Aımaqtar • 02 Jeltoqsan, 2019

Shalǵaı aýyldarda 24 otbasy páterli boldy

20 ret kórsetildi

Batys Qazaqstan oblysynyń Qaztalov aýdany ortalyǵynda «Nurly jer» baǵdarlamasy aıasynda 2 qabatty, 12 páterli turǵyn úıdiń qurylysy aıaqtalyp, jańa qojaıyndaryna berildi.

 

Sýretti túsirgen Meıirbek TÁJQURANOV

Jańa úıdiń qurylysyna 112 mln teńge qarjy jumsalǵan. Qurylys jumysyn merdiger «Batys KotloMontaj» JShS sapaly jáne ýaqtyly júrgizgen. Jańa baspanaǵa ıe bolǵan 12 otbasynyń 8-i – kóp balaly otbasylar. Prezıdent kúnimen oraılas kelgen qonystoıǵa Batys Qazaqstan oblysynyń ákimi Ǵalı Esqalıev qatysyp, quttyqtaý sóz sóıledi.

- Qurmetti aýdan turǵyndary! «Nurly jer», «Nurly jol» baǵdarlamalary aıasynda halyq ıgili úshin birqatar jumys atqaryldy. Búgingi qýanysh sonyń bir nátıjesi. Osyndaı kún aýdanymyzda kóp bolsyn. Qonystaryńyz qutty bolsyn! - dedi oblys ákimi.

Jańa páterlerdiń sapasy jaqsy. «Biz kóp jyl páter jaldap keldik. Onyń aqysyn tóleý biraz qıyndyq keltiretin. Baspanaly bolýymyzǵa kómektesken jandarǵa alǵysymyz sheksiz. Bul kúndi eshqashan umytpaspyz, sheksiz qýanyp turmyz. Endi jańa, sapaly jáne jaıly úıde turatyn boldyq» deıdi Rymgúl Saketova.

Dál osyndaı qýanysh Qaztalov aýdanyna qarasty Jalpaqtal aýylynda da boldy. «Nurly jer» baǵdarlamasy aıasynda kóp balaly otbasylar, áleýmettik jaǵynan qorǵalýǵa jatatyn top músheleri, ata-anasynyń qamqorlyǵynsyz qalǵan balalar ózderine arnap salynǵan sapaly baspanaǵa ıe boldy. Qurylysty «Kazakhstan GIGA Trade» JShS mamandary ýaqytynda sátti aıaqtady. Aıta keteıik, ótken jyly da Jalpaqtal aýylynan dál osyndaı on eki páterlik turǵyn úı paıdalanýǵa berilgen bolatyn.

- Kezinde Elbasymyz Nursultan Nazarbaev jyl saıyn keminde alty mıllıon sharshy metr turǵyn úıdi paıdalanýǵa berý týraly tapsyrma bergen edi. Ol tapsyrma búginde «Nurly jer» baǵdarlamasy boıynsha júzege asyrylyp keledi. Sońǵy jyldary memleketimizdiń bereke-birliginiń arqasynda kóptegen ıgi sharalardyń nátıjesin aýyl turǵyndary kórip jatqanyna qýanyshtymyz, - deıdi óńir basshysy.

Sońǵy jańalyqtar

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Qazaqstanda sýdıalardyń jalaqysy qansha?

Qazaqstan • 23 Qazan, 2020

Elimizde jańbyr jaýyp, sońy qarǵa ulasady

Aýa raıy • 23 Qazan, 2020

Shyǵysta eki azamat zańsyz balyq aýlaǵan

Aımaqtar • 23 Qazan, 2020

Uqsas jańalyqtar