Qazaqstan • 28 Qarasha, 2019

Yntymaqtastyq josparyna qol qoıdy

8 retkórsetildi

Qazaqstan Respýblıkasy Prezıdentiniń kómekshisi – Qaýipsizdik Keńesiniń hatshysy Qalmuhanbet Qasymov, Qyrǵyz Respýblıkasy Qaýipsizdik Keńesiniń hatshysy Damır Sagynbaevpen kezdesti, dep habarlady Prezıdenttiń baspasóz qyzmeti.

Bishkek qalasynda Qazaqstan Res­pýblı­kasy jáne Qyrǵyz Respýblı­kasy Qaýipsizdik keńesteri apparattary arasyndaǵy keńeıtilgen josparly konsýltasııalar ótti.

Qazaqstan Respýblıkasy Prezı­denti­niń kómekshisi – Qaýipsizdik Keńesi­niń hatshysy Qalmuhanbet Qasymov­tyń jáne Qyrǵyz Respýblıkasy Qaýip­siz­dik Keńesiniń hatshysy Damır Sagyn­baevtyń tóraǵalyǵymen ótken kelis­sózderge ortalyq memlekettik or­gan­dar basshylary qatysyp, ynty­maq­­tas­tyqtyń ózekti máseleleri talqy­landy.

Taraptar óńirlik qaýipsizdiktiń qazirgi jáne yqtımal qaýip-qaterleri boıynsha pikir almasyp, halyqaralyq terrorızmge jáne dinı ekstremızmge birlesken qarsy áreketti egjeı-tegjeı­li qarastyrdy. Onyń ishinde búgin­gi qalyptasqan ahýaldy eskere otyryp, aldaǵy ýaqytta atalǵan ba­ǵytta úılesimdi jumysty kúsheıtýdiń mańyzdylyǵy aıtyldy.

Sonymen qatar konsýltasııalar barysynda zańsyz esirtki aınalymy­men kúres jáne mıgrasııalyq zańdy­lyqty buzý boıynsha Qazaqstan men Qyrǵyz memlekettik organ­dary­nyń yn­tymaqtastyǵy sóz boldy. Bul ba­ǵyt­tardaǵy ózara áreket­testiktiń qazir­­gi jaǵdaıyna taldaý júr­gizilip, ju­mys­ty jaqsartý maq­satynda naqty usynystar jasaldy.

Jumystyń nátıjeleri boıynsha eki eldiń tıisti memlekettik organdaryna naqty tapsyrmalar berildi. Budan basqa Q.Qasymov pen D.Sagynbaev 2020-2021 jyldarǵa arnalǵan Qazaq­stan men Qyrǵyz Qaýipsizdik keńes­teri apparattary arasyndaǵy yntymaq­tastyq josparyna qol qoıdy.

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar