Sýretti túsirgen Meıirbek TÁJQURANOV
- Elimizde aýyl halqynyń ál-aýqatyn kóteretinkóptegen baǵdarlama jumys istep jatyr. Búgingi qýanyshty shara osynyń aıǵaǵy. Aqjaıyq aýdanynyń 52 eldi mekeniniń 30-y, ıaǵnı, halyqtyń 87,4 paıyzy sýmen qamtylyp otyr. Bıyldyń ózinde «О́ńirlerdi damytý» baǵdarlamasy aıasynda Shabdarjap, Tompaq aýyldary taza sýmen qamtyldy. Jyl sońyna deıin Bazartóbe, Qadyrqul, Qyzyljar aýyldaryn da aýyz sýmen qamtý josparlanǵan. Keńsýat aýylynda da qurylys jumystary bastaldy. Osynyń nátıjesinde aýdan 95 paıyz taza sýmen qamtylatyn bolady, - dedi oblys ákimi Ǵalı Nájimedenuly.
Jaıyq aýylyna aýyz sý júrgizý jumysy bıylǵy sáýir aıynda bastalyp, qubyr tartý isin «AlfaServısStroı» JShS júrgizgen. Uzyndyǵy 9,727 shaqyrymdy quraıtyn sý qubyrynyń ıgiligin aýyldaǵy 600-den astam turǵyn kóretin bolady. Jobaǵa respýblıka bıýdjetinen 139,3 mln teńge qarajat bólingen.
