Rýhanııat • 28 Qarasha, 2019

Qadirli qyzy qazaqtyń

378 retkórsetildi

Sandýǵash úni salqar dalany tegis terbegen Bıbigúl Tólegenova bıyl toqsan jasqa toldy. Halyq ártisiniń mereıli belesine arnalǵan kezekti shara Qurmanǵazy atyndaǵy Qazaq ulttyq konservatorııasynda jalǵasyn tapty.

Qazaq án kóginde qalyqtaǵan bulbul únniń qudiretine bas ıgen mártebeli tyńdarman saraı ishin lyq toltyrdy. Jeztańdaı ánshiniń qurmetine arnalǵan keshte halyq ánderi men áıgili romans­tar qatar shyrqaldy. Mereıtoı ıesi sahna tórine shyǵyp Abaıdyń «Jelsiz túnde jaryq aı» ánin tamyljyta oryndaǵanda, tebirene tyńdaǵan jurt «syrly aıaqtyń syry ketse de, syny ketpeıdi degen osy shyǵar» desti. Talaı asýdy attasa da sıqyrly sazy men ádemi qalybynan jańylmaǵan Bıbigúl Ahmetqyzy ystyq yqylaspen kelgen halqyna izgishýaq kóńilin jetkizdi.

«Áli kúnge deıin qolymnan kelgenshe elime paıdamdy tıgizgim keledi. О́ıtkeni men sahnaǵa shyǵyp, án aıtqanda qanshama adam osynda otyryp, nár, kúsh alyp ketedi. Men úshin odan úlken dáreje, odan bıik ataq joq. Árdaıym elimniń aldynda tizemdi búgip, ıilip sálem bergen saıyn halyqqa súısinetinmin. Jasym úlkeıgen saıyn halyq aıaǵynan tik turyp, meni qarsy alady. Baqyt degen osy shyǵar», dep tebirendi KSRO jáne Halyq ártisi Bıbigúl Tólegenova.

Aty ańyz ánshiniń daýysyn estý úshin jınalǵandar óner ıesine ystyq yqylastaryn bildirip, gúl shoqtaryn usyndy. Konserttik shara barysynda ánshiniń áriptesteri men shákirtteri de ónerin ortaǵa saldy. Bıbigúl Tólegenova atyndaǵy Halyqaralyq vokalıster konkýrsynyń laýreattary Rasýl Jarmaǵambetov, Mádına Orazbaı, Balýan Berkenov, Halyqaralyq konkýrstardyń laý­reaty Mádı Madııarov, Qazaqstannyń eńbek sińirgen qaıratkeri Tolqyn Zabırova, Iаn Rýdkovskıı jetekshilik etetin konservatorııanyń aralas hory jáne ózge de daryndy jastar ásem ánmen saltanatty dýmannyń sánin arttyra tústi.

– Aıtýly keshtiń osy Qurmanǵazy atyndaǵy konservatorııada ótýiniń ózindik erekshe sebebi bar. Munda Bıbigúl Tólegenova bilim alyp, qazirgi ýaqytqa deıin stýdentterge dáris berdi. Ulylarymyzdy dáriptep, olardyń ónegesin qazirgi jastarǵa úlgi nasıhat etý bizdiń mindetimiz. Bárimizdiń aqjarqyn anamyzǵa aınalǵan, qazaqtyń bulbul ánshisiniń 90 jyldyǵy qutty bolsyn. Osyǵan oraı elimizdiń túkpir-túkpirinde kóptegen is-sharalar júrip jatyr. Munyń bári Bıbigúl apamyzǵa ǵana emes, kúlli qazaq ónerine jasalǵan qurmet, – deıdi Qurmanǵazy atyndaǵy Qazaq ulttyq konservatorııasynyń rektory Arman Júdebaev.

 О́negeli ómir jolynda kıeli ónerdiń kıesin ketirmeı, tunyǵyn laılamaı, jurt júreginiń júldesin alǵan Tólegenovanyń taǵylymy tutas urpaqqa mura. Al jeztańdaı ánshiniń mereıli toıyna arnalǵan sharalar shoǵyry jalǵasa bermek.

 

ALMATY

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar