Qazaqstan • 29 Qarasha, 2019

Elordanyń áýe qaqpasy

21 retkórsetildi

Egemen eldiń eńsesindeı boıyn tiktegen elordanyń ádemiligin ushaqpen saparlap kele jatqan árbir qonaq ıllıýmınatordyń áıneginen baıqaıdy, tabany aldymen áýejaıǵa tıedi. Aspan men astananyń arasyn jalǵaǵan bul «Nursultan Nazarbaev halyqaralyq áýejaıy» – elordanyń ǵana emes, elimizdiń bas áýe qaqpasy.

Qonaq kelgenin qutqa balaıtyn qazaq­taı eldiń meımandostyq mekeni ekeni áýelden áýejaıdaǵy jaılylyqtan seziledi. Asqaqtaǵan astanamyz bas qaq­padan bas suqqan jurtty baýyryna birden tartyp turady. Elordamen tanysý osy áýejaıdan bastalady.

Astananyń irgesinen oryn tepken áýejaı 2017 jyldyń 21 maýsymynan bastap «Nursultan Nazarbaev ha­lyqaralyq áýejaıy» bolyp atala bas­tady. Mundaı úlgili úrdis álemniń kóp­tegen memleketinde bar. Aıtalyq, alpaýyt el AQSh-ta tuńǵysh prezıdenti Vashıng­tonnyń atynda bir áýejaı jáne Nıý-Iork qalasynda Djon Kennedıdiń atynda taǵy bir áýejaıy bar. Sonymen qatar baýyrlas elder Ázerbaıjan as­tana­syndaǵy halyqaralyq áýejaı Geıdar Álıevtiń, Túrkııanyń Ystanbul qala­syndaǵy áýejaı Atatúriktiń atymen atalady.

Esildiń boıyna elordany qondyryp, en dalany jańa qalamen jandandyrǵan Elbasy 2005 jyldyń 2 aqpanynda astana áýejaıynyń jańadan salynǵan jolaýshylar termınalyn saltanatty jaǵdaıda ashty. Sol tusta osynaý tarıhı sátti bas basylym «Egemen Qazaqstan» gazeti súıinshilep jazyp, Nursultan Nazarbaevqa alǵashqy otyrǵyzý talony tap­syrylǵan estelik sýretti jarııalaǵan edi.

4

Jalpy, tarıhyn tereńnen tartatyn astanadaǵy áýejaıdyń qurylǵanyna bıyl 88 jyl toldy. Bir qyzyǵy, áýe­jaıdyń eń alǵash resmı túrde iske qo­sylǵan ýaqyty Tuńǵysh Prezıdent kúni­men sáıkes kelip tur. Iаǵnı, 1931 jyl­dyń 1 jeltoqsanynan bastap Aqmola men Semeıdiń arasynda áýe qatynasy ornaǵan.

Sodan beri talaı ýaqyt ótip, Arqa tósindegi áýejaı qulashyn keńge serpip, qanat jaıdy, áleýeti artty. Osydan eki jyl buryn búkil álem kóz tikken aıtýly EKSPO kórmesi qarsańynda «Nursultan Nazarbaev halyqaralyq áýejaıynyń» jańa termınaly iske qosyldy. 2017 jyldyń 31 mamyrynda Elbasynyń ózi saltanatty túrde ashqan jańa ǵımaratta tek qana halyqaralyq reısterge qyzmet kórsetiledi. Al burynǵy termınal ishki reısterge arnaldy.

Jańa termınal VIP jáne qarapaıym jolaýshylarǵa arnalǵan eki aımaqtan, órt kireberisinen turady. Jolaýshylardy tirkeıtin 26 birdeı oryn jáne tólqujat tekseretin 42 kabına ornatylǵan. Al jańa júıeniń arqasynda qol júkteriniń 1200 danasyn bir saǵattyń ishinde ótkizýge bolady. Termınaldyń jalpy aýdany – 47 myń sharshy metr.

Jolaýshy ótkizý múmkindigi jylyna 5 mln adamdy quraıtyn jańa termınaldyń ashylýymen áýejaı jylyna jalpy 8,2 mln jolaýshyǵa qyzmet kórsetýde. Búgingi tańda «Nursultan Nazarbaev halyqaralyq áýejaıy» táýlik saıyn 200-ge jýyq reıs qabyldap, shyǵaryp salady jáne 14 000-nan asa jolaýshyǵa qyzmet kórsetedi.

2018 jyly áýe aılaǵy 30 myń reıske qyzmet kórsetip, jolaýshylar aǵyny 4,5 mln jolaýshyny qurady. Bıyl 5 mln jolaýshyǵa qyzmet kórsetý josparlanýda. Byltyr jolaýshylar aǵyny
6%-ǵa,­­­ al reıster sany 5%-ǵa artty. Bul oń kór­­­setkishke SCAT, «Eır Astana» jáne «Aeroflot» sııaqty halyqaralyq reıs­ter­diń artýy yqpal etti.

Al ishki baǵyttardyń kóbeıýine jańadan iske qosylǵan Fly Arystan áýekompanııasynyń paıda bolýy sep­tigin tıgizdi. Bul kompanııa elorda men Shymkent, Taraz, Semeı, Pavlodar, Qostanaı qalalarynyń arasyn jalǵap jáne jeltoqsanda Nur-Sultan-Máskeý reısin ashýdy kózdep otyr.

2019 jyldyń 10 aıynyń qorytyn­dysy boıynsha jolaýshylar aǵyny 4,2 mln jolaýshyny qurady. Bul 2018 jyldyń sáıkes kezeńimen salystyrǵanda 7%-ǵa artyq. Al reıster sany 26 myńnan asyp, 3%-ǵa kóbeıdi.

Qazirgi kezde áýejaı 15 sheteldik jolaýshylar avıakompanııasymen jumys isteıdi. Olardyń qatarynda Lufthansa, Turkish Airlines, Air China, FlyDubai jáne Aeroflot sııaqty álemniń iri avıatasymaldaýshylary bar.

2019 jyly Praga, Ulan-Batyr, Tokıo sııaqty qalalarǵa jańa reıs­ter ashyldy. Sonyń nátıjesinde halyqaralyq baǵyttar boıynsha qyzmet kórsetilgen jolaýshylar sany artyp, 1,5 mln-nan asa jolaýshyny qurady.

Tuńǵysh Prezıdent kúni qarsańynda taǵy bir tarıhı sátke kýá boldyq. Dálirek aıtsaq, jolaýshylardyń jaı­lylyǵy úshin eski jáne jańa ter­mınaldyń arasyn jalǵaıtyn jańa galereıa ashyldy.

 

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar