Qazaqstan • 29 Qarasha, 2019

«Beıbitshilik kindigi» norveg tilinde jaryq kórdi

28 retkórsetildi

Oslonyń Ádebıet úıinde Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Beıbitshilik kindigi» kitabynyń norveg tilindegi nusqasynyń tusaýkeser rásimi uıymdastyryldy.

Semeı polıgonynyń jabylýy men ıadrolyq qarýsyzdaný úderisi Nursultan Nazarbaevtyń batyl bastamalarymen tike­leı baılanysty...

«Beıbitshilik kindigi» kitaby tek ıadro­lyq synaqtardyń tarıhy men Qa­zaq­­stannyń ıadrolyq áleýetin bólshek­teý týraly ǵana emes, ol adamzatty ıadrolyq qa­rý­dan azat álem qurý týraly oıǵa je­­teleıdi», – dedi tusaýkeser barysynda Qa­zaqstannyń Norvegııadaǵy elshisi Erkin Aqynjanov.

«Iаdrolyq qarý – maǵynasyz qarý. Ony apatty saldarsyz paıdalaný múm­kin emes. Muny tereń túsingenderdiń aldyń­ǵy qatarynda Qazaqstan jáne onyń Tuńǵysh Prezıdenti Nursultan Nazar­ba­ev ta bar. Onyń sebebi «Beıbitshilik kin­di­gi» kitabynda aıtylady», – dedi jıyn barysynda Norvegııanyń bu­ryn­ǵy premer-mınıstri Kell Magne Bondevık. Onyń pikirinshe, «Iаdrolyq qarý­dy joıý jumysyn kúsheıtetin bilim men resýrstardyń bolǵany mańyzdy. Osy kitapta aıtylǵan Qazaqstannyń tá­jirı­besi óte paıdaly. Keńes Odaǵy ydy­ra­ǵannan keıin barlyq ıadrolyq qarýlar men qondyrǵylardy óz aýmaǵynan shy­ǵa­ryp tastaǵany úshin bul el álemniń qur­metine ıe jáne onyń osyndaı qadamy bas­qalar úshin oń úlgi bolyp tabylady».

Qazaqstannyń ıadrolyq áleýetin ból­shekteý úderisine, sondaı-aq tarat­paý rejiminiń negizgi máselelerine Tuń­ǵysh Prezıdent Qory Halyqaralyq baǵ­dar­lamalarynyń jetekshisi Qaırat Ábýseıitov pen Norvegııanyń Halyq­ara­lyq saıasat ınstıtýtynyń (NUPI) aǵa zertteýshisi Sverre Lodgard sholý ja­­sap ótti.

Sýretshi jáne antııadrolyq qozǵa­lys­tyń qaıratkeri Káripbek Kúıikov Semeı aýmaǵy turǵyndarynyń kórgen qaıǵy-qasireti men qorshaǵan ortaǵa keltiretin zııan týraly taǵylymdy baıan­dama jasady. Ol Qazaqstan halqynyń ıadrolyq synaqtardy toqtatý jolyndaǵy kúresi men N.Nazarbaevtyń polıgondy jabý týraly tarıhı sheshimi ja­ıynda aıtyp berdi. So­ny­men qatar K.Kúıikov jınalǵan qa­ýym­dy «ATOM» jobasyn (www.theATOMProject.org) qoldaýǵa jáne ıad­ro­­lyq qarýdan azat álem jónindegi pe­tı­sııaǵa qol qoıýǵa shaqyrdy.

Norvegııa Syrtqy ister mınıstr­li­gi­niń atynan Aımaqtyq departamenttiń dırek­tory Anna-Krıstı Karlsen de sóz sóı­le­di.

Is-sharaǵa Iаdrolyq qarýdy joıý úshin naý­qan (ICAN), «Iаdrolyq qarýǵa – jol joq» (Nei til Atomvåpen) jáne basqa da úkimettik emes uıymdar, ıadrolyq qaýipsizdik salasynyń sarapshylary, saıasattanýshylar, dıplomattar, dinı qaıratkerler jáne qoǵamnyń basqa da ókilderi keldi.

Ki­tap­tyń tusaýkeseri Qazaqstan Res­­pýb­­lıkasynyń Tuńǵysh Prezıdenti kú­­nine ar­naldy. Mátindi norveg tiline halyq­aralyq saıasattanýshy jáne kásibı aýdar­mashy Nıkolaı Gerov aýdarǵan. Norve­gııalyq basylymǵa alǵysózderin daıyn­dap, usyn­ǵandar – Norvegııanyń burynǵy premer-mınıstri Kell Magne Bondevık, Tuńǵysh Prezıdent – Elbasy Qorynyń atqa­rýshy dırektory Áset Isekeshev, Nor­ve­gııanyń Syrtqy ister mınıstri Ine Erıksen Soreıde, sondaı-aq aǵa sarapshy jáne NUPI-diń burynǵy dırektory Sverre Lodgard. Kitap Steffen Grafisk Tilrettelegging baspasynda jaryq kórdi.

 

Sońǵy jańalyqtar

Kúlki kerýeni № 20

Rýhanııat • Búgin, 12:38

Oralda jastar bastamalaryn qoldaý jaqsy

Aımaqtar • Búgin, 11:30

Táýligine 15-16 tonna sút alynady

Aımaqtar • Búgin, 09:20

Haliń qalaı, Qostanaı?

Aımaqtar • Búgin, 08:34

Sýbsıdııanyń jańa talaptary

Ekonomıka • Búgin, 08:29

Bıznesti jandandyratyn bastamalar

Parlament • Búgin, 08:22

Ekijaqty iskerlik baılanys nyǵaıady

Prezıdent • Búgin, 08:16

«Iokerıtten» jeńildi

Hokkeı • Búgin, 08:15

Qazaqstan tórtinshi topta

Fýtbol • Búgin, 08:13

Pedagogterge paıdaly shara

Rýhanııat • Búgin, 08:09

Adaldyq eshkimdi aldamaıdy

Qoǵam • Búgin, 08:06

Ǵylym men bıznestiń únqatysýy

Qoǵam • Búgin, 08:02

Mal urlyǵy – qoǵamdyq másele

Qoǵam • Búgin, 07:58

Meshitti salǵanymen, qaramaıdy

Aımaqtar • Búgin, 07:57

Qoldaý jumystary jalǵasady

Qoǵam • Búgin, 07:54

Onlaın-oqyrman

Tehnologııa • Búgin, 07:52

«Bastaý»: jańa býyn kınosy

Kıno • Búgin, 07:51

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Uqsas jańalyqtar