Prezıdent • 27 Qarasha, 2019

Qazaqstan men Qyrǵyzstan Prezıdentteri BAQ úshin brıfıng ótkizdi

57 retkórsetildi

Qazaqstan men Qyrǵyzstan delegasııalarynyń arasynda ótken kelissózder qorytyndysy boıynsha Qasym-Jomart Toqaev pen Sooronbaı Jeenbekov buqaralyq aqparat quraldary úshin birlesken málimdeme jasady. Bul týraly Aqordanyń baspasóz qyzmeti habarlady. 

Qasym-Jomart Toqaev óziniń Qyrǵyzstanǵa jasaǵan saparynyń erekshe mańyzdylyǵyn atap ótip, elderimizdi ejelden jalǵasyp kele jatqan tyǵyz dostyq baılanystarymyz, tereń tamyrymyz, tilimiz ben mádenıetimiz biriktiretinin aıtty.

Qazaqstan Prezıdenti óz sózinde odaqtastyq ári strategııalyq seriktestik deńgeıine jetken ekijaqty baılanystardy damytýǵa Tuńǵysh Prezıdentimiz – Elbasy Nursultan Nazarbaev pen Sooronbaı Jeenbekovtiń  qosqan úlesine toqtaldy.  

– Nursultan Nazarbaev pen Sooronbaı Jeenbekov  2017 jyly saıası erik-jiger tanytyp, eki el úshin de mańyzdy sanalatyn memlekettik shekaranyń quqyqtyq mártebesin bekitti. Bul Qazaqstan men Qyrǵyzstannyń búkil álem qoǵamdastyǵyna tatý kórshilik rýhynyń jarqyn úlgisin kórsetti, – dedi Qasym-Jomart Toqaev.

Ol Qazaqstannyń Prezıdenti retinde kópjaqty qazaq-qyrǵyz yqpaldastyǵyn damyta berýge nıetti ekenine nazar aýdardy. Onyń aıtýynsha, búgingi kelissózder qorytyndysy boıynsha qol qoıylǵan Birlesken deklarasııa sonyń aıqyn dáleli.

Qasym-Jomart Toqaev kelissózder barysynda saýda-ekonomıkalyq jáne ınvestısııalyq baılanystarǵa basa nazar aýdarylǵanyn málimdedi.

– 2015-2018 jyldary ekijaqty taýar aınalymy 30 paıyzǵa artyp, 900 mıllıon dollarǵa jýyqtady. Sonyń nátıjesinde elimiz Qyrǵyzstannyń jetekshi saýda seriktesine aınaldy jáne Reseı men Qytaıdan keıingi úshinshi oryndy berik ıelenip otyr. О́z kezeginde Ortalyq Azııa elderi ishinde Qyrǵyzstan – Qazaqstannyń ekinshi saýda seriktesi, – dedi Qasym-Jomart Toqaev.

Bul rette, Qazaqstan Prezıdenti taýar aınalymyn 1 mıllıard dollarǵa jetkizý mindetine aıryqsha toqtaldy. Kelissózder barysynda kásipkerler turaqty túrde tikeleı baılanys ornata alatyn arnaıy alań qurý bastamasy talqylandy.

– Qazaqstan men Qyrǵyzstannyń óńiraralyq forýmyn ótkizý tájirıbesin engizý osynyń bir mysaly bola alady. Úkimetterge bul usynysty pysyqtaý tapsyryldy, – dedi Qasym-Jomart Toqaev.

Qazaqstan Prezıdenti ózara saýda-sattyqtyń shamamen 50 paıyzyn quraıtyn shekara mańy yntymaqtastyǵynyń qarqyndy damyp kele jatqanyn atap ótti.

– Eksport-ımport operasııalaryn qoldap, yntalandyrý úshin Qazaqstan taýarlardy rásimdeý jáne daıyndaý jónindegi logıstıkalyq ortalyq qurýdy usynyp otyr. Bul jobanyń iske asyrylýy elderimizdiń aýmaǵynda ákimshilik rásimderdi jeńildetip, taýarlardy jyljytýǵa aıtarlyqtaı múmkindikter týǵyzady, – dedi Qasym-Jomart Toqaev.

Sý jáne energetıka salasyndaǵy másele – kezdesýdiń mańyzdy bóligi. Qazaqstan Prezıdenti Ortalyq Azııadaǵy transshekaralyq ózenderdegi sý resýrstary ortaq baılyǵymyz dep sanaıdy.

Kelissózder barysynda eki el basshylary mádenı-gýmanıtarlyq salany odan ári damytýdyń perspektıvalaryn jeke másele retinde qarastyrdy. Atap aıtqanda, aldaǵy ýaqytta elderimizdiń ózara Mádenı kúnderin uıymdastyrý usynyldy. Sońǵy ret mundaı shara alty jyl buryn ótkizilgen bolatyn.

Qazaqstan Prezıdenti kelissózder qorytyndysy boıynsha qol qoıylǵan ekijaqty qujattarǵa basa mán berip, jalpy sıpaty boıynsha seriktestigimizdi nyǵaıtýǵa tyń serpin beretin Yntymaqtastyqtyń keshendi baǵdarlamasyna erekshe toqtaldy.

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar