Aımaqtar • 29 Qarasha, 2019

Qyzdar ýnıversıteti syrqat sábıdiń emine qaıyrymdylyq balyn ótkizdi

125 retkórsetildi

Qazaq ulttyq qyzdar pedagogıkalyq ýnıversıteti 75 jyldyq mereıtoıyn saýapty iske arnady. Parasat pen taǵylym mektebiniń tól tarıhyndaǵy aıtýly data Úkili úmit atty qaıyrymdylyq balynyń aıasynda ótti.

Qysqy ertegi jelisimen uıymdastyrylǵan shara 75 juptyń oryndaýyndaǵy yrǵaqty valspen ashyldy. Baldyń debıýtanty atanǵan Qyzdar ýnıversıtetiniń stýdentteri men QR Ulttyq Qaýipsizdik komıtetiniń Shekara qyzmeti akademııasynyń kýrsanttary klassıkalyq bılerdi joǵary deńgeıde oryndap kópshiliktiń ystyq yqylasyna bólendi.

– Dara dástúri bar ordaly oqý orny ǵasyrǵa jýyq ýaqyt belesinde qazaq qyzdarynyń shyn mánisindegi shamshyraǵyna aınaldy. О́zindik keskin-kelbetin qalyptastyrdy. Halqymyzdyń urpaqtan urpaqqa mıras bolyp kele jatqan dástúrler sabaqtastyǵyn jańǵyrtty. Ekinshi dúnıejúzilik soǵystyń alasapyran ýaqtysynda irgetasy qalanǵan bul bilim ordasynyń Qazaqstannyń pedagog kadrlaryn daıarlaýdaǵy alatyn orny aıryqsha úlken. Sebebi osy jyldar aralyǵynda oqý ornyn 60 myńnan astam túlek bitirip shyqty. Olar ulan-ǵaıyr Otanymyzdyń túkpir-túkpirinde eńbek etip, saýatty da bilimdi urpaqty daıarlaýǵa zor eńbek sińirdi. Ult pedagogıkasynyń damýy jolynda qajyrly qyzmet atqardy. Búginde álemde tek qana qyzdar bilim alatyn joǵary oqý oryndary saýsaqpen sanarlyqtaı. Osy oraıda biregeı bilim ordasy retinde elimiz ben álemge keńinen tanymal bolǵan oqý orny – «Qyzdar ýnıversıteti» degen ózindik brendin qalyptastyrdy. Bizdiń basty maqsatymyz – osy ýaqytqa deıin qol jetkizgen tabystardy eseleı túsý, qazynaly qarashańyraqty shyqqan bıiginen túsirmeý, – dedi Qyzdar ýnıversıtetiniń rektory Gaýhar Aldambergenova.

Shara sheńberinde pedagogıkalyq oqý ornynyń oqytýshylary men stýdentteriniń shyǵarmashylyq jumystary men óner týyndylary aýksıonǵa qoıyldy. Qaıyrymdylyq balynan jáne aýksıonnan túsken qarajat I-toptaǵy múgedek Aısultan Asylhan esimdi sábıdiń emine jumsalady. 2015 jyly dúnıege kelgen búldirshin mı isigi, kórý nervisiniń atrofııasy, epılepsııa jáne serebraldy sal aýrýyna shaldyqqan. Shara barysynda túrli uıym ókilderi men azamattar sábıdiń em-domyna qajetti qarajatty aýdaryp jatty.

Taǵylymǵa toly oqý ornynyń mereıtoıynyń sońynda ýnıversıtet tarıhynan syr shertetin teatrlandyrylǵan kórinis kópshilik nazaryna usynylyp, estrada juldyzdarynyń qatysýymen gala-konsertke ulasty.

        

ALMATY

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar