Qoǵam • 02 Jeltoqsan, 2019

Túrkistan oblysynda sport nysandary paıdalanýǵa berildi

54 retkórsetildi

Tuńǵysh Prezıdent kúnine oraı Túrkistanda olımpıada rezervin daıarlaý ortalyǵy jáne Tólebı aýdany Qasqasý aýyldyq okrýginde sport kesheni ashyldy. 

Quny 1 mlrd teńgege jýyq bolatyn Túrkistan qalasyndaǵy nysandy Soltústik Qazaqstan oblysy tartý etip otyr. Eki qabatty ǵımaratta oıyn zaly, kúres, boks jáne trenajer zaldary ashylǵan. Ortalyq aýlasynda úlken stadıon ornalasqan. Sport nysanynda buqaralyq dene shynyqtyrý-saýyqtyrý boıynsha oblystyq is-sharalar men respýblıkalyq, halyqaralyq jarystar uıymdastyrylmaq. Jastar men jasóspirimder arasynda erkin kúres, grek-rım, dzıýdo, boks,  jekpe-jek sport túrleri boıynsha oblys quramasynyń oqý-jattyǵý jıyndary ótkizilmek. Jalpy aýmaǵy 3,75  gektar jerdi alyp  jatqan  sport kesheninde bir mezette 220-dan astam sportshy jattyǵa alady. Mekteptiń sportshylar rezervin daıyndaıtyn oqý-jattyǵý bazasy da talapqa saı jabdyqtalǵan. Ashylý saltanatynda oblys ákimi О́mirzaq Shókeev ıgi iske úles qosqan Soltústik Qazaqstan oblysy ákimdigine, jobalaýshylar men qurylysshylarǵa alǵys aıtty. Aldaǵy ýaqytta osy ǵımarattyń janynan jataqhana men orta mektep salynatynyn jáne ol úlken keshenge aınalatyndyǵyn jetkizdi.

Al Tóle bı aýdany Qasqasý aýyldyq okrýgindegi sport kesheni jeke kásipker, pedagogıka ǵylymdarynyń doktory Mombek Qozybaqovtyń demeýshiligimen salynǵan. Jańa sporttyq-saýyqtyrý ortalyǵynyń lentasyn memleket jáne qoǵam qaıratkeri, bokstan KSRO sport sheberi, Qazaqstanǵa eńbegi sińgen jattyqtyrýshy Amalbek Tshanov pen aýdan ákimi Baýyrjan Omarbekov qıdy. Sport kesheninde turǵyndar boks, erkin kúres, grek-rım, fýtbol, shahmat jáne doıby syndy sport túrlerinen shuǵyldana alady. Qurylysy ótken jyly bastalǵan sporttyq nysannyń quny – 150 mln teńge. Bir mezette 100-ge jýyq sportshy jattyǵa alatyn keshende barlyq jaǵdaı jasalǵan. «Tuńǵysh Prezıdent kúnine tartý etilip otyrǵan osy áleýmettik mańyzy bar nysan buqaralyq sporttyń damýyna óz úlesin qosyp, talaı daryndy shákirtter men daraboz tarlandar túlep ushyp, egemendi elimizdiń kók baıraǵyn jeńis tuǵyryna kóterip, jelbiretedi dep senemin», –  dedi aýdan ákimi Baýyrjan Omarbekov ashylý saltanatynda. Jeke kásipker Mombek Qozybaqov zamanaýı úlgide salynǵan sport kesheniniń kiltin aýdandyq sport mektebine saltanatty túrde tabys etti.

 

Sońǵy jańalyqtar

Uly dala eliniń eń ulyq merekesi

Qazaqstan • Búgin, 13:28

Basylym basshylary - Muhtar ÁÝEZOV (11.1921-12-1921)

Basylym basshylary • Búgin, 13:06

Qarshadaı qyzdyń qaısarlyǵy...

Rýhanııat • Búgin, 12:55

Almatylyq qarııalarǵa arnalǵan kesh ótti

Rýhanııat • Búgin, 12:47

Ábish Kekilbaevty eske alý keshi ótti

Rýhanııat • Búgin, 11:05

Ýspen aýdany dástúrli ánshilerdi shaqyrdy

Rýhanııat • Búgin, 09:10

Tulǵaǵa taǵzym jasaldy

Rýhanııat • Búgin, 08:49

«Báıterek» basyndaǵy qaýyshý

Qoǵam • Búgin, 08:45

Jalpy esepte úzdik úshtiktemiz

Sport • Búgin, 08:44

«Astana» maýsymdy aıaqtady

Fýtbol • Búgin, 08:40

Baǵyndyrǵan belester baıyptaldy

Aımaqtar • Búgin, 08:37

Taýar tasý jıiligine shekteý bolmaıdy

Ekonomıka • Búgin, 08:33

Jeltoqsan... Erkindik... Azattyq

Qoǵam • Búgin, 08:21

Azattyq jolyndaǵy tarıhı qadam

Rýhanııat • Búgin, 08:17

Qazaq elin álem tanydy

Álem • Búgin, 08:15

Qıyn sátte de birge bolǵanbyz!

Qazaqstan • Búgin, 08:12

Táýelsizdik hám túrki jurty

Qazaqstan • Búgin, 08:03

El abyroıyn asyrǵan jahandyq bastamalar

Qazaqstan • Búgin, 08:01

40 páterdiń kiltin tapsyrdy

Aımaqtar • Búgin, 07:58

Túrkııada toılandy

Qazaqstan • Búgin, 07:57

Ekonomıka qarqyndy ósýde

Ekonomıka • Búgin, 07:51

Mereke qarsańyndaǵy mereıli sát

Qoǵam • Búgin, 07:48

Memlekettik nagradalar tapsyrdy

Parlament • Búgin, 07:44

Almatyda Abaı klýby ashyldy

Rýhanııat • Keshe

Uqsas jańalyqtar