Aımaqtar • 30 Qarasha, 2019

Taǵy bir aýyl tabıǵı gaz jelisine qosyldy

19 retkórsetildi

Jetisý óńirindegi ár eldi mekendi kógildir otynmen qamtý máselesi kún tártibinde tur. Sońǵy 3 jyl aralyǵynda bul baǵytta teńdessiz jumystar jasaldy. Búginde Taldyqorǵan qalasy men jaqyn mańdaǵy aýdandardyń tabıǵı otyn kózine qosylýy oblystyń erekshe jetistiginiń biri. Keleshekte kógildir otynmen qamtý isi budan da qarqyn ala túspek.

Negizgi jumystar «Almaty oblysynyń 2030 jylǵa deıingi damý jospary» boıynsha júrip jatyr. Mejeli mindet negizinde eldi mekenderdi gazǵa qosý isi jalǵasýda. Jaqynda Qapshaǵaı qalasy mańyndaǵy aýyldardy tabıǵı otynmen qamtý isi aıaqtaldy. Osy aýmaqty gazben qamtamasyz etý maqsatynda 2017 jyly «Baıserke-Qapshaǵaı» jobasy daıyndalǵan bolatyn. Nátıjesinde, jospardaǵy aýyldarǵa gaz jelisi tartyldy. Bul jobanyń taǵy bir ereksheligi, memleket pen jekemenshik áriptestigi aıasynda júzege asýynda, ıaǵnı, gaz jelisi ınvestorlardyń qarjysyna jasalýda.

Tabıǵı gazdy tutyný turǵyndar úshin úlken qýanysh. Osy qýanyshqa Tuńǵysh Prezıdet kúni merekesi qarsańynda Zarechnyı aýylyyń turǵyndary qol jetkizdi. Bul kúni «Qapshaǵaı aımaǵynyń gaz júıeleri» jaýapkershiligi shekteýli seriktestigi Mır, Abaı, Dzerjınskıı, Jambyl kóshelerin kógildir otynǵa qosty. Saltanatty sharaǵa Qapshaǵaı qalasy ákiminiń orynbasary Ermek Qojahmetov, «Qapshaǵaı aımaǵynyń gaz júıeleri» jaýapkershiligi shekteýli seriktestiginiń dırektory Ilııas Súgirov, Zarechnyı aýyldyq okrýginiń ákimi Berik Dúısenbaev, Zarechnyı aýyldyq okrýginiń jergilikti qoǵamdastyq tóraǵasy Ǵabdesh Qazbekov jáne aýyl turǵyndary qatysyp, ózderiniń aqjarma tilekterin bildirdi. Al alǵashqy gaz qubyry arqyly gaz jiberýge baılanysty alaýdy aýyl aqsaqaly Baltabaı Jumadilov jaqty.  Sóıtip, Zarechnyı aýylynyń turǵyndary ataýly jobanyń sóz júzinde emes, is júzinde júzege asqandyǵynyń kýási boldy.

Sońǵy jańalyqtar

Almatyda Abaı klýby ashyldy

Rýhanııat • Keshe

Dımash Qudaıbergen tyńdarmandaryna alǵys aıtty

Rýhanııat • 14 Jeltoqsan, 2019

Ǵalymdar: Adam qysta az jumys isteýi kerek

Qoǵam • 14 Jeltoqsan, 2019

Neımar «Barselonany» taǵy da sotqa berdi

Fýtbol • 14 Jeltoqsan, 2019

Atyraý oblysy Táýelsizdik kúnin atap ótti

Aımaqtar • 14 Jeltoqsan, 2019

Mańǵystaýda «Jyl adamy - 2019» anyqtaldy

Aımaqtar • 14 Jeltoqsan, 2019

Aqtaýda turǵyn úı paıdalanýǵa berildi

Aımaqtar • 14 Jeltoqsan, 2019

Almatylyqtarǵa memlekettik marapat tapsyryldy

Aımaqtar • 14 Jeltoqsan, 2019

Atyraýlyqtar taǵy da úzdikter qatarynda

Aımaqtar • 13 Jeltoqsan, 2019

Uqsas jańalyqtar