Qazaqstan • 29 Qarasha, 2019

Jas tarıhshy ǵalymdardyń VII halyqaralyq konferensııasy ótti

42 retkórsetildi

Elbasynyń «Uly dalanyń jeti qyry» baǵdarlamalyq maqalasy aıasynda, sondaı-aq «Rýhanı jańǵyrý» baǵdarlamasyn júzege asyrý maqsatynda Sh. Ýálıhanov atyndaǵy Tarıh jáne etnologııa ınstıtýty «Uly Dalanyń uly esimderi: jastardy patrıottyq tárbıeleýdiń ǵylymı-teorııalyq jáne zertteý mátinindegi praktıkalyq qyrlary» taqyrybynda jas tarıhshy ǵalymdardyń VII halyqaralyq ǵylymı-tájirıbelik konferensııasyn ótkizdi.

Qazirgi zamanǵy tarıh ǵylymynyń ózekti máselelerin talqylaý, onyń ishinde ǵylymı zertteýlerdiń tulǵataný baǵytyn damytý, «Uly dalanyń uly esimderi» jobasy boıynsha nátıjelerin kópshilikke taratý, óskeleń urpaqqa patrıottyq jáne adamgershilik tárbıe berýdi maqsat etip otyrǵan is-sharada Jas  ǵalymdar keńesiniń tóraǵasy, PhD  Tımýr Ápendıev «Qazaqstan Respýblıkasynyń Tuńǵysh Prezıdent – Elbasy N.Á. Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda Qazaqstandy álemniń damyǵan otyz eliniń qataryna  enýdi maqsat etip qoıdy. Al bul baǵdarlama iske asýy úshin aldymyzda qandaı mindetter tur?

Maqsat aıqyn, ol qoǵamda, ásirese, rýhanı salada birqatar ózgeris bolýy kerek» degen saýaldarǵa kópshiliktiń nazaryn aýdara kele «Qoǵamnyń saıası jáne ekonomıkalyq damýy, aldymen, qoǵamdyq sananyń jańǵyrýymen tikeleı baılanysty. Sondyqtan qoǵamnyń rýhanı jańǵyrýynda, qoǵamdy ulttyq ıdeıa aıasynda toptastyrýda árbir halyqtyń júrip ótken joly, búgingi damýy, bolashaǵy, dástúri men mádenıeti, ulttyq kody mańyzdy ról atqarady. Al ulttyq kodty, ıaǵnı qundylyqtardy saqtaǵan tarıh ǵylymynyń bul ózgeristerdi júzege asyrýdaǵy mańyzy erekshe. Demek, bizdiń, ıaǵnı tarıh salasynda zertteýler júrgizip júrgen jas ǵalymdardyń aldynda úlken mindetter men jaýapkershilik tur. Bizdiń zertteýlerimizdiń ǵylymı sapasy, tarıhı faktilerdi, qubylystardy túsindirip, uǵyndyrýdaǵy ustanar obektıvtilik prınsıpimiz, sondaı-aq belgili bir tarıhı jaǵdaılarda tujyrymdardy durys qoldana bilý sekildi máseleler qoǵamdyq sanany qalyptastyryp, búkil eldiń keleshek saıası baǵytyn aıqyndaıtyndyǵyn esten shyǵarmaýymyz qajet.

Táýelsizdik alǵannan keıin basqa zertteý salalaryndaǵy sheshilmegen máseleler sekildi Qazaqstan tarıh ǵylymy da oqshaýlaný jaǵdaıynda qalyp qoıdy, árıne, bul bizdiń tarıhı ótkenimizden qalǵan «ınersııalyq» qubylys. Demek, biz bul máseleniń de sheshimin tabýǵa tıispiz jáne ony qazaqstandyq jas tarıhshylardyń, jalpy qoǵamtanýshylardyń basty mindetteriniń biri dep túsinýimiz kerek. Keıbir tarıhı oqıǵalardyń ár eldiń tarıhshylary tarapynan ár túrli túsindiriletindigi, tipti keıde qarama-qarsy jaǵynan jetkiziletindigi eshkimge tańsyq emes. Sondyqtan osyndaı konferensııa jumystary ǵylym jolyna endi qadam basqan jas ǵalymdarǵa shet eldik áriptesteriniń ǵylymı kózqarastarymen, qyzmetterimen tanysýǵa, sóıtip, keleshekte kásibı maman retinde qalyptasyp, damýyna múmkindikter beredi» dep atap ótti.

Odan keıin sóz alǵan Sh.Ýálıhanov atyndaǵy ınstıtýttyń ǵylymı qyzmetkeri Malıka Morıakova jyl boıy ınstıtýtta jas ǵalymdar tarapynan atqarylǵan jumystarǵa baılanysty prezentasııa jasady.  Sondaı-aq S.Velent-Sherbach, S.Zıeev, E.Temırov, M. Bývakov, M.Jylgeldınov, O.Alymkojaev,ǵ M.Qozybaev, Q.О́mirbek, M.Shaǵyrbaev, J.Qýanysh, D.Jaılybaev, U.Tóleshova, t.b. ǵalymdar ǵylymnyń ózekti máselelerin talqylap, óz zertteýleri boıynsha baıandama jasady.

Usynylǵan jáne talqylanǵan baıandamalar negizinde konferensııa qatysýshylary qazirgi tarıhı tulǵatanýdyń ózekti máselelerin talqylaý jónindegi konferensııanyń nátıjelerine oraı naqty sheshimderin ortaǵa saldy.  

Is-shara aıasynda jas ǵalymdar arasyndaǵy jyl saıyn ótkiziletin «E. Bekmahanov atyndaǵy syılyq» respýblıkalyq baıqaýdyń qorytyndysy jarııalanyp, jeńimpazdarǵa  aqshalaı syılyqtar tabystaldy.

 

ALMATY

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar