Qoǵam • 27 Qarasha, 2019

234 úmitker «Bolashaq» stıpendııasynyń ıegeri atandy

45 retkórsetildi

Ortalyq kommýnıkasııalar qyzmetiniń alańynda Bilim jáne ǵylym vıse-mınıstri Rústem Bıǵarı jáne «Halyqaralyq baǵdarlamalar ortalyǵy» AQ prezıdenti Aınur Káribozovanyń qatysýymen «Bolashaq» halyqaralyq stıpendııasyn kezekti úmitkerlerge taǵaıyndaý nátıjeleri boıynsha baspasóz konferensııasy ótti.

Memlekettik hatshysy Q.Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótkeni belgili. Komıssııa sheshimimen 234 úmitkerge stıpendııa taǵaıyndaldy. Olar magıstratýra men doktorantýrada bilim alady, sondaı-aq álemniń jetekshi ǵylymı jáne óndiristik uıymdaryna taǵylymdamaǵa jiberiletin bolady.

Bıyl ótken respýblıkalyq komıssııanyń eki otyrysynyń qorytyndysy boıynsha 1245 úmitkerdiń 321-i «Bolashaq» halyqaralyq stıpendııasynyń ıegerleri atandy. Úlestirilgen stıpendııanyń 92%-y magıstratýra baǵdarlamalary, 8%-y doktorantýra boıynsha taǵaıyndaldy.

Stıpendıattardy sanattar boıynsha bólsek, memlekettik qyzmetkerler – 21, buqaralyq aqparat quraldary qyzmetkerleri – 4, óz betimen túskender – 200, ınjenerlik-tehnıkalyq qyzmetkerler – 12, jalpy konkýrs – 65, ǵylymı-pedagogıkalyq qyzmetkerler – 19 adamdy quraıdy.

Stıpendıattardy elder boıynsha atasaq, Avstralııada – 4, Ulybrıtanııada – 242, Kanadada – 4, Italııada – 7, AQSh-ta – 54, Germanııada – 2, Belgııada – 2, Reseıde – 4, al Nıderlandyda – 2 stýdent bilim alýda.

2020 jyldan bastap «Bolashaq» halyqaralyq stıpendııasyn júzege asyrýdyń jańa tásilderi engizilmek. Olar konkýrstyq irikteýdi júrgizý tetikterin jetildirýdi jáne avtomattandyrýdy, onyń kezeńderin qysqartýdy, shetelde kadrlar daıarlaý jónindegi respýblıkalyq komıssııanyń jumysyn ońtaılandyrýdy, jumys organynyń jaýapkershiligin arttyrýdy kózdeıdi.

Budan basqa, stıpendıattardy oqytýǵa baılanysty barlyq akademııalyq prosester qosymsha retteletin bolady.

Aqparat úshin:

«Bolashaq» halyqaralyq baǵdarlamasy júzege asyrylyp jatqan 26 jyldyń ishinde 13 870 stıpendııa taǵaıyndaldy. Onyń ishinde 1994 jyldan 2004 jylǵa deıin – 785 stıpendııa, 2005 jyldan 2019 jylǵa deıin – 12 851 stıpendııa bólindi. Onyń 3 379-y bakalavrıat, 6 951-i magıstratýra, 35-i aspırantýra, 87-si klınıkalyq ordınatýra jáne 332-si doktorantýra baǵdarlamasy boıynsha oqý, 2 067-si taǵylymdamadan ótý úshin berildi.

Osy ýaqytqa deıin barlyǵy 10 854 maman daıarlandy. Túlekterdiń jalpy sanynyń 54,3%-y áleýmettik-gýmanıtarlyq mamandyqtar, 36,7% – ınjenerlik-tehnıkalyq, 7,2% – medısınalyq jáne 1,8% – shyǵarmashylyq mamandyqtar boıynsha oqýlaryn aıaqtady.

Búgingi kúni 6 943 túlek ózderiniń sharttyq mindettemelerin oryndady. Olardyń ishinde eńbekpen qamtý monıtorınginde turǵandary – 3 374, dıplom kútip otyrǵandary – 388, eńbek arqyly jumys isteý bóliginde sharttyq mindettemelerdi oryndaý keıinge qaldyrylǵandar (oqýǵa, bala kútimine jáne t.b. baılanysty) sany – 150 adamdy quraıdy.

Qazirgi tańda «Bolashaq» baǵdarlamasymen álemniń birneshe elinde 1199 stıpendıat bilim alyp jatyr. Olardyń 7-eýi bakalavrıat, 1016-sy magıstratýra, 137-si doktorantýra baǵdarlamalary boıynsha, al 39-y taǵylymdamadan ótýde. Stıpendıattar sany jaǵynan Ulybrıtanııa men Irlandııada – 44,8%, AQSh pen Kanadada – 41,5%, Qurlyqtyq Eýropa elderinde – 6,4%, Azııa jáne Tynyq muhıty elderinde – 5,5%, Reseı Federasııasynda – 2,2%-ǵa teń.

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar