Sport • 30 Qarasha, 2019

Jekpe-jek: Nursultan ǵana jeńdi, ózge jerlesterimiz jeńildi

291 retkórsetildi

Reseılik ASA jáne qazaqstandyq «Alash Praıd» klýbynyń muryndyq bolýymen Almaty qalasynda erejesiz jekpe-jekten iri halyqaralyq týrnır uıymdastyryldy. О́kinishke qaraı, birqatar memleketterden kelgen saqa sportshylardyń qatysýymen ótken aıtýly dodada bizdiń jigitter óz jankúıerlerin qýanta almady.  

«Almaty Arenada» ótken jekpe-jek keshinde jarys jolyna jeti jerlesimiz shyqty. Solardyń arasynan tek Nursultan Qasymhanovtyń ǵana óneri kópshilik kóńilinen shyqty. 66 kılo salmaqta kúsh synasqan qandasymyz reseılik Aleksandr Pedýsonmen aıqasty. Oktagonǵa shyqqan bette olar birden bir-birin aýyr soqqylardyń astyna aldy. Ekeýi de tik turyp, esh qaımyqpaı, sheginbeı judyryqtasty. Kóbine-kóp qazaq jigitiniń siltegen soqqylary nysanaǵa dál tıip jatty. Qarsylasyna qaraǵanda Qasymhanovtyń qarymdy kóringeni esh kúmán týǵyzǵan joq. Nátıjesinde 15 mınýtqa sozylǵan «jan alysyp, jan berisken» aıqas Nursultannyń jeńisimen aıaqtaldy.

 

О́kinishke qaraı, Qazaqstannyń ózge sportshylary óreli ónerlerimen jergilikti jankúıerlerdi qýanta alǵan joq. Tusaýkeser kezdesýde Fanıl Rafıkov belarýssııalyq Ivan Jvırblıadan upaı sanymen utyldy. Bul onyń ASA dodalarynda qatarynan úshinshi márte jeńilýi.  

 

Qyrǵyzstannan kelgen Altynbek Mamashev jerlesimiz Goıtı Dazaevty birinshi raýndtyń aıaǵynda aýyr nokaýtqa jiberdi. Aıtýly qos memleket ókilderiniń ekinshi ózara tartysy da Alataýdyń arǵy betinen kelgen órenderdiń paıdasyna sheshildi. Bul joly Qanat Keldibekov Altynbek Dýmanulynan aılasyn asyrdy.

 

Jastar býyny senim údesinen shyǵa almaǵannan keıin saqa sportshylarymyzdyń jolyna úkili úmitpen qaradyq. Biraq sol keshte olardan da qaıyr bolmady. Reseılik Hýseın Shaıhaev Erjan Estanovtyń aıaǵyna «aýyrtý» tásilin qoldasa, brazılııalyq Rodjer Soýza Shahmaral Jetpisovti qan josa etip sabady. Qazaq jigitine jany ashyǵan tóreshi jekpe-jekti merziminen buryn toqtatty. Sol sekildi Bashqurtstannyń bas juldyzy Vener Galıev pen Ermek Tlaýov arasyndaǵy básekede de jeńis ózge el ókiliniń enshisinde ketti.    

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar