Parlament • 27 Qarasha, 2019

Senat Tóraǵasy sý resýrstaryn saqtaý jóninde memlekettik baǵdarlama ázirleýdi usyndy

8 retkórsetildi

Senatta Halyqaralyq qatynastar, qorǵanys jáne qaýipsizdik komıtetiniń uıymdastyrýymen Qazaqstannyń sý qaýipsizdigi taqyryby boıynsha parlamenttik tyńdaý boldy. Bul týraly Parlament palatasynyń baspasóz qyzmeti habarlady. 

Komıtet tóraǵasy Muhtar Qul-Muhammed óz áriptesterine arnaǵan sózinde komıtetke Darıǵa Nazarbaeva tóraǵalyq etken kezde osy másele otyrystarda eki jyl boıy kóterilgenin atap ótti. «Úkimetke birqatar usynystar berilgen bolatyn, degenmen bul máselelerdiń tolyq sheshimin áli kóre qoıǵan joqpyz», - dedi ol.

Sý qorlaryn lastaý, gıdrotehnıkalyq qurylystardyń eskirýi, sybaılas jemqorlyq pen qurylys standarttarynyń saqtalmaýy, transshekaralyq ózenderge táýeldi bolý, sý resýrstaryn basqarý jáne olardyń sapasyn baqylaý júıesiniń jetimsizdigi, aýyz sý jónindegi memlekettik baǵdarlamalardyń tıimsiz iske asýy sýmen qamtamasyz etý salasyndaǵy negizgi qaýip-qaterler ekeni parlamenttik tyńdaýda aıtyldy.

Senator Qaırat Qojamjarov parlamenttik tyńdaýda sóz alyp, «Aq bulaq», «Aýyz sý» baǵdarlamalaryna bıýdjetten 1,2 trln teńge jumsalǵanyn, alaıda aýyldyq eldi mekenderdiń 51 paıyzy burynǵydaı taza aýyz sýǵa qol jetkize almaı kele jatqanyn atap ótti. Bul shamamen 2,5 mln adam nemese halyqtyń 13 paıyzy bolyp otyr. Senator Úkimetke bólingen bıýdjet qarajatynyń maqsatty ıgerilýine baqylaýdy kúsheıtýdi usyndy.

Esep komıtetiniń tóraǵasy Natalıa Godýnova aıtqandaı, sý resýrstary komıteti bıýdjet qarajatyn jumsaý jónindegi memlekettik aýdıt 2,5 mlrd teńge bolatyn qarjy tártibiniń buzýshylyqtaryn, tıimsiz josparlaý men memlekettik resýrstar paıdalanylǵan 26,3 mlrd teńgeni, rásimdik tártiptiń 189 buzýshylyǵyn anyqtady.

Elimizdegi Geografııa ınstıtýtynyń dırektory Ahmetqal Medeý óz sózinde bóget ıelerine qatysty zań erejelerin qataıtýdy kerektigin atap ótti. Olar ózderi ıe bolǵan múlikke ınvestısııa salmaı, túsken paıdany túgelimen alyp keledi, al tótenshe jaǵdaılardyń saldaryn joıýdy memleketke qaldyratyny aıtyldy.

Ý.M.Ahmedsafın atyndaǵy Gıdrogeologııa jáne geoekologııa ınstıtýtynyń dırektory Mális Ábsámetov sý nysandaryn jobalaý, qurylysy jáne paıdalaný jumystaryn júrgizýge qabiletti bilikti kadrlardyń jetispeýshiligi kún tártibinde ótkir turǵanyn aıtty.

D.Nazarbaeva parlamenttik tyńdaýdy qorytyndylaı kelip, memleketke sý resýrstaryn saqtaý baǵdarlamasy qajet ekendigine erekshe nazar aýdardy. Bul problemany zerdeleý eldiń ǵylymı ınstıtýttary úshin, ásirese sý únemdeý tehnologııalaryn qoldaný, bıýdjetke túsetin aýyrtpalyqty azaıtýy yqtımal ınvestısııalardy tartý áleýeti jónindegi basym mindet bolýy tıis.

Senat Tóraǵasy sý qaýipsizdigi máselelerine ǵana jaýapty bolatyn memlekettik organ qurýdy da usyndy.

«Sý qaýipsizdigi jónindegi alǵashqy eki tyńdaýdyń usynymdarynda tek sý jáne sý qaýipsizdigimen ǵana aınalysatyn jeke ýákiletti organnyń qajettigi týraly aıtqan edik. Bul másele kún tártibinen alynbaıdy. Bul memlekettik organ – agenttik nemese mamandandyrylǵan uıym, qandaı túrde jumys isteıtini belgisiz, biraq ol tek osy máselelerge jaýap beretin jeke qurylym bolyp, olar boıynsha jaýapty ári óz is-áreketine jaýap berýi tıis», - dedi D.Nazarbaeva.

Parlamenttik tyńdaýdyń qorytyndysy boıynsha Senat depýtattary Úkimetke jiberiletin usynymdar ázirledi.

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar