Aımaqtar • 29 Qarasha, 2019

Jambyldyq sharýalar qoı eti eksportyna úles qosady

130 retkórsetildi

Búgingi tańda aýyl sharýashylyǵyna erekshe kóńil bólinip keledi. Ási­rese mal sharýashylyǵymen aınalysamyn deýshiler úshin mem­le­kettik baǵdarlamalar arqyly jeńildikpen nesıeler berilip, sa­la­ny damytýdyń múmkindikteri jan-jaqty qarastyrylǵan. Máse­len Jambyl oblysynda qoı sharýashylyǵyn qolǵa alǵan sharýa­lar kóp. Olar da memlekettiń qoldaýyna qol jetkizip otyr. «QazAgro» holdınginiń enshiles uıymdarynyń biri «Aýyl sharýa­shylyǵyn qarjylaı qoldaý qory» AQ mal sharýashylyǵyn qol­daýǵa baǵyttalǵan nesıeleý baǵdarlamalaryn júzege asyryp keledi. Jeńildikpen beriletin nesıe qarjysyna shaǵyn sharýa­shy­lyqtar iri qara, usaq mal, jylqy, qus, bal aralaryn satyp ala alady.

Jambyl oblysy Jýaly aýdanyna qarasty Qyzyltam qystaǵyndaǵy «Dıas» sharýa qojalyǵynyń basshysy Mól­dir Baısaqalova Aýyl sharýashy­lyǵyn qarjylaı qoldaý qorynan «Sybaǵa» baǵdarlamasymen nesıe alyp, qoı sharýashylyǵymen aınalysýǵa myqtap kirisken. Mól­­dir­diń mamandyǵy qarjyger bol­­ǵanymen, jeke kásippen aına­lysqandy jón kórip, qoı sharýa­shylyǵyn damytýdy qolǵa alǵan eken.

Mal baǵý úshin basqa da tur­­mystyq jaǵdaılardy jaqsartyp alý mańyzdy ekenin eskergen sharýa aldymen mal qorasyn talapqa saı salǵan, memlekettik qoldaý arqyly qudyq qazyp, sý tartqan jáne kúnnen qýat alatyn panelderdi de ornatyp qoıǵan. Eki adamdy jumyspen qamtyp otyrǵan sharýashylyq basshysynyń alǵa qoıǵan josparlary da aýqymdy. Malynyń sanyn kóbeıtip, qoı eti eksportyna úles qospaq. Ol úshin et eksportymen aınalysatyn «Ońtústik halal taǵamdary» jaýap­kershiligi shekteýli serik­tes­tigimen kelisimshartqa otyryp ta qoıypty. Keler jyly malynyń tóli jetilgen soń, osy mekemege etin ótkizýdi josparlap otyr. Qart Qarataýdyń eteginen oryn tepken sharýashylyqtyń jeri shuraıly bolǵandyqtan sapaly et tapsyra alatynyna bek senimdi.

5

«Aýyl sharýashylyǵyn qar­jylaı qoldaý qorynan «Sybaǵa» baǵdarlamasy arqyly 6,5 jylǵa 6 paıyzben 10 mln teńge nesıe rásimdep, oǵan 260 bas qoı men 9 qoshqar jáne maldyń jem-shóbin satyp aldym. «Mal ósirseń qoı ósir, tabysy onyń kól-kósir» degen sóz bar ǵoı. Sol aıtqandaı, qoı sharýashylyǵy mol tabys tabýǵa bolatyn sala dep esepteımin. Árıne mal baǵý, ósirý degen qajyrly eńbekti qajet etedi. Ár jumystyń óz beıneti bar, soǵan oraı  zeıneti de bolady. Sondyqtan jumystan qoryqpaý kerek. Adal eńbekke ne jetsin? Aldaǵy ýaqytta osy malymdy kóbeıtip, et eksportyna úles qosamyn degen josparym bar», deı­di qojalyq basshysy Móldir Baısaqalova.

Al Jambyl aýdanynyń Erna­zar aýylyna qarasty Bógótkel qys­taǵyn jaılaǵan jeke kásipker Aq­jol Teńge­baev on jyldan beri mal sharýashy­lyǵymen aınalysyp keledi eken. Keıingi jyldary tek qoı sharýashylyǵyna den qoıypty.

«Aǵaıyn tatý bolsa – at kóp» degen qaǵıdany ustanǵan sharýa inisi ekeýi jańadan qystaq salyp, usaq maldyń sanyn myńǵa jetkizý jolynda aıanbaı eńbek etip jatyr. Aýyl sharýashylyǵyn qarjylaı qoldaý qorynan «Igilik» baǵdarlamasy arqyly 4 mln  teńge nesıe alǵan ol 110 bas saýlyq pen 4 qoshqar satyp alǵan eken. О́z malyn qosqanda qazir qorasynda 500-den astam qoı tur.

«Eńbek etemin degen adamǵa memleket tarapynan qoldaý kóp. Tek kóptegen azamattar sol qol­daýlardy bilmeı jatady. Men de mańaıymdaǵy malshylardan es­tip, «Bastaý bıznes» jobasymen bıznes negizderine oqydym, qujattarymdy talapqa saı etip jınadym. Esh qıyndyqsyz nesıege qol jetkizip, malymnyń sanyn eselep otyrmyn. Endi osy alǵan 4 mln teńgeni ýaqytynan buryn qaıtarsam, taǵy qoı satyp alý úshin «Sybaǵa» baǵdarlamasy arqyly 12 mln teńge nesıe alamyn», deıdi A.Teńgebaev.

Aıta keteıik, Aýyl sharýashy­lyǵyn qarjylaı qoldaý qory­nan «Eńbek» memlekettik baǵdar­la­masy aıasynda «Sybaǵa» nesıe ónimi ar­qyly qoı sharýashy­ly­ǵyna 12 mln teńgege deıingi nesıe 6,5 jylǵa
6%-ben beriledi. 2 jylǵa deıingi jeńildik merzimi qarastyrylǵan. Sondaı-aq «Igilik» nesıe ónimi arqyly 6%-ben 4 mln teńgege deıin nesıe beriledi jáne 9 aı jeńildik merzimi bar.

Aýyl sharýashylyǵyn qar­jy­laı qoldaý qorynyń Jam­byl oblysyndaǵy fılıaly bıyl «Sybaǵa» men «Igilik» baǵ­dar­lamalary arqyly 374 sharýaǵa 2,2 mlrd teńge nesıe bergen bolatyn. Bul qarjyǵa sharýalar 48 myńnan astam qoı satyp aldy.

Bıyl qordyń qurylǵanyna – 25 jyl. Osy ýaqyt aralyǵynda jalpy somasy 312 mlrd teńge bolatyn 152 myń nesıe berildi. Bıylǵy kórsetkish boıynsha barlyq baǵyttardy qamtyǵanda 53,2 mlrd teńgeni quraıtyn 12 myń joba qarjylandyryldy.

 

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar