Qazaqstan • 30 Qarasha, 2019

Altaı Kólginov 400-den astam otbasyna páter kiltterin tabystady

23 retkórsetildi

Tuńǵysh Prezıdent kúni merekesi qarsańynda «Nurly jer» turǵyn úı qurylysy baǵdarlamasy aıasynda elorda ákimi Altaı Kólginov turǵyn úı kezeginde turǵan 419 azamatqa páter kiltterin tabystady. Bul týraly Nur-Sultan qalasy ákimdiginiń baspasóz qyzmeti habarlady.

Páterler áleýmettik álsiz toptarǵa jatatyn azamattarǵa berildi. Birneshe bloktardan turatyn turǵyn úı kesheni N. Tendıev dańǵyly men Sh. Beısekov kóshesiniń qıylysynda ornalasqan. «Táýelsizdigimizdiń negizin qalaýshy, Elbasy Nursultan Ábishuly azamattarymyz úshin jaǵdaı jasaýymyz kerek ekenin aıtyp keledi. Osyndaı turǵyn úı alatyn memlekettik baǵdarlama buryń sońdy bolmaǵandy. Qazir elordada jyl saıyn 2 mln sharshy metrge deıin turǵyn úı salynyp jatyr, 80% - dan astamy jeke ınvestısııalar arqyly. Tek osy úıde  400-den astam páter ornalasqan. Kelesi jyly Memleket Basshysy Qasym-Jomart Kemelulynyń tapsyrmasyna oryndaý maqsatynda qoljetimdi turǵyn úı qurylysynyń kólemin 3 esege arttyramyz», - dedi A. Kólginov. Máselen, jalǵa beriletin turǵyn úıdiń ıesi Janna Takenova 2009 jyldan bastap kezekte turǵanyn aıtty. «Kórshilerimizben tanysyp úlgerdik, barlyǵymyz óte qýanyshtymyz», - dedi. «Búgin biz úshin óte mańyzdy kún. Bizge berilgen páter úshin memleketke alǵys bildiremin. Men erekshe qajettiligi bar balany tárbıelep otyrmyn. Qala turǵyndaryna aıtarym, esh kúmándanbaı qujattardy tapsyryńyzdar. Sizderde páter ıegeri ata alasyzdar», - dep atap ótti J. Takenova. Elordany odan ári damytý jónindegi keńeste Memleket basshysy balalardyń terezeden qulaýyn boldyrmaý úshin qurylys normalaryndaǵy qaýipsizdik parametrlerin kúsheıtýdi tapsyrdy. Osylaısha, jańa úıdiń barlyq páterlerinde terezelerdi bekitýge arnalǵan qurylǵylar ornatylǵan. «Qarapaıym zattar ekonomıkasy» baǵdarlamasyn damytý sheńberinde TK salý úshin negizinen otandyq óndiristiń qurylys materıaldary paıdalanyp, óz elimizde shyǵarylǵan lıftiler qoıyldy . Qala ákimi Altaı Kólginov kóktem bastalysymen aýmaqty abattandyrý jumystary bastalatynyn atap ótti: aǵashtar otyrǵyzylady, qosymsha oryndyqtar, balalar trenajerleri jáne t. b. ornatylady.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar