Rýhanııat • 28 Qarasha, 2019

Ámire izin jalǵaǵan...

99 retkórsetildi

Kúlli Eýropa qurlyǵyn eleń etkizgen Erjannyń erek úni kúni keshe taǵy da jahan nazaryn ózine burǵyzdy. Balalardyń álemdegi eń úzdik án baıqaýy – «Junior Eurovision song contest-2019» jobasynda 2-oryn tuǵyrynan kóringen talantty jastyń jeńisi – muqym qazaq eliniń mereıi, maqtanyshy ekeni daýsyz.

Aıtýly óner oqıǵasyna oraı keshe Mádenıet jáne sport mınıstri Aqtoty Raıym­qulova «Junior Eurovision – 2019» án baıqaýynyń jeńimpazy Erjan Maksımdi qabyldap, ónerli órendi mýzyka álemindegi teńdessiz tabysymen quttyqtady.

– Qazaqtyń «Talant tas jarady» degen tamasha sózi osy bir erekshe úndi Erjan balamyzǵa arnalyp aıtyl­ǵan­daı. Erjan Eýropa tórindegi aıtýly je­ńisi arqyly tutas ulttyń, barsha Qazaq­stannyń abyroıyn asqaqtatty. Árıne, jeńis eńbeksiz kelmeıdi. Bul jolda Erjannyń esepsiz ter tókkeni anyq. Tipti, kásibıligin shyńdaý úshin ata-anasymen birge Máskeýge qonys aýdaryp, sol jaq­­tyń bilimdi mamandarynan tálim alý­y da jas darynnyń ónerge degen ólsheýsiz mahabbatynyń aıǵaǵy bol­sa kerek. Sondyqtan kúlli Qa­zaq eli atynan Erjandy aıtýly je­ńi­simen quttyqtaımyn. Jas ta bol­sa ónerimen kópke úlgi bolyp úlgergen daryndy ulǵa tek qana aq jol tileımin. Aldaǵy ýaqytta da Erjan­nyń úlken baıqaýlarǵa qaty­syp, talantyn barlyq jaǵynan kór­setýine Mádenıet jáne sport mınıs­tr­­ligi tarapynan qoldaýymyzdy aıamaı­myz», – dedi mınıstr.

Elorda tórindegi kezdesýge anasy Gúlmıra Álibekpen birge kelgen jeńim­paz atalǵan án baıqaýynyń shyǵar­mashylyq jolyndaǵy kásibı úlken tájirıbe bolǵandyǵyn atap ótti.

– Ras, baıqaý ońaı boldy deı almaı­myn. Qarsylastarym da myqty eken. Baıqaý óte qyzyq ári tartys­ty ótti. Jobaǵa iriktelgen sátten bastap-aq, bas júlde alyp, el mereıin ústem etsem dep armandadym. Alaıda buıyrǵany 2-oryn boldy. Biraq bul da jaman nátıje emes dep oılaımyn. Bastysy, qazaq ánin álem tyńdady, tany­dy, – dep aqtarylǵan jas ánshi óner kórsetý kezindegi qyzyqtarymen de bólisti. – Sahnaǵa shyǵar aldynda dybys ulǵaıtqysh qural (naýshnık) qula­ǵyma syımaı qalyp, biraz ábigerge tústik. Sodan tyǵyryqqa tirelgen maman­dar qurylǵyny qulaǵyma skotchpen jabystyryp qoıdy. Ánimdi osylaı oryndap shyqtym. Jalpy, «Junior Eurovision– 2019» baıqaýyna qatysý maǵan úlken tájirıbe boldy. Án álemindegi armanyma birtaban jaqyndatty desem de artyq emes. Aldaǵy ýaqytta da halyqaralyq deń­ge­­ı­degi jaqsy baıqaýlarǵa qatys­sam deımin. Sonymen qatar esimi dúnıe­júzine tanymal Andrea Bochellı, Lara Fabıan, Selın Dıon, Bıllı Aılısh jáne ózimniń ónerdegi úlgi tutatyn aǵam Dımash Qudaıbergenmen birge án salǵym keledi. Bul da meniń án álemindegi úlken armandarymnyń biri», – deıdi Erjan.

Polshanyń Glıvıse qala­syn­da ótken aıtýly mýzyka baıqaý­yn­da Erjan Maksım Danııar Alda­ber­­gen­ov­tyń sózine jazylǵan kompozı­tor Hamıt Shańǵalıevtiń «Arma­nyń­nan qalma» ánin joǵary deńgeıde oryndap, qazylar alqasynyń biraýyz­dan qoldaýyna ıe bolǵanymen, elektrondy daýys berý nátıjesinde qarsy­la­syna ese jiberip aldy. Osy bir «át­te­gen-aı» tek ánshiniń ǵana emes, án avtory Hamıt Shańǵalıevtiń de kóńi­lin qulazytypty.

Ras, Eýropa tórinen Erjan áni tógilgende kógildir ekran aldynda taqymyn qysyp, jankúıer bolyp otyrǵan ár kórermenniń keýdesin maqtanysh kernep, qyran kóńilin kókke órletkeni anyq. 1925 jylǵy Parıjdi tańdaı qaqtyrǵan týra bir Ámireniń ánindeı! Mine, osylaısha shyńyltyr únniń sheksiz múmkindigin tanytyp, ónerine Eýropanyń talǵampaz tyń­darmanyn bas ıgizgen Ámire Qashaý­baev fenomeni araǵa týra ǵasyr ýaqyt salyp Dımashtyń dara daýysy, Erjan­nyń erek úni bolyp ortamyzǵa qaıta oral­ǵandaı. Ámire izin jalǵaǵan daryndar joly laıym dańǵyl bolǵaı deıik, endeshe!

 

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar