Qoǵam • 28 Qarasha, 2019

Sadaqa berý mádenıetiniń zamanaýı úlgisi

11 retkórsetildi

Nur-Sultan qalasyndaǵy Áljan ana meshitinde «QIWI» elektrondy sadaqa termınalynyń tusaýkeser rásimi ótti. Is-sharaǵa Aqparat jáne qoǵam­dyq damý mınıstri Dáýren Abaev, Qazaqstan Musylmandary dinı basqarma­synyń (QMDB) tóraǵasy, Bas múftı Serikbaı qajy Oraz qatysty.

Jıyn barysynda QMDB ımamdarymen kezdesken mınıstr taıaýda ótken III Respýblıkalyq ımamdar forýmynda qabyldanǵan mańyzdy qujattarǵa toqtaldy. Forým QMDB-nyń uıymdas­tyrýshylyq-ıdeologııalyq qyzmetin jańa bir beleske kóterip, tyń rýhanı serpin bergenin, sondaı-aq elimiz­diń óńirlerindegi oblystyq jáne qala­lyq ortalyqtarda ımamdar forýmy jal­ǵasyp jatqanyn jetkizdi. «Atap aıtqanda, «Jeti rýhanı qazyq» Qazaq­stan musylmandarynyń rýhanı tuǵyr­namasy – ǵasyrlar boıy ata-babalarymyz ustanǵan dástúrli ulttyq rýhanı qundylyqtar murasyn túsindirýge negizdelgen. Qujatta «ımandylyq», «otan­shyldyq», «bilimdilik», «aýyzbir­shilik», «eńbekqorlyq», «mádenıet­tilik», «ádildik» syndy uǵymdarǵa keńinen túsinikter berilgen. Búginde forým­da qabyldanǵan mańyzdy qujat­tar­dy talqylaý maqsatynda Qazaq­stan óńirlerindegi oblystyq jáne qala­lyq ortalyqtarda ımamdar forý­my ótkizilýde. Búgingi meshit ımamdary­nyń halyq arasyndaǵy tolassyz ýa­ǵyz-nasıhattary, belsene aralasatyn qa­ıy­rymdylyq is-sharalary, aǵartýshylyq maqsattaǵy aýqymdy isteri – Qazaqstan musylmandarynyń rýha­nı suranysyna qaltqysyz qyzmet etý­diń jarqyn kórinisine aınalýda. Son­daı-aq qoǵamdaǵy birlik pen keli­simdi, tatýlyq pen beıbitshilikti nyǵaı­týǵa aıanbaı úles qosýda», dedi D.Abaev.

Sonymen qatar is-sharada mınıstr azamattardyń qaıyrymdylyǵyn erkin qabyldaý úshin ornatylǵan «QIWI» elektrondy termınalynyń jumy­sy­men tanysty. D.Abaev osy oraıda: «Búgin biz sizdermen birlese otyryp, Áljan ana meshitinde azamattardyń qaıyrymdylyǵyn erkin qabyldaý úshin «QIWI» elektrondy termınalynyń tu­saý­keser rásimine qatysyp otyrmyz. Qazirgi ýaqytta, QMDB tarapy­nan Nur-Sultan qalasyndaǵy 12 meshit­ke qaıyrymdylyqty qabyldaý maq­satynda «QIWI» elektrondy ter­mı­nal­dar ornatyldy. Mundaı ter­mı­naldardy barlyq oblystyq, qala­lyq ortalyqtardaǵy meshitterge ornatý jumystary júrgizilýde. Dinı basqar­ma­nyń esep aıyrysý shotyna azamattar­dan qolma-qol aqshasyz tásilmen qaıy­rymdylyqtyń túsýi QMDB-nyń qarjy-sharýashylyq qyzmetiniń ashyqtyǵy men jarııalylyǵyna halyqtyń senimin týdyryp, onyń bedeliniń artýyna oń septigin tıgizetin bolady», dedi.

О́z kezeginde Bas múftı Serikbaı qajy Oraz qazir elimizde 58 jerde sadaqa termınaly ornatylǵanyn aıta kelip, «Birinshiden, bul qarjy ashyqtyǵyn qamtamasyz etedi, ekinshi­den, esep-qısap júıesindegi jumysy­myzdy jeńildetedi, úshinshiden, qazir álemniń damyǵan musylman elderinde ýaqyp, zeket, t.b. qaıyrymdylyq qorlardyń qarjy salasy elektrondy tásilge kóshken. Biz de osyndaı ozyq júıege kezeń-kezeńimen kóshýimiz kerek. Búgingi zamana úrdisi osyndaı bastamalardy talap etýde», dedi. Bas múftıdiń aıtýynsha, qazir adamdar zeketi men sadaqasyn smartfon arqyly berýdi qolaıly sanaıdy.

«Búgingideı naryq zamanynda ýaqyt degen nárse – bárinen bıik qun­dylyqqa aınaldy. Osy jaǵdaıdy eskerip, Zeket qorynyń smartfondaǵy arnaıy qosymshasyn jasap shyqtyq. Sol qosymshada kómekke asa muqtaj azamattar men naýqas kisilerdiń bazasy bar. Kimge qarjylaı kómekteskińiz keledi, ózińiz bilesiz. Siz bergen kómek sol adamnyń esepshotyna tikeleı túsip tura­dy. Siz onyń esep-qısabyn sol qosym­shadan kórip otyrasyz. Son­dyq­tan meshitke sadaqa termınalyn ornatý ýaqyt talabynan týǵan bastama dep aıtar edim. Biz osylaısha sadaqa berý máde­nıetiniń zamanaýı ozyq túrin paıdalanýymyz kerek. Bul arqyly, taǵy da qaıtalap aıtamyz, adam óziniń bergen sadaqasyn qaıda jumsalyp jatqanyn kóre alady ári ony basqara alady», dedi Serikbaı qajy Oraz.

 

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar