bólingen qarajat esebinen atalǵan sanatta kezekte turǵandar úshin 25 páter satyp alynǵan bolatyn. Jyl sońyna deıin ekinshi naryqta taǵy 5 páter satyp alý josparda bar.

Qazirgi tańda Jezqazǵanda turǵyn úı alý kezeginde 2457 adam tur. Onyń ishinde baspanaǵa muqtaj 192 kópbalaly otbasy bar. 2019 jyldyń sońyna deıin qaladaǵy 37 kópbalaly otbasyn memlekettiń kómegine súıenip,  baspanamen qamtamasyz etý josparlanǵan. 

 

 

Qaraǵandy oblysy

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar