Aımaqtar • 29 Qarasha, 2019

Mańǵystaý oblysynda zańsyz balyq aýlaǵandar ustaldy

156 retkórsetildi

UQK Mańǵystaý oblysy boıynsha departamenti bıyl qarashada "Mańǵystaý oblystyq orman sharýashylyǵy jáne janýarlar álemi aýmaqtyq ınspeksııasy" RMK laýazymdy adamdarynyń zańǵa qarsy áreketiniń jolyn kesti. Bul týraly komıtettiń saıtynda habarlandy.

UQK málimetinshe, olar odan ári ony ótkizý maqsatynda balyqtardyń bekire tuqymdaryn aýlaý jáne ýyldyryq alý boıynsha brakonerlik áreket uıymdastyrǵan jergilikti turǵyndarǵa qamqorshylyq jasaǵan.

"Ustalǵan adamdardyń qylmystyq áreketi saldarynan memleketke 320 mıllıonnan artyq somaǵa zııan keltirildi, zańsyz aınalymnan 1 100 keli bekire tuqymdas balyq pen 17 keli qara ýyldyryq alyndy. Mańǵystaý oblysy boıynsha departamenti Qazaqstan Respýblıkasy Qylmystyq kodeksiniń 361-babynyń 1-bóligi ("Laýazymdyq ókilettilikterin teris paıdalaný"), 335-baby 3-bóligi, 1, 3, 4, 5-tarmaqtary ("Balyq resýrstaryn, basqa da sý janýarlary men ósimdikterin zańsyz alý") boıynsha sotqa deıingi tergeýdi jalǵastyryp jatyr" delingen UQK habarlamasynda.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar