Qazaqstan • 29 Qarasha, 2019

Esten ketpes sol bir sát

18 retkórsetildi

Táýelsiz­dik jyldarynda Elbasymyz­dyń Tarazǵa áldeneshe márte joly túsipti. Kıe­li de qasıetti Áýlıeata jeriniń óz­ge­she bir qudiret-kúshi bar shyǵar-aý. «­Biter istiń basyna, jaqsy keler qa­syna» degendeı-aq, ol kezde Memleket bas­­shy­sy­nyń kúngeı ólkege árbir sapa­ry ór­kendi ózgeristermen tuspa-tus keletin-di.

Uly Jibek joly boıyndaǵy kóne Tarazǵa ózi­niń ejelgi aty qaıtarylýy, Tarazdyń 2000 jyl­dyq mereıtoıy atalyp ótýi, Amankeldi gaz kenishiniń alǵashqy alaýy jaǵylýy, zilza­ladan ájeptáýir zardap shekken Qulan óńirinde bir-aq jaz ishinde jańa qalashyqtyń paıda bolýy, Tarazda «Astana» shaǵyn aýdanynyń iske qo­sylýy, taǵy basqalary, tikeleı Elbasynyń qaty­sýy­men ótkeni de este. Elbasynyń jaı­dan-jaı joly túse bermeıtini belgili. Ár keli­sinde oblysymyzdyń tarıhyna jańa bet­ter qosyp ketedi. Árbir saparynan jyl kel­gen­deı jańalyq sezinetinimiz she... Árbir ke­lip-qaıtýy sapary sońynda soqalanyp, «iz» qa­lyp otyrady. Tarazdyń óńi jaýhardaı jaınap, toty qustaı taranyp, túlep, túrlenip sala be­re­di. Sodan ba, kóńilde Elbasy bizdiń óńirge jy­l­yna bir márte at basyn buryp tursa ǵoı deı­tin pen­deshilik ańsar qylań berip qalatyny bar.

Kezdeısoqtyq pa, álde Allanyń maǵan buıyrt­qan nesibesi osy ma, Elbasyn jaqyn­nan, tipti qolsozym ǵana jerden kórip, lebi­zin estýdiń bir emes, birneshe márte oraıy kelipti. Ondaǵan jyl boıy Elbasyn Tarazǵa kel­geninde, áýe ushaǵy trapynan túsip, áýe­jaıǵa tabany tıgeninde alǵash qarsy alǵan Jambyl jurtshylyǵy ókilderiniń az ǵana shoǵyry – otyz shaqty adamnyń qatarynda men de bolǵan ekenmin. Oblystyń bas gazeti «Aq joldyń» reporteri retinde. Qarsy alý rásiminiń osy bastapqy bóligi nege ekenin bilmeımin, redaksııa qyzmetkerleriniń ishinde ylǵı meniń úlesime tıipti de otyrypty. Bul keıinnen buljymas «kúnkesteme» de aınal­ǵandaı boldy. Jýrnalısterdiń qalaı bolǵanda da Elbasynyń kez kelgen resmı saparyn búge-shigesine sheıin jazyp kórsetip, elge jetkizýi qajet. Mundaı mandattyń bizge júktelgeniniń ózi – úlken mártebe. Qalaı aıtsaq ta jýrnalıstiń basqa mamandyq ıe­lerine qaraǵanda baǵy basym ǵoı!

Ár nárseniń bastalýy qıyn. Elbasynyń Áýlıeata jerine «al» dep aıaq basqan sátin jazyp kórsetý de sondaı. Memleket basshysy­men qol alysyp, tildesip qalý da óne boıy múm­kin bola bermeıdi, árıne. Degenmen, sol bir qysqa ǵana alym-berim ýaqyttyń ózin­de El­basymen birge elge kelgen basqa da már­tebe­li meımandar kimder, jalpy qarsy alý rásimi barysynda ne jóninde áńgime boldy – bári-bári sol sátinde-aq kóńil kúndeligine qattalyp úlgerýi tıis. Sońynan Elbasynyń resmı saparynan jazylar eseptiń gazetke jarııalanarda tizginustary da ózińsiń, bul kúngi maqalanyń meılinshe asqaq rýhpen bastalýy, onda sapar maqsatynyń uǵynyqty túrde naqtylanyp berilýi, ol endi seniń sheberligińe baılanysty.

Elbasyn «Áýlıeata» áýejaıy basynan qar­­sy alýǵa, ádette, oblystyń qos gazeti aty­nan áriptesterim G.Asanova, V.Sýtýlov, V.Mos­tovyh jáne men keletinbiz. Mun­daı­da men ózim Prezıdenttiń qolyn alyp qalý­­dy armandaıtynmyn. Al munyń ilýde bireý­diń bolmasa, árkimniń peshenesine buıy­ra bermeıtin baqpen teń ekeni belgili. Aqy­ry munyń da sáti tústi-aý. Bul Nursultan Ábish­uly Nazarbaevtyń 1998 jyldyń qarasha aıyn­da kezekti Prezıdent saılaýy aldynda elmen júzdesýge kelýimen tuspa-tus shyqty. Elbasynyń bul jolǵy resmı sapary barysynda jýrnalısterdiń az shoǵyrymen (onyń ishinde ózim de barmyn) qol alysyp sálemdesýine ýaqyty boldy. О́ıtkeni Elbasy bastaǵan Úkimet adamdarynyń, birqatar res­pýb­lıkalyq BAQ jýrnalısteriniń ushaq­pen ushyp shyqqan kórshiles memlekettiń basshysyn osy áýejaıda az-kem kútýine týra kelgen-di. Jýrnalıstermen qysqa ǵana til qatysyp, alańnyń kelesi betine ótken Elbasy tobymen birge bolǵan (aramyzdy nebári 4-5 metr ǵana bólip turdy) sol bir sát jadyma óshpesteı jazylyp qaldy. Biz turǵan jerden Elbasynyń jınaqy tulǵasy anyq kórinip turdy. О́zin asa baıypty ustaýy, shym-shym yzǵardy da eleı qoımaı jaǵasyn sál kóterip, júzi alaýlap qolyn qaltasyna salǵan kúıi qıyr alys kókjıekke kóz jiberip turǵany... el-jurtynyń aldaǵy bolashaǵyna alańdap, túpsiz oıǵa berilgeni sekildi kórinip ketti.

Shynynda da sol kezden beri elde, onyń ishinde oblysymyzda qanshama ózgeris boldy, qanshama ıgilikti is júzege asyryldy.Tipti tiz­belep shyǵýdyń ózi qıyn. Barlyǵy da sol bir syn sáti bolǵan kezeńnen bastaý al­ǵany anyq qoı. Qudaıǵa shúkir deıik, el eldigin jasady, jarqyn keleshekke týra bas­taıtyn naǵyz kóshbasshyny tańdaı bildi. Meniń kóńilimdi marqaıtqany da – sol! BAQ ókilderiniń úrkerdeı ǵana tobynyń – bizdiń sol sátten bastap Elbasymen oıymyz, dilimiz, arman-maqsatymyz da bite qaınasyp ketkendeı. Biz... Elbasymen qashanda birgemiz!

 

Baımahanbet AHMET,

jýrnalıst

 

TARAZ

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar