Úkimet • 28 Qarasha, 2019

Aıdarbek Saparov «Aýyl» partııasynyń XVI seziniń jumysyna qatysty

29 retkórsetildi

Aýyl sharýashylyǵynyń birinshi vıse-mınıstri Aıdarbek Saparov «Aýyl» Halyqtyq-demokratııalyq patrıottyq partııasynyń XVI esep berý-saılaý seziniń jumysyna qatysty. Bul týraly Aýyl sharýashylyǵy mınıstrliginiń baspasóz qyzmeti habarlady.

«Aýyl» partııasynyń tóraǵasy Álı Bektaev óz baıandamasynda partııanyń 2015-2019 jyldardaǵy qyzmetiniń qorytyndylaryn, AО́K, Áleýmettik sala, ǵylym men óndiristiń ózekti máselelerin atap ótti.

Onyń aıtýynsha, Qazaqstanda jyl saıyn aýyl sharýashylyǵyn memlekettik qoldaý kólemi artyp, agrarlyq bıznes úshin jaǵdaı jasalýda. Desekte, shalǵaıdaǵy aýyldardyń barlyǵynda taza sý, elektr jelisi jáne ınternet joq. Partııa tóraǵasy aldaǵy úsh jylda bul máseleler júıeli túrde sheshiletinin atap ótti. Mysaly, «Aýyl - El besigi» jobasy aıasynda joldardy, elektr, jylý, gazben jabdyqtaý júıelerin jóndeý, emhana, mektepter men balabaqshalardy retke keltirý, dene shynyqtyrý-saýyqtyrý keshenderi men t. b. Retke keltirý josparlanýda.

Álı Bektaevtyń baıandamasynan keıin partııa músheleri men agrarlyq salanyń ókilderi aýyl sharýashylyǵyndaǵy túıitkildi máselelerdi talqylaýǵa kóshti. Mal sharýashylyǵy boıynsha sýbsıdııalar tóleý, sondaı-aq AО́K damytý memlekettik baǵdarlamasyn iske asyrý tásilderiniń ózgerýine baılanysty sharýalardyń tap bolǵan kedergilerdi alyp tastaý máseleleri aıtyldy.

О́z kezeginde Aýyl sharýashylyǵynyń birinshi vıse-mınıstri Aıdarbek Seıpeluly qazirgi ýaqytta mınıstrlik máselelerdi sheshý boıynsha jumys istep jatqanyn málimdedi. Mysaly,  mıneraldy tyńaıtqyshtardy satyp alýǵa sýbsıdııa alýǵa qol jetkizýdi jeńildetý úshin 2 jylǵa agrohımııalyq kartogrammalardyń mindetti bolýy týraly talap merzimi keıinge qaldyryldy, ınvestısııalyq jobalar boıynsha saraptamalyq qorytyndy alynyp tastaldy, ınternet jelisi joq jerlerde sýbsıdııalaýǵa ótinim berý múmkindigi qaǵaz túrinde qaldyryldy. Sondaı-aq Saparov Aýyl sharýshylyǵy mınıstrligi otandyq mal úshin sýbsıdııa tóleı bastaǵanyn málimdedi.

«Alaıda, munyń bári bıýdjetke baılanysty. Sondyqtan biz máseleni kezekpen sheshýge mindettimiz. Jaqynda ınvestsýbsıdııalar boıynsha qaryz tólendi. Aqsha almaǵan fermerlerge 2020 jyldyń basynda tóleımiz. Mal sharýashylyǵy salasyndaǵy bereshekke keler bolsaq: 2020 jyldyń birinshi jartyjyldyǵynda Respýblıkalyq bıýdjettik komıssııa «Respýblıkalyq bıýdjetti» naqtylaý kezinde osy máseleni qaraıdy jáne 36,8 mlrd teńge birden tólenedi. Árıne, máseleler az emes, biraq aýyl sharýashylyǵy – kúrdeli, úlken sala ekenin túsiný qajet. Aýyl sharýashylyǵynyń barlyq salalary ókilderiniń múddesin qorǵaý úshin biz birlesip jumys isteýimiz kerek», dedi Aýyl sharýashylyǵynyń birinshi vıse-mınıstri Aıdarbek Saparov.

«Aýyl» partııasy seziniń jumysyna óńirlerden 200-den astam delegat, sondaı-aq memlekettik organdardyń ókilderi men sala qyzmetkerleri qatysty. Sezde partııa tóraǵasy, onyń saıası keńesi tańdaldy, sondaı-aq Uıymnyń Jarǵysyna ózgerister men tolyqtyrýlar engizildi», delingen habarlamada.
Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar