Qoǵam • 29 Qarasha, 2019

«Zań gazeti» men «Iýrıdıcheskaıa gazeta» 25 jyldyǵyn atap ótti

30 retkórsetildi

«Zań» Medıa-korporasııasy» JShS quramyndaǵy «Zań gazeti» men «Iýrıdıcheskaıa gazeta» basylymdary ózderiniń shırek ǵasyrlyq mereıtoıyn atap ótti. Ataýly kúnge oraı «Zań» medıa-korporasııasy men ál-Farabı atyndaǵy QazUÝ-dyń Zań fakýlteti birlesip «Qazaqstanda quqyqtyq mádenıettiń qalyptasýyndaǵy baspasózdiń róli» taqyrybyndaǵy ǵylymı tájirıbelik konferensııa uıymdastyrdy.

Konferensııaǵa zańger ǵalymdar, ustazdar, Almaty qalalyq prokýratýra, Ádilet departamenti ókilderi men quqyq qorǵaý organdary mamandary, «Zań gazeti» jáne «Iýrıdıcheskaıa gazeta» basylymdarynyń alǵashqy jáne keıingi redaktorlary, BAQ ókilderi qatysty.

Alǵashqy sandary 1994 jyly 3 qarashadan bastap jaryq kórgen «Zań» gazeti men «Iýrıdıcheskaıa gazeta» elimizdegi alǵashqy respýblıkalyq quqyqtyq  basylymdar. Konferensııa barysynda gazetterdiń ótkeni men búgini, quqyqtyq basylymnyń quqyqtyq memleket qalyptastyrýdaǵy róli, gazet-jýrnaldardyń qazirgi tańdaǵy hal-ahýaly men sóz bostandyǵy jáne ózge de ózekti taqyryptar keńinen talqylanyp, baıandamalar jasaldy. 25 jyldan beri elimizdiń saıası, áleýmettik, ekonomıkalyq, mádenı, eń bastysy – quqyqtyq ómirindegi taqyryptardy arqaý etken maqalalar "Zań gazeti" men "Iýrıdıcheskaıa gazeta" basylymdarynyń turaqty oqyrmandaryn qalyptastyryp, qazaqstandyq jýrnalıstıka salasynda óz ornyn aıshyqtap berdi. Jurtshylyqty quqyqtyq reformanyń júrgizilý barysymen tanystyryp, halyqtyń quqyqtyq sanasyn arttyryp, zańdy bilýine atsalysty.

Parlament Májilisinde talqylanyp jatqan árbir zańdy gazet betinde sarapqa salyp,  Táýelsizdiktiń alǵashqy jyldary zań termınderiniń qalyptasýyna yqpal etken basylym jyl ótken saıyn qanatyn keń jaıyp keledi. Ýaqyt óte «Zań» jáne «Femıda» jýrnaldarymen qatary tolyqqan korporasııa ýaqyt kóshinen qalmaı, Zanmedia.kz saıtyn da ómirge ákeldi. Ádildik izdegen talaı jannyń aryz-shaǵymdaryn tıisti oryndarǵa jetkizip, zańdy sheshimin tabýyna yqpal etip kele jatyr.

Gazettiń alǵashqy redaktory Marat Toqashbaev: «Búginde elimizdiń buqaralyq aqparat keńistiginde óz orny bar osynaý basylymdy qurýǵa, alǵashqy nómirinen bastap gazetti úsh jyl basqarý baqyty maǵan násip bolypty. Bul basylymnyń dúnıege kelýine muryndyq bolǵan, qıyn sátterdiń bárinde qol ushyn berip otyrǵan elimizdegi quqyqtyq reformalardyń atasy, Táýelsiz Qazaqstannyń tuńǵysh Ádilet mınıstri, kórnekti zańger, marqum Naǵashybaı Sháıkenov edi. Demokratııanyń atasy sanalatyn Tomas Djefferson «Tabıǵat zańdaryna qaıshy zańdar qabyldaý – artynan ózimiz olardy jazalaıtyndaı qylmystar týǵyzý» degen eken. Gazet óz qyzmetinde memleketti tek halyqqa paıdaly zańdar qabyldaýga shaqyrdy. Ár azamatty óz quqyǵyn bilýge úndedi. Quqyqtyq turǵydan shólirkegen oqyrmanǵa quqyqtyq káýsarlardan dám tatýǵa múmkindik berdi» deıdi.

 

ALMATY

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar