Qazaqstan • 28 Qarasha, 2019

Elordada balalar qaýipsizdigi aılyǵy jarııalandy

9 retkórsetildi

Elordalyq ákimdikte qala ákiminiń orynbasary Bahtııar Mákenniń tóraǵalyǵymen bilim berý uıymdarynda qaýipsizdikti qamtamasyz etý boıynsha jıyn ótti. Shara barysynda qatysýshylar mektepterdegi beınebaqylaý jumystaryn talqylady. Bul týraly Nur-Sultan qalasy ákimdiginiń baspasóz qyzmeti habarlady.


Jıyn barysynda ákimniń orynbasary tıisti memlekettik organdarǵa beınebaqylaý kameralarynyń jumys jaǵdaıyn tekserý úshin qala mektepteri boıynsha birlesip tekserý jumystaryn júrgizýdi tapsyrdy.  

«Elorda mektepterindegi qaýipsizdikti qamtamasyz etý úshin aldymen mektepterdegi beınebaqylaý kameralary máselesin sheship alýymyz qajet. Ol úshin bizde eń aldymen statıstıka bolýy kerek. Qansha mektepte beınebaqylaý kamerasy bar, qaısysy jumys isteıdi, qaısysy jumys istemeıdi degen sekildi. Osy oraıda qalalyq Bilim basqarmasy, mektep dırektorlary, Polısııa departamenti jáne «iKOMEK» ortalyǵyna tapsyrma beremin. Qalanyń barlyq mektepterin aralap shyǵyp, qaýipsizdik máselesin, onyń ishinde beınebaqylaý kamerlarynyń jumys isteýi boıynsha monıtorıng júrgizińizder. Ol úshin komıssııa quryp, onyń quramyna tıisti organdardyń ókilderin kirgizip, jumys jasańyzdar. Atalǵan komıssııa qaladaǵy árbir mektepti aralap kórip, beınebaqylaý kameralarynyń jumys isteý deńgeıin anyqtasyn. Sonda ǵana biz elorda mektepteriniń qaýipsizdik máselesi men neni aldymen sheshýimiz kerektigin biletin bolamyz», dedi Baqtııar Máken.

Keshendi is-sharalardyń ótkizilýine baılanysty ol elordada balalar qaýipsizdigi aılyǵynyń ótkiziletinin habarlady. Odan bólek, B.Máken qaýipsizdikke jaýap beretin kúzet uıymdaryn tekserýdi tapsyrdy.

«Qazirgi kúni qalada túrli kúzet uıymdary kóbeıip ketti. Sany bar da sapasy joq. Bul da kezek kúttirmeıtin másele. Kúzet kompanııalarynyń sanyn 3-4-ke deıin qysqartý kerek. Sonda qaýipsizdikke qatysty suraqtardy tek solarǵa qoıyp, solardan talap etetin bolamyz. Sebebi oqys oqıǵa oryn alsa, únemi kináli adamdy izdep júremiz. Sizderge 1 apta ýaqyt beremin, bárin qarap shyǵyp bizge jetkizińizder. Odan ári biz qala ákimimen oılasa kelip máseleniń túbegeıli sheshý joldaryn qarastyratyn bolamyz», dedi ákim orynbasary.

Atalǵan jıynǵa Bilim basqarmasy, Polısııa departamentiniń basshylyǵy, mektep dırektorlary men qalalyq ákimdik ókilderi qatysty.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar