Aımaqtar • 01 Jeltoqsan, 2019

Jetisýlyqtar Tuńǵysh Prezıdent kúnin saltanatpen atap ótýde

40 retkórsetildi

Almaty oblysynyń aýmaǵynda Tuńǵysh Prezıdent kúnin atap ótý sán-saltanatpen bastaldy. Merekelik kóńil-kúı qushaǵyndaǵy Jetisý jurty kesheli beri marapat pen madaqqa kenelip, baspanaly bolyp jatyr. El damýyna eńbekpen úles qosqan ólkedegi tartý Táýelsizdik kúnine deıin jalǵaspaq.

Oblysta Tuńǵysh Prezıdent kúni jáne Táýelsizdik merekesine oraı jalpy sany 36 jańa nysan ashý josparlanǵan, sonyń nátıjesinde tórt júzge jýyq jańa jumys orny qurylady. Atalǵan 36 nysannyń on ekisi 1-jeltoqsanǵa, al qalǵany16-jeltoqsanǵa qaraı esigin aıqara ashpaq. Olardyń qatarynda medısına, bilim berý, mádenıet, aýyl sharýashylyǵy, ónerkásip salalarynyń nysandary men turǵyn úıler bar.

Atap aıtqanda, búginge deıin Kerbulaq aýdanynda jalgerlik turǵyn úı, Jambyl aýdany Tarǵap aýylynda, Uıǵyr aýdanynyń Qaljat aýylynda dárigerlik ambýlatorııa, Ile aýdanynda 3 birdeı balabaqsha iske qosylyp, el ıigiligine berildi. Sondaı-aq, mereke qarsańynda Qarasaı aýdany Kókózek aýylynda ornalasqan sendvıch-panelder men pishindi tósenishter shyǵaratyn «Bolashaq Qaz-Metall» zaýyty óz jumysyn bastaıdy. Bul nysannyń jobalyq quny – 110 mln teńge. Al merkeshe oraılastyryp iske qosylatyn Kóksý aýdanynda «Sultan» sharýa qojalyǵynyń 200 basqa arnalǵan mal bordaqylaý alańy, «Nurlan» sharýa qojalyǵynyń bazasynda ashylatyn 200 basqa arnalǵan sút-taýarly fermasy, Sarqan qalasyndaǵy «Jolbosynov» JK-nyń 150 basqa laıyqtalǵan mal bordaqylaý alańy agrarlyq saladaǵy mindetterdiń oblysta tabysty oryndalýyna úles qospaq. Uıǵyr aýdany Dardamty aýylynda «Eko product Plus» JShS 1 gektar jerge qýaty jylyna 100 tonnalyq jylyjaı keshenin qolǵa alýda. Qaratal aýdany Aıtýbı aýylynda «AgroInvestQaratal» JShS-nyń 340 basqa arnalǵan shoshqa ustaý kesheni de osy jańa jobalar qatarynda.

Osylaısha, 1 jeltoqsan - Tuńǵysh Prezıdent kúnin jańa nysandar ashý qýanyshymen qarsy alǵan jetisýlyqtar Táýelsizdik kúnine deıin iskerlik baǵyttaǵy jańalyqtarmen bólise bermek.

Búgin oblys turǵyndaryn merekemen aımaq basshysy Amandyq Batalov quttyqtap, elge eńbek, jerge tynyshtyq tiledi. Jetisýlyqtardyń jemisti eńbegin atap ótken oblys ákimi óz sózinde Tuńǵysh Prezıdent kúnin atap ótý jalpyhalyqtyq merekege aınalǵanyna toqtaldy.

- Búginde Tuńǵysh Prezıdent – Elbasy Nursultan Nazarbaevtyń sarabdal saıasatyn qazirgi Prezıdentimiz Qasym-Jomart Toqaev jalǵastyryp keledi. Elbasy óz sózinde: «Halqyma kerekti qalaı tabam, qaıdan tabam dep qam jep júrý tek qana meniń emes, ár azamattyń isi men jadynda bolýy tıis» degen edi. Bul rette Memleket basshysynyń jetekshiligimen eldik múdde jolyndaǵy jumysqa jumyla kirisip, árqaısymyz óz mindetimizdi eljandylyqpen, jaýapkershilikpen, eńbeksúıgishtikpen atqaramyz dep senemin, - dedi óz sózinde Amandyq Batalov.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar