28 Qarasha, 2019

"Táýelsizdik ońaılyqpen kelgen joq"

38 retkórsetildi

Qarýly qaqtyǵys bolmasa da, soǵan jaqyndaǵan jaǵdaılar boldy.

 

Tuńǵysh Prezıdent merekesi qarsańynda Oralhan Bókeı atyndaǵy qalalyq ortalyq kitaphanada mektep oqýshylary men Vasılıı Ahaev, Aldııar Áýbákirov, Aıtmuhambet Qasymov jáne Nına Soımen kezdesý ótti.

kez

Sársen Amanjolov atyndaǵy ShQMÝ professory Lıýsııa Abdýllına júrgizgen júzdesý aǵa býyn men jas urpaq arasyndaǵy dıalog túrinde órbidi.

lıý

Eńbek jolyn mektepten bastaǵan, keıin uzaq jyl oblystyq máslıhattyń hatshysy bolǵan Vasılıı Ahaev Elbasymen jumys barysynda san márte kezdeskenin aıtty. «Oblys ákimdiginde uzaq jyl jumys istedim. Elimizdiń qalyptasý tarıhy kóz aldymda ótti desem artyq aıtpaǵan bolarmyn. Tuńǵysh Prezıdentimizdiń qyzmeti de eldiń kóz aldynda boldy. Qarapaıym aýyl balasy osyndaı bıik belesti baǵyndyrdy. Zamandastary arasynda kóshbasshy boldy. Eńbektiń arqasynda el basqarý bıigine jetti» dedi V.Ahaev.

kez 1

Belgili jýrnalıst, jazýshy, oblystyq «Dıdar» gazetinde uzaq jyl jemisti eńbek etken Aıtmuhambet Qasymov Táýelsizdiktiń eleń-alań shaǵyndaǵy qıyndyqtar týraly sóz qozǵady. «Rasynda, Táýelsizdik óte qıyndyqpen keldi. Qarýly qaqtyǵys bolmasa da, soǵan jaqyndaǵan jaǵdaılar boldy. Odaq ydyraǵan kezde ásirese jer men til máselesi ýshyǵyp turdy. Alysqa barmaı-aq, О́skemendi aıtar bolsaq, elimiz egemendik alar tusta qalada avtonomııa quramyz dep búırekten sıraq shyǵarǵandar da kezdesti. KSRO Joǵary Keńesi depýtatynyń biri: «Semeı polıgonynyń eshkimge, adamǵa da, tabıǵatqa da esh zııany joq. Sondyqtan KSRO-nyń qorǵanys qabiletin damytý úshin polıgondy jappaý kerek, kerisinshe damytý kerek» dedi. «Shyǵystyń jeri – orystyń jeri, sondyqtan ony bólip alyp, avtonomııa qurýymyz kerek» dedi taǵy bir depýtat. О́skemende 36 jyl gazette jumys istedim. Sol kezde aqparattyq aıqastyń da talaıyn kórdik» degen ardager jýrnalıst 1991 jyly 10 jeltoqsanda Nursultan Nazarbaev tuńǵysh ret Prezıdent bolyp saılanǵanda Almatyda ótken ulyqtaý rásimine qatysqanyn eske aldy.

kez 3

«Ulyqtaý rásimi Almatyda, Respýblıka saraıynda ótti. Tarıhı sharaǵa bizdiń oblystan 20 adam bardy. Sol sátti sózben aıtyp jetkizý qıyn. Elimiz táýelsizdik aldy, keńestik buǵaýdan bosady. 91 jastaǵy abyz aqsaqal, jerlesimiz Shákir Ábenov Elbasyǵa aq batasyn berdi. Sol jerde, jıyn ústinde QazKSR Qazaqstan Respýblıkasy dep ózgertilip, sol sátte Prezıdent qaýlyǵa qol qoıdy. Halyq dúrkirete qol soqty. Keıbireýi oryndarynan turyp, kózderine jas aldy. Asa tebirenisti sát edi. Eń ǵajaby, Táýelsizdigimizdi jarııalaǵan jarty saǵattan keıin jınalys ústinde Túrkııa Prezıdenti Turǵyt Ozaldan telegramma keldi. Ony jınalys ústinde oqyp berdi. Halyqaralyq dıplomatııada mundaı jedeldik, mundaı qurmet buryn-sońdy bolmaǵan eken» dep Táýelsizdiktiń táı-táı basqan shaǵyn kóz aldymyzdan ótkizgen jýrnalıst Táýelsizdiktiń budan bylaı baıandy bolýy jas urpaq qolynda ekendigin aıtty.

kez 4

Kezdesýde aǵa býyn sózderin muqııat tyńdaǵan oqýshylar ózderiniń tulǵa, kóshbasshylyq jaıyndaǵy oı-pikirlerin de ortaǵa saldy. Bir oqýshy: «Kóshbasshy buıryq berýshi ǵana emes, komandasymen birge júretin, qıyndyqty kópshilikpen birge kóretin, baǵyt-baǵdar kórsetetin tulǵa» dep óz oıyn aıtsa, endi biri: «Kóshbasshy aınalasyndaǵy adamdarǵa yqpal etetin tulǵa» dep pikirin bildirdi.

О́SKEMEN 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar