Qazaqstan • 28 Qarasha, 2019

Elordada múmkindigi shekteýli 640 adam jumysqa ornalastyryldy

11 retkórsetildi

2019 jyldyń basynan elordalyq halyqty jumyspen qamtý ortalyǵy múmkindigi shekteýli 687 adamdy áleýmettik qorǵaý sharalarymen qamtyp, 640 adamdy jumysqa ornalastyrdy. Bul týraly Nur-Sultan qalasy ákimdiginiń baspasóz qyzmeti habarlady. 


Ortalyq jyl basynan beri múmkindigi shekteýli 687 adam jumyssyzdyqtan áleýmettik qorǵaý sharalarymen qamtyldy, onyń ishinde 640 adam jumysqa ornalastyryldy. Sonyń ishinde turaqty jumysqa - 341 adam, ýaqytsha jumysqa - 3 adam, jastar tájirıbesine - 17 adam, áleýmettik jumys oryndaryna - 33 adam, qoǵamdyq jumysqa - 246 adam jiberildi.

Sonymen qatar qysqa merzimdi oqytýǵa 47 adam jiberildi (tiginshi, aspazshy, tiginshi, vızajıst, shashtaraz, ákimshi, saýda menedjeri, naýbaıshy jáne manıkıýr sheberi mamandyqtary boıynsha).

«Jas kásipker» jáne «Bastaý Bıznes»  jobalary aıasynda qysqa merzimdi oqytý jáne kásipkerlik negizderine oqytý aıaqtalǵannan keıin 29 múmkindigi shekteýli adamǵa jańa bıznes-ıdeıalardy iske asyrýǵa memlekettik grant berýge arnalǵan bıznes-jobalar maquldandy.

Jumyspen qamtý ortalyǵy tarapynan jumysqa ornalastyrý múmkindikterin keńeıtý maqsatynda turaqty túrde bos jumys oryndary jármeńkeleri uıymdastyrylady. Esepti kezeń boıynsha «Jastar» saraıynda 6 qalalyq bos jumys oryndary  jármeńkesi jáne halyqty jumyspen qamtý ortalyǵy  bazasynda jumyssyz azamattarǵa arnalǵan 15 shaǵyn bos jumys oryndary jármeńkesi ótkizildi. Shara aıasynda múmkindigi shekteýli, bas bostandyǵynan aıyrý oryndarynan bosatylǵan jáne probasııa qyzmetiniń esebinde turǵan tulǵalardy jumysqa ornalastyrý, qalanyń bilim berý júıesinen kadrlar tańdaý jáne t.b. jumystar atqaryldy. Múgedekterdi jumysqa ornalastyrýdyń negizgi nysany jumys oryndaryn kvotalaý bolyp tabylady.

Qazirgi tańda ákimdiktiń 2016 jylǵy 16 qarashadaǵy № 158-2247 «Astana qalasynda jumys oryndarynyń kvotasyn belgileý týraly» qaýlysyna sáıkes elorda uıymdarynda aýyr jumystardy, eńbek jaǵdaılary zııandy, qaýipti jumystardy esepke almaı, qyzmetkerlerdiń tizimdik sanynyń 2-den 4 paıyzyna deıingi mólsherde jumys oryndarynyń kvotalary belgilendi. Sol rette menshik nysanyna qaramastan, barlyq uıymdar kvotalaýǵa jatady.

Sondaı-aq jumys berýshiler múgedekterge arnalǵan arnaıy jumys oryndaryn qurý úshin sýbsıdııa alýǵa bolady.

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar