Qazaqstan • 28 Qarasha, 2019

Nur-Sultanda TMD elderindegi eńbek tártibin retteý máseleleri talqylandy

8 retkórsetildi

Qazaqstannyń astanasynda Táýelsiz Memleketter Dostastyǵyna (budan ári – TMD) múshe memleketterindegi eńbek standarttary boıynsha halyqaralyq konferensııa ótti. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

«Is-sharaǵa TMD Atqarýshy komıtetiniń men ýákiletti jáne quzyretti organdarynyń, Eńbek jáne halyqty áleýmettik qorǵaý mınıstrliginiń, múddeli memlekettik organdar men uıymdardyń, jumys berýshiler men áleýmettik seriktesterdiń ókilderi qatysty.

Konferensııany ashqan Eńbek jáne halyqty áleýmettik qorǵaý vıse-mınıstri Akmádı Sarbasov TMD-ǵa múshe memleketterdiń arasynda eńbek standarttary salasyndaǵy tájirıbe almasý eńbek qatynastary men adamı kapıtaldy odan ári damytýǵa yqpal etetindigin atap ótti.

«Táýelsiz Memleketter Dostastyǵy Atqarýshy komıtetiniń úılesimdi jumysynyń nátıjesinde ár 5 jyl saıyn yntymaqtastyqtyń perspektıvalyq baǵyttary anyqtalyp, eńbek normalary boıynsha biryńǵaı normatıvtik qujattar jasalady. Bul baǵyttaǵy jumys jalǵasýda jáne TMD-ǵa múshe memleketterdiń qarqyndy damý jolyna kóshý jaǵdaıynda mańyzdy másele. Bizdiń elder arasyndaǵy yntymaqtastyq nátıjesi jan-jaqty ári jemisti bolatynyna senimdimin», dedi ol.

Is-shara barysynda TMD-ǵa múshe memleketterdiń eńbek, jumyspen qamtý jáne halyqty áleýmettik qorǵaý jónindegi konsýltatıvtik keńes hatshylyǵy basshysynyń orynbasary Olga Kremskaıa Dostastyq elderiniń áleýmettik-eńbek salasyndaǵy yntymaqtastyǵynyń nátıjeleri men aldaǵy mindetteri týraly sóz qozǵady.

Konferensııada Reseıdegi, Belarýsııadaǵy, О́zbekstandaǵy, Túrkimenstandaǵy jáne Qazaqstandaǵy eńbek standarttarynyń tájirıbesi men osy baǵytta qabyldanǵan sharalardyń tıimdiligi qaraldy. Sondaı-aq TMD elderinen kelgen delegattar eńbek normalary men eńbek standarttaryn ázirleý quraldaryna jańa kózqarastardy talqylady.

Otyrysqa qatysýshylar oqytý máseleleri men biliktilik júıesin damytýǵa erekshe nazar aýdardy. Osylaısha, Aqmádı Sarbasov Qazaqstanda Ulttyq biliktilik júıesin engizý, kásibı standarttar men olarǵa negizdelgen bilim berý baǵdarlamalaryn, sertıfıkattaý júıesin jáne mamandardyń biliktiligin baǵalaýdy ázirleý jáne engizý boıynsha jumys júrgizilip jatqanyn aıtty.

«Búginde biz ekonomıkanyń suranysqa ıe 12 salasy boıynsha 550 kásibı standart ázirledik, olardyń 70-i bekitildi, al taǵy 480 osy jyldyń sońyna deıin bekitý josparlanyp otyr. Kásibı standarttar jumysshylardan bastap, TOP-menedjerlerge deıin osy saladaǵy jumysshylarǵa qoıylatyn qazirgi zamanǵy biliktilik talaptaryn qalyptastyrady», dedi vıse-mınıstr.

Konferensııany qorytyndylaı kele, onyń qatysýshylary TMD elderinde Eńbekti normalaý ınstıtýtyn odan ári damytý boıynsha usynystar jasady.

Eske sala keteıik, Reseı Federasııasy, Belarýs Respýblıkasy mınıstrlikteri men bıznes ókilderiniń jáne Tájikstan Respýblıkasy elshiliginiń keńesshisiniń qatysýymen TMD-ǵa múshe memleketterdiń uıymdarynda eńbek normalaryn uıymdastyrý jáne eńbek ónimdiligin arttyrý máseleleri boıynsha Qazaqstan 2014 jyly postkeńestik keńistikte alǵash ret halyqaralyq semınar ótkizgen bolatyn.

Bul konferensııany ótkizý týraly sheshimdi TMD Ekonomıkalyq keńesi 2016-2020 jyldarǵa arnalǵan TMD-ǵa qatysýshy memleketterdiń eńbek normalary salasyndaǵy yntymaqtastyqtyń tujyrymdamalyq sheńberin iske asyrýdyń negizgi sharalar josparyn bekite otyryp, 2016 jylǵy 9 jeltoqsanda Máskeý qalasynda qabyldady», delingen habarlamada.

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar