Prezıdent • 29 Qarasha, 2019

Memleket basshysy Fransııa bıznesiniń ókilderimen kezdesti

47 retkórsetildi

Qasym-Jomart Toqaev óz sózinde Fransııa Qazaqstannyń Eýropalyq odaq aıasyndaǵy negizgi seriktesi ekenin jáne elimizdiń ekijaqty yqpaldastyqty damytýǵa basa mán beretinin aıtty. Bul týraly Aqordanyń baspasóz qyzmeti habarlady. 

– Eki memleket arasyndaǵy ózara qarym-qatynastar turaqty ári joǵary deńgeıde. Biz Fransııa Prezıdenti Emmanıýel Makronnyń Qazaqstanǵa jasaıtyn aldaǵy sapary ekijaqty yntymaqtastyqty damytýǵa tyń serpin beredi dep sanaımyz, – dedi Memleket basshysy.

Qazirgi ýaqytta Qazaqstanda fransýz kapıtalynyń qatysýymen Orano, Alstom, Air Liquide, Airbus sııaqty 160-tan astam transulttyq kompanııa jumys isteıdi. 2018 jyly elderimiz arasyndaǵy taýar aınalymy 32 paıyzǵa artyp, 4,5 mıllıard dollarǵa jetti.

– Men muny jaqsy kórsetkish dep esepteımin. Soǵan qaramastan ony jaqsartýǵa únemi umtylýymyz kerek. Bıylǵy kórsetkishterde de oń qarqyn baıqalady. 9 aıdyń ishinde taýar aınalymy 5,5 paıyzǵa ósip, 3,4 mıllıard dollarǵa jetti. Jalpy Qazaqstan ekonomıkasyna salynǵan fransýz ınvestısııasynyń kólemi 16 mıllıard dollarǵa jýyq, – dedi Prezıdent.  

Qasym-Jomart Toqaev Qazaqstanda tabysty bıznes júrgizý úshin jaǵdaı jasalǵanyn atap ótip, bıznes-ahýaldy jaqsartýǵa, kedergilerdi azaıtýǵa jáne  elimizdiń ınvestısııalyq tartymdylyǵyn jaqsartýǵa baǵyttalǵan júıeli reformalar júzege asyrylyp jatqanyn aıtty.  

Prezıdent fransýz bıznesmenderiniń nazaryn eki el arasyndaǵy yntymaqtastyqty nyǵaıtýǵa negizdelgen kóptegen baǵyttarǵa aýdaryp, olardy agroónerkásiptik keshen jáne ekonomıkanyń basqa da sektorlaryndaǵy birlesken jobalardy júzege asyrý úshin seriktes bolýǵa shaqyrdy.

– Qazaqstannyń básekege qabiletti aýyl sharýashylyǵy ónimderin óndirýde múmkindigi zor. Elimizde 25 mıllıon gektar egistik pen 186 mıllıon gektardan astam  jaıylymdyq jer bar. Bul orasan zor resýrs jáne rezerv. Geografııalyq turǵydan biz úlken ári joǵary tólemqabilettiligi bar Qytaı, Eýropa, Taıaý Shyǵys jáne Indııa naryqtaryna jaqynbyz, – dedi Memleket basshysy. 

Qazaqstan Prezıdenti óz sózinde ınnovasııa, sıfrlyq ekonomıka salalaryndaǵy yntymaqtastyqtyń mańyzy zor ekenin atap ótti. Qasym-Jomart Toqaev qarjy sektoryndaǵy is-qımyldardy keńeıtýge jáne «Astana» halyqaralyq qarjy ortalyǵynyń jumysyna qatysýǵa shaqyrdy.

– Elimizde Nazarbaev Ýnıversıteti jáne Innovasııalyq tehnologııalar parki sekildi ınnovasııalyq klasterler jumys isteıdi. Astana Hub IT-startaptar halyqaralyq tehnoparki ashyldy. Biz Qazaqstanda fransýzdyq ınnovasııalar men tehnologııalardy engizý úshin meılinshe qolaıly jaǵdaı jasaýǵa daıynbyz, – dedi Prezıdent.

Kólik-tranzıt ınfraqurylymyn damytý máselesine toqtalǵan Memleket basshysy Qazaqstan arqyly Azııa men Eýropany jalǵaıtyn halyqaralyq kólik dálizi ótetinin, Qytaıdyń «Bir beldeý, bir jol» jahandyq bastamasymen ushtasatyn «Nurly jol» baǵdarlamasynyń júzege asyrylyp jatqanyn aıtty. Budan bólek kóliktik jáne týrıstik áleýetti arttyrý maqsatynda elimizdiń jetekshi áýejaılarynda «ashyq aspan» júıesi engizildi.     

– Men Qazaqstannyń aspany ashyq bolýy kerek degen sheshim qabyldadym. Osy júıe 11 áýejaıǵa engizilip, barlyq áýe kompanııalary arasynda, onyń ishinde qazaqstandyqtar da bar, tıisti básekelestik uıymdastyrylady. Bul jolaýshylar tasymaly turǵysynan ǵana emes, sondaı-aq, Qazaqstan men Eýropa arasynda júk tasymalyn uıymdastyratyn elimizdiń avıasııalyq múmkindikterine oń yqpal etedi, – dedi Qasym-Jomart Toqaev.   

Prezıdent Fransııanyń týrızm salasyndaǵy tabysty tájirıbesin zertteýge jáne engizýge elimizdiń múddeliligin atap ótip, Qazaqstannyń fransııalyq týrısterdi qabyldaýǵa daıyn ekenin málimdedi.

Qazaqstan-Fransýz iskerlik keńesiniń teń tóraǵasy Iv-Lýı Darrıkarrer ınvestorlardyń birlesken jobalardy damytýǵa nıetti ekenin jetkizdi.

– Men fransýz kompanııalarynyń Qazaqstannyń kásiporyndarymen uzaq merzimge negizdelgen yntymaqtastyqty damytýǵa nıetti ekenin aıtqym keledi. Olar qosymsha jobalardy damytýǵa úmitti jáne qazaqstandyq bılikpen jumys isteýge ázir, – dedi Iv-Lýı Darrıkarrer.

Kezdesý barysynda Qazaqstandaǵy Total kompanııasynyń basshysy Alem Frıga-Noı, Air Liquide kompanııasynyń vıse-prezıdenti Fılıpp Krıstodolý, Alstom kompanııasynyń Taıaý Shyǵys elderi boıynsha aǵa vıse-prezıdenti Dıde Flejer, Renault kásipornynyń aǵa vıse-prezıdenti Nıkolıa Mor, Idemia kompanııasynyń aǵa vıse-prezıdenti Izabel Lozon, Orano mining kompanııasynyń bas dırektory Nıkolıa Maes, Vicat kompanııasynyń aımaqtyq dırektory Petro Kala jáne basqa da fransýz bıznesiniń ókilderi sóz sóıledi.

Kezdesý sońynda Qasym-Jomart Toqaev osy is-sharanyń Qazaqstan men Fransııa arasyndaǵy baılanystardy nyǵaıtýǵa septigin tıgizetinine, ózara tıimdi jańa jobalardyń bastaýy bolatynyna senim bildirdi.

Sońǵy jańalyqtar

Uly dala eliniń eń ulyq merekesi

Qazaqstan • Búgin, 13:28

Basylym basshylary - Muhtar ÁÝEZOV (11.1921-12-1921)

Basylym basshylary • Búgin, 13:06

Qarshadaı qyzdyń qaısarlyǵy...

Rýhanııat • Búgin, 12:55

Almatylyq qarııalarǵa arnalǵan kesh ótti

Rýhanııat • Búgin, 12:47

Ábish Kekilbaevty eske alý keshi ótti

Rýhanııat • Búgin, 11:05

Ýspen aýdany dástúrli ánshilerdi shaqyrdy

Rýhanııat • Búgin, 09:10

Tulǵaǵa taǵzym jasaldy

Rýhanııat • Búgin, 08:49

«Báıterek» basyndaǵy qaýyshý

Qoǵam • Búgin, 08:45

Jalpy esepte úzdik úshtiktemiz

Sport • Búgin, 08:44

«Astana» maýsymdy aıaqtady

Fýtbol • Búgin, 08:40

Baǵyndyrǵan belester baıyptaldy

Aımaqtar • Búgin, 08:37

Taýar tasý jıiligine shekteý bolmaıdy

Ekonomıka • Búgin, 08:33

Jeltoqsan... Erkindik... Azattyq

Qoǵam • Búgin, 08:21

Azattyq jolyndaǵy tarıhı qadam

Rýhanııat • Búgin, 08:17

Qazaq elin álem tanydy

Álem • Búgin, 08:15

Qıyn sátte de birge bolǵanbyz!

Qazaqstan • Búgin, 08:12

Táýelsizdik hám túrki jurty

Qazaqstan • Búgin, 08:03

El abyroıyn asyrǵan jahandyq bastamalar

Qazaqstan • Búgin, 08:01

40 páterdiń kiltin tapsyrdy

Aımaqtar • Búgin, 07:58

Túrkııada toılandy

Qazaqstan • Búgin, 07:57

Ekonomıka qarqyndy ósýde

Ekonomıka • Búgin, 07:51

Mereke qarsańyndaǵy mereıli sát

Qoǵam • Búgin, 07:48

Memlekettik nagradalar tapsyrdy

Parlament • Búgin, 07:44

Almatyda Abaı klýby ashyldy

Rýhanııat • Keshe

Uqsas jańalyqtar