О́ńirdegi 442 mekteptiń barlyǵy joǵary keń jolaqty ınternet jelisine qosylǵan. Sonymen qatar 435 bilim berý oshaǵy Wi-Fi jelisimen qamtylǵan. Onyń ishinde 334 mektep jergilikti bıýdjet esebinen, 73 mektep elektrondy oqytý júıesin engizý esebinen, 32 mekeme demeýshiler esebinen jabdyqtalǵan. Atalǵan baǵdarlamanyń mańyzyn eskere otyryp, Jambyl oblysynyń ınvestorlarǵa qyzmet kórsetý, jobalyq basqarý jáne sıfr­landyrý ortalyǵynyń basshysy Damır Egizbaev jyl sońyna qaraı mektepterdi Wi-Fi jelisimen qamtý 100 paıyzdy quraıtynyn jetkizdi.

Sondaı-aq óńirdegi barlyq mektepke «Bilimland» sandyq bilim berý qory engizilgen. «Jol kartasyna» sáıkes 2018-2020 jyldary adamı kapıtaldyń sandyq ekonomıkasyn damytý úshin mektepterdiń 50 paıyzy robottehnıka kabınetimen jaraqtandyrylady eken. Sonymen qatar Taraz qalasynda №41 gımnazııa bazasynda qaýipsizdik maqsatynda «SMART-mektep» qanatqaqty jobasy iske qosylǵan. Oqýshylardy qabyldaý aqparattyq júıesi oblystaǵy mamandandyrylǵan mektepterge engizilgen. Aıtalyq, erekshe daryndy balalarǵa arnalǵan oblystyq «Daryn» mektep-ınternatyna 443 ótinish berilip, 60 bala elektrondy qabyldanǵan. Daryndy balalarǵa arnalǵan mamandandyrylǵan IT lıseı-ınternatyna 355 ótinish berilip, 40 bala elektrondy qabyldanypty.

 Bos jumys oryndaryn jáne pedagogtardy jumysqa qabyldaý júıesin basqarýdyń avtomattandyrylǵan júıesi óńirdegi barlyq mektepke engizilip, bul júıe «e – eńbek bırjasy» portalymen yqpaldastyrylǵan. Iske qosylǵan ýaqyttan beri 2485 vakansııa jarııa­lanyp, 504 qyzmetker men kishi qyzmetker jumysqa qabyldanǵan.

«Taraz qalasynda 1 qarashada «TarazHub» IT ınký­ba­tory ashyldy. 5 qabatty ınnova­sııa­­lyq IT-ortalyqtyń aýmaǵy 1 000 sharshy metrdi quraıdy. Ortalyqtyń min­de­ti – dástúrli jáne ınnovasııalyq IT-tehno­logııalardy oqytý, bolashaq IT-maman­dar men jańa ıdeıalardy izdeý, IT-star­t­aptardy qoldaý. Ǵımarat qurylysy 100 paıyz aıaqtaldy, qazir mamandardy irikteý jumystary júrgizilýde. Bıyl 37 IT-synyp ashý josparlanýda», deıdi Damır Egizbaev. Sonymen qatar «Qaýipsiz mektep», «Qaýip­siz kolledj» jobasy aıasynda da tıisti ju­mys­tar atqarylýda.

Taraz qalasy men aýdan ortalyqtarynda 391 medısınalyq mekeme bar. Onyń ishinde medısınalyq aqparattyq júıege qosylýǵa tıis mekeme sany – 370. Oblystaǵy 4952 medısınalyq jumys orny 100 paıyz kompıýtermen qamtamasyz etilgen. Sony­men qatar 49 medısınalyq uıym tórt medı­sınalyq aqparattyq júıe boıynsha jumys isteıdi. Densaýlyq saqtaý aıasynda mobıl­di qosymsha qurylyp, oǵan 49 928 adam tir­kelgen. Medısınalyq qujattamany qaǵaz­syz júrgizý úshin 1 069 079 elektrondy densaýlyq pasporty qurylǵan. Bul aqpa­rat­tyq júıege tirkelgenderdiń 94,2 paıyzyn quraıdy. Jyl sońyna deıin 100 paıyz qamtý josparlanýda. Sonymen qatar 12 medı­sı­nalyq mekemege «e-Kezek» elektron­dy kezegin engizý úshin jergilikti bıýdjetten 73,8 mıllıon teńge bólinip, ony «Stending» kompanııasy 100 paıyz iske asyrdy. Qazirgi tańda sıfrly saýattylyqty artty­rý úshin ashylǵan sıfrly beketter, jedel me­dı­sı­na­lyq kómekti basqarý boıynsha da birqatar jumystar atqarylýda.

Jambyl óńirinde turǵyn úı-kommý­nal­dyq sharýashylyqty sıfrlandyrý boıynsha «e-Shanyrak» biryńǵaı zııatkerlik aqparattyq júıesin qurý, «Aqyldy kvartal» qanatqaqty jobasyn iske asyrý, qala­lyq sýmen jabdyqtaýdy avtomattan­dyrý, ortaq jylý energııasyn esepteý qural­darymen jabdyqtaý, «Aqyldy jaryq­tan­dyrý» qondyrǵysyn ornatý jáne úılerdiń kire­beristerine beınebaqylaý kameralar­yn ornatý sııaqty 6 joba qolǵa alynǵan. Qalany sýmen jabdyqtaýdy avtomattandyrý aıasynda «Taraz sý» mekemesiniń máli­meti boıynsha, «Sıfrly Qazaqstan» memle­ket­tik baǵdarlamasyn iske asyrý negizinde ITRON fırmasynyń FLOSTAR markaly 448 qashyqtan esepteý quraldary bıýdjettik mekemelerge ornatylýda. Búgingi tańda, ornatylǵan qashyqtan esepteý quraldaryn biryńǵaı aqparattyq júıesine qosý ju­mys­ta­ry júrgizilýde, ol bıylǵy jyl jeltoqsan aıynda tolyq aıaqtalatyn bolady.

Ortaq jylý energııasyn esepteý qural­da­ry­men jabdyqtaý máselesi de ózekti. О́tken jyly tabıǵı monopolııalar sýbektileri jos­par boıynsha úılerge 1249 dana ortaq jylý energııasyn esepteý quraldaryn orna­týǵa tıis bolatyn, nátıjesinde 997 dana ǵana ornatylǵan. Taraz qalasy jospar boıynsha 1072 dana ornatýǵa tıis edi, ornatylǵany – 873 dana. Sol sııaqty Jańatas qalasy jos­par boıynsha 98 dana ornatý kerek bolsa, búginge ornatylǵany 80 dana. Al Qarataý qalasy jospar boıynsha 44 dana bolý kerek, onyń ornatylǵany 10 dana jáne Shý qalasy jospar boıynsha 38 dana, al ornatylǵany 34 dana bolyp otyr.

Jaryqtandyrý máselesine kelsek, Taraz qalasyndaǵy Tóle bı men – ál-Farabı kóshesiniń qıylysynda kún paneli men jel genera­tory negizinde jumys isteıtin «Aqyl­dy jaryqtandyrý» dep atalatyn 4 kóshe sham­nyń ornatylǵany belgili. Sonymen qatar Taraz qalalyq prokýratýrasynyń «Qaýipsiz aýla» baǵdarlamasy aıasynda 23 kópqabatty turǵyn úıdiń aýla alańdaryn jaryq­tandyrý jumystary boıynsha jalpy quny 29,159 mıllıon teńge bolatyn joba­lyq-smetalyq qujattary jasalǵan. Joba bo­ıynsha turǵyn úılerdiń aýlalaryna jaryq­­dıodty shamdar men temir baǵanalar orna­ty­lady. Turǵyndardyń qaýipsizdigi úshin úı kire­beristerine beınebaqylaý kamera­la­ryn ornatý qolǵa alynyp, bulyńǵyr beıne­baqy­laý servısine 238 kireberiste 476 ka­me­ra qosylǵan. Jyl sońyna deıin 350 kire­­beriste 700 kamera ornatylady dep jos­par­la­nýda.

 О́ńirde kólik júıesin sıfrlandyrý aıasynda da birqatar jobalar júzege asyrylýda. Atap aıtsaq ortalyq dıspetcherlik qyzmet qurý, avtobýstarda GPS navıgasııalyq júıe­sin ornatý jáne mobıldi qosymsha jasaý, avtoınformatorlar qurý jáne elektrondy bılet júıesin engizý kún tártibindegi másele bolyp otyr. Taraz qalasynda «avtobaqylaý» jolaýshylar avtobýstarynyń monıtorıng júıesi men 43 jolaýshy marshrýt, 670 avtobýsta GPS navıgasııa engizildi. Qoǵamdyq kólikterde avtomatty túrde aıaldamalar men basqa da habarlandyrýlar jarııalaıtyn 115 avtoın­formator ornatylǵan. Endi aǵymdaǵy jyl­dyń sońyna deıin qosymsha 150 avtoınformator ornatylmaq.

Taraz qalasynda 206 syrtqy baqylaý beıne­kamerasy jáne 40 fotofıksasııa beketi men jol baqylaý júıesi ornatylǵan. Búgin­de jergilikti bıýdjetten jedel basqarý orta­­ly­ǵyn qaıta jańartýǵa jáne Taraz qala­synda jańa 300 beınekamera ornatý úshin joba­lyq-smetalyq qujat ázirleýge tıisti qara­jat bólingen. Olardy satyp alý jáne ornatý 2019-2020 jyldarǵa josparlanýda. «Aqyldy baǵdarshamdar» ótken jyl­dyń josparyna sáıkes atalǵan oblys orta­ly­ǵyn­daǵy jeti jol qıylysynda ornatyldy.

«Sıfrly Qazaqstan» memlekettik baǵ­dar­lamasy aıasynda «Sıfrlandyrylǵan aqpa­rattyq ortalyqtar» jobasyn iske asyrý barysynda Jambyl oblysy boıynsha 2018-2019 jyldary aýyldyq kitaphanalar janynan sıfrlandyrylǵan aqparattyq jáne kovor­kıng ortalyqtary ashyldy. Onyń ishinde 125 «Sıfrlandyrylǵan aqparattyq ortalyq», 18 kovorkıng ortalyq bar. Jyl sońyna deıin 50 kitaphana men ákimdik bazasyn­da «Sıfrlandyrylǵan aqparattyq orta­lyq­tar» qurý josparlanyp otyr.

Jalpy alǵanda, Jambyl oblysynda «Sıfrly Qazaqstan» memlekettik baǵ­dar­lamasyn júzege asyrý boıynsha bir­qa­tar jumystar atqarylýda. О́tken jyly densaýlyq saqtaý, bilim berý, áleýmettik, aýyl sharýashylyǵy, jer qatynastary jáne taǵy da basqa 9 memlekettik qyzmet avtomattandyrylsa, bıyl bilim berý, sáýlet jáne qury­lys, sport, din, ekonomıka salasyndaǵy bar­lyǵy 33 memlekettik qyzmetti avtomattandyrý josparlanýda. Osylaısha, jyl sońyna deıin elektrondy túrde kórsetiletin mem­le­kettik qyzmetterdiń úlesi 80 paıyzdy qu­raıtyn bolady.

Jambyl oblysy