Qazaqstan • 28 Qarasha, 2019

Múmkindigi shekteýli jandarǵa arbalar berildi

13 retkórsetildi

Oblystyq jumyspen qamtýdy úılestirý jáne áleýmettik baǵdarlamalar basqarmasynyń  málimetinshe, elimizdegi «Nur Otan» partııasy óńirlik fılıalynyń bastamasymen múmkindigi shekteýli 7 adamǵa densaýlyqtaryn ońaltýǵa arnalǵan arnaıy arbalar berildi.

Qaıyrymdylyq sharasy «NFC Kazakhstan» JShS-nyń qoldaýymen júzege asty. Al, «NFC Kazakhstan» JShS ókili Jarqyn Turyshevtiń aıtýynsha, kompanııa elimiz boıynsha múmkindigi shekteýli jandarǵa 20 mıllıon teńgege kómek kórsetken. 

Bizdiń óńirdegi Jumyspen qamtýdy úılestirý jáne áleýmettik baǵdarlamalar basqarmasymen tyǵyz baılanysta jumys jasaýda. 

Bıyl ámbebap «umbrella» polıak fırmasynyń úsh arqalyǵy bar arbasy, eresekterge arnalǵan bir júris arbasy,  balalarǵa arnalǵan reseılik «Mega Optima» fırmasynyń bekitkishi bar 5 arbasyn birlesip 2 mıllıon teńgege satyp alǵan.

Sondaı-aq kompanııa óńirdegi  kóp balaly otbasylardyń tizimin alyp, aldaǵy ýaqytta olardyń mektepterde oqıtyn ul-qyzdaryna  qaıyrymdylyq jasamaqshy.

Basqarmasynyń málimetinshe, arnaıy qurylǵylardy ózdiginen satyp alý qıyn. Bir arqalyǵy bar arba – 200 myń teńge, bekitkishi bar júris arbasy – 80 myń teńge, al, keıbiriniń baǵasy 400 myń teńge.

-Ulym Baýyrjan sal aýrýymen aýyrady. О́zi otyra almaǵandyqtan arqalyǵy bar arba qajet boldy. Ákimdikke ótinish jazyp, kezekke turdyq. Búgin óte qýanyshtymyz. Bizge arnaıy «umbrella» arbasyn syılady. Oblys ákimine jáne demeýshilerge alǵysymdy bildiremin, deıdi ekibastuzdyq Gúlnur Nurhaeva.

Bıyl 79 turǵynǵa arnaıy qozǵalys quraldary berilgen. Oblys boıynsha arnaıy qural-jabdyqtarǵa muqtaj jandar tiziminde - 700 adam bar. Olardyń 50-i balalar.

Sonymen birge, jýyrda oblys  ortalyǵyna qarasty Kenjekól aýylynda múgedekterdi ońaltý kabıneti ashyldy. Onda múmkindigi shekteýli jandarǵa barlyq jaǵdaı jasalǵan.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar