Aımaqtar • 28 Qarasha, 2019

Atyraýda «jedel járdem» kólikteri jańarady

110 ret

kórsetildi

1 mın

oqý úshin

Bıyldyń ózinde Atyraýdaǵy jedel járdem stansasy 276 396 shaqyrtý qabyldady. Eldimekenderdi dereý dárigerlik kómekpen qamtý kórsetkishi jyl sanap artyp keledi. Biraq aımaqtaǵy jedel járdem stansasynyń 80 paıyzynda reanomobılder ábden tozǵan. Bul týraly О́ńirlik kommýnıkasııalar qyzmetinde ótken brıfıngte oblystyq jedel járdem stansasynyń basshysy Erlan Súıeýǵalıev aıtty.

Baqytgúl BABASh

Atyraýda «jedel járdem» kólikteri jańarady

-Tehnıkalardyń tozýy, jetispeýi úlken másele týǵyzýda. Osy problemany sheshý maqsatynda bıyl jergilikti bıýdjetten qarajat qaralyp, 5 reanomobıl alyndy. Respýblıkalyq bıýdjet esebinen 22 kólikke tapsyrys berdik, keler jyldyń birinshi toqsanynda jetkiziledi, deıdi E.Súıeýǵalıev.

Qazir oblys boıynsha 94 reanomobıl bar. Onyń 24-i tozyǵy jetken, 26-sy kúrdeli jóndeýdi qajet etedi. Halyqqa 41 kólik qyzmet kórsetýde. Sońǵy jyldary jedel járdem stansasynyń jumys sapasyn jaqsartýǵa aıryqsha nazar aýdarylyp, jańa medısınalyq qural-jabdyqtar alyndy. Jyl basynan beri 78 maman jumysqa qabyldandy. Jazataıym oqıǵalardy azaıtý maqsatynda alǵashqy medısınalyq kómek kórsetý boıynsha eriktilerdi arnaıy oqytýǵa da mańyz berilip otyr.