Aımaqtar • 28 Qarasha, 2019

Barqytbel baýraıyndaǵy kúı keshi

64 retkórsetildi

Bul tek dombyra sóılegen dýman, dombyra kúmbirlegen konsert, qazaqtyń balasy dombyrasyn ulyq kórgen merekeli kún boldy.

Jýyqta О́skemendegi Aǵaıyndy Abdýllınder atyndaǵy mýzyka ýchılıshesiniń muǵalimi, «Báıjigit» ult aspaptar orkestriniń dırıjeri ári kórkemdik jetekshisi Shalqar Ryshanulynyń bastaýymen dombyranyń qulaǵynda oınaıtyn saıdyń tasyndaı jigitterden quralǵan «Jiger» dombyrashylar ansambliniń tegin konserti Kúrshim, Zaısan, Aqjar, Aqsýatta ótip, aýyl halqynyń qulaǵynyń quryshyn qandyrdy. Sapar  maqsaty - bıylǵy Jastar jylynda aýyl jastarynyń kóńilin serpiltý, ulttyq qundylyǵymyz dombyrany, kúılerdi nasıhattaý.

Álbette, dombyra bizdiń zańdy jazmyshymyz, laıyq­ty mereıimiz ekenine sóz bar ma?! Oblys ortalyǵynda júzdegen qazaq jastaryn dombyraǵa tárbıelep qana qoımaı, qazaqtyń minezin, erligi men órligin, sabyry men aqylyn jas órenderge darytyp júrgen Shalqardyń ustaz retindegi óreli azamattyq isi súısindirdi. Konsertte «Jiger» ansambline shyǵarmashylyq tabys tilep, aýdan ákimi S.Sádýaqasovtyń atynan Alǵys hat tapsyryldy. 

«Baıtaq eldiń baı murasy» atty konsertte ansambl ultymyzdyń qasterli aspaby dombyranyń qudiretin kórsetti. Shyńǵys qaǵandaı qaharly hannyń ózine  Qarataýdaı qaıǵyny, jan júrektegi syrdy qońyr dombyranyń syrly kúıimen aıtqan, táńirim, dom­byraǵa áý bastan-aq qazaqtyń tili bolý­dy, qazaqtyń úni bolýdy enshilep syı­laǵan eken. Bul dombyra kúıleri keshinde án aıtylǵan joq, dańǵara mýzyka estilgen joq.  

Q.Ahmedııarovtyń «Qosbasarymen» bastalǵan kúı dýmany «Qýanysh», «Aqmeshit», «Kútkende», E.Úsenovtyń «Kerbez sulý», T.Toǵjannyń «Jeldirmesi» men «Kóshpendileri», Á.Jeldibaevtyń «Erkesylqymymen» jalǵasyp, Qurmanǵazynyń «Serperimen» aıaqtaldy.  Kúni keshe Muhtar Áýezovtiń «qazaqtyń uıaty kúıinde ǵana qaldy» dep kúńirenýin eske alsaq, túsingen kisige dombyra ata tarıhymyzdy, eldigimizben men bereke-birlikti, ulttyq mereıimizben mártebeli memlekettigimizdi saqtaýdy amanattap ketkendeı áser qaldyrady.

Sháken Kópshikbaeva

Shyǵys Qazaqstan oblysy,

Tarbaǵataı aýdany  

 

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar