Rýhanııat • 28 Qarasha, 2019

Urpaqty ulttyq negizde tárbıelese...

71 retkórsetildi

Balaǵa bilim berip, biliktiligin arttyrýda túrli tásil ustanýǵa bolatynyn ustazdar qaýymy jan-jaqty dáleldep keledi. Ár alýan ádisnamany paıdalana otyryp, oqýshylardyń zeıinin ashyp, zerektigin oıatýda. Sheteldik sheberlerdiń ozat oılary men joǵary jobalaryn memleketimizdiń mektepterine engizip, sapaly sabaqtaryn bastap ketkeli de kóp boldy.

Jaqynda Ulttyq akademııa­lyq kitaphanada «Pedagogtardyń kásibı kreatıvti quzyrettiligin jetildirýde ulttyq oıyndardyń róli» taqyrybynda  qalalyq  semı­nar ótti. Túrli oılar men oı­yndardan, tálimdi trenıng, baıandy baıandamalar men sú­beli suhbat túrinde órbigen jı­ynda №48 «Aq kógershin» bala­baqshasynyń eksperımenttik  ala­ńynyń ǵylymı jetekshisi, pedagogıka ǵylymdarynyń kan­dıdaty Aqjarqyn Bádel «Mek­tepke deıingi uıymdarda oqy­týdyń  kreatıvti tehnologııalaryn paıdalaný» taqyrybynda baıandama jasap, pedagogtarmen «Kreatıvti sheńber» oıynyn uıymdastyrdy.

«Búginde «kreatıvti peda­gog», «kreatıvti maman» termıni jıi qolanylýda. Pedagogtyń shyǵarmashylyq jáne krea­tıvtilik qabiletin damytý ózekti máselege aınaldy. Kreatıvtilik sózin aǵylshyn tilinen aýdar­ǵanda «create» – týdyrý, jasaý, shy­ǵarý degendi bildiredi. Krea­tıvtilik – tulǵanyń aıryqsha ıdeıalardy shyǵarý, oılaýdyń dástúrli syzbalarynan kete alý, problemalyq jaǵdaıattardy sheshe alý qabileti. Kreatıvtilik ıntellektýaldyq qabiletterdiń ishinde erekshe tıp retinde bó­linip shyqty. Otandyq ǵalym Sh.Taýbaeva: «Kreatıvtilik dege­nimiz – jeke shyǵarmashylyq áre­kettiń jemisi» degen. Ár pe­dagog óziniń ishki mádenıetin sóı­leý men óz oıyn jetildirý she­­berligin arttyryp otyrý kerek. Ol úshin kitaptar oqý, ózge­rister men jańalyqtardan habardar bolý, óz bilimin jetildirý, jańasha ıdeıalar men jańasha oqytý tehnologııalaryn tıimdi paıdalaný, kreatıvtik tehnologııa boıynsha ulttyq bilim berý modelin jasaý, oqytýdyń standart sheńberimen shektelmeı, balama baǵdarlamalar paıdalaný, balanyń bilimine, qabiletine, daryndylyǵyna, suranysyna, ónerine sáıkes deńgeılep, saralap oqytý, ulttyq til, salt-dástúr, dúnıetanym, atakásip, ulttyq baı tájirıbe negizinde tárbıeleý, oqytýdy izgilendirý kerek. Mysaly, Sáken Qasyq­baıuly degen azamat «Qazaqy jeti oıynshyq» jobasyn jasa­ǵan. Ol oıynshyqtardyń ishinde mynalardy erekshe atap ótýge bolady. Birinshisi – «Bóbek dombyra». Bul kishkentaı balalar qurastyryp, jınaı alatyn dombyra. «Keremet úı». Ká­dimgi kıiz úı. Ony da bala­lar qurastyryp, ózderi oınaıdy, bólshekterin aıtady. «Oı­landyrar oıýlar». Oıýlardyń túr-túsi qurastyrylatyn oı­yn. «Ásem úı». Edendegi oıý­la­­ry da quralady, úı de qu­ra­lady. «Saz aspaptary». Ba­la­lar ulttyq aspaptardy quras­ty­rady, tanysady. «Áýendi besik». Balalar besikpen, besik jyrymen tanysady. «Astana-Báı­terek». Elordamen tanystyrý, ba­lalardyń týǵan elge, jerge degen súıispenshilikterin arttyrý. Bul da oqytýdyń  kreatıvti tehnologııalaryn paıdalaný bolyp tabylady», deıdi Aqjarqyn Bádel.

Shara barysynda atalǵan ba­labaqsha meńgerýshisi Ul­jan Ábenqyzy semınarǵa qa­tysýshylardy quttyqtap, baǵ­darlamamen tanystyrdy. Má­denıet qaıratkeri Sara Orazova jetekshilik etetin balabaqsha baldyrǵandarynan qurylǵan hor semınardyń shymyldyǵyn ashty. Semınarǵa Nur-Sultan qalasy  Bilim berýdi  jańǵyrtý ortalyǵynyń bólim basshysy Aqmonshaq Nurtazaqyzy «Jań­­ǵyrtylǵan bilim berý jaǵ­daıynda oıyn túrlerin qoldaný erekshelikteri» taqyrybynda baıandama jasady. Balabaqsha ádiskeri Baný Túkenqyzy bala densaýlyǵyn nyǵaıtýda yntalandyrý tehnologııasyn asyqpen kiriktire qoldaný ádistemesin túsindirip, balabaqsha pedagogtaryna balabaqsha deńgeıinde ulttyq oıyndardy oınatýdyń jańa baǵyty boıynsha sheberlik synyp ótkizdi.

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar