Aımaqtar • 02 Jeltoqsan, 2019

Tuńǵysh Prezıdent kúni «Batys» О́ńQ jas tolymy áskerı ant qabyldady

23 retkórsetildi

Mereke kúni Aqtaý, Atyraý jáne Aqtóbe garnızondaryndaǵy áskerı bólimderge 2019 jyldyń kúzinde shaqyrylǵan 700-ge jýyq jas sarbazdar Otanǵa adal bolýǵa ant berdi. Bul týraly «Batys» óńirlik qolbasshylyǵy Basqarmasynyń baspasóz qyzmetinen kapıtan Rýstem Igısınov habarlady.

Qonaqtar retinde saltanatty sharaǵa áskerı qyzmetshilerdiń týǵan-týysqandary, Qarýly Kúshterdiń ardagerleri, bılik organdary men qoǵamdyq uıymdardyń ókilderi qatysty. Qonaqtardyń nazaryna jaýyngerlik daıarlyq pánderi boıynsha áskerı qyzmetshilerdiń kórsetpeli kórsetilimderi usynyldy. Áskerı qyzmetshilerdiń týysqandary men meımandar qyzmet ótkerý jaǵdaılarymen tanysty, bólim qolbasshylyǵymen kezdesti.

Rásim áskerı bólimderdiń aýmaǵy jáne Jaýyngerlik dańq eskertkishteri aldyndary men qalalyq saıabaqtarda ótti. Aqtóbe qalasynda jas tolymdy sarbazdardy áskerı antqa keltirý Qazaqstan Respýblıkasynyń Tuńǵysh Prezıdenti Parkinde ótse, al Atyraý qalasynda Jeńis saıabaǵynda, Aqtaý qalasy jáne Beıneý eldimekeninde is-shara áskerı bólim aýmaǵynda ótti. Ant qabyldaǵan sarbazdardyń uzyn sany 700-ge jetse, olardy qoldaýǵa elimizdiń shet-shetinen 1500-ǵa jýyq jaqyn-týysqandary kelip-jetti.

-Áskerı ant – er azamattyń el aldynda degen joǵary jaýapkershiligin halyqtyń aldynda adal nıetine saltanatty túrde sendirýi men ýáde berýi bolyp tabylady. Jaýgershilik zamandarda sarbazdar eldiń erkindigi, namysy úshin jan aıamasqa serttesip, qylyshtyń júzin súıip ant bergen. El qorǵaý mindetin óterde ant berý salty qazir jańa mazmunmen baıydy. Sizder, búgin Qarýly Kúshterdiń qataryna kire otyra, Qazaqstan halqy men onyń zańdy saılanǵan Prezıdentine aqtyq demderin qalǵansha adal bolýǵa, Konstıtýsııa men zańdardy qasterlep saqtaýǵa saltanatty túrde ant etesizder, dep «Batys» óńirlik qolbasshylyǵynyń áskerleri qolbasshysy polkovnık Nurlan Aldııarov sarbazdarǵa sóz joldady.

-Dál osy meıram kúni ant qabyldaý men úshin zor qurmet. Barsha qazaqstandyqtardy Qazaqstan Respýblıkasynyń Tuńǵysh Prezıdenti kúnimen quttyqtaǵym keledi! Biz Otanymyzdyń ıgiligi úshin ózimizdiń áskerı boryshymyzdy adal oryndaıtynymyzǵa senimdi túrde aıta alamyn,dedi gvardııa qatardaǵy jaýyngeri Vladımır Koldın.

Áskerı ant qabyldaǵan jas sarbazdar endigi kezekte jas mamandardy daıarlaý baǵdarlamasyna sáıkes jaýyngerlik úrdiske qol suǵa kirisedi. Jarty jyldan soń olar áskerı mamandyq ıesi atanyp, artıllerııashy, tankishi, atqysh, baılanysshy laýazymdarynda tolyqqandy Otan qorǵaýshylar mártebesine ıe bolady.

Qazirgi ýaqytta áskerge dene bitimi shynyqqan, bilimdi, moraldyq turǵyda turaqty bozbalalar keledi. Ardagerler men áskerı bólimderdiń komandırleri olar dańqty jaýyngerlik dástúrdiń laıyqty urpaǵyna aınalyp, Qazaqstan Respýblıkasyna qaltqysyz qyzmet etýdiń úlgisi bolatyndaryna kámil senedi.

Sońǵy jańalyqtar

Shaǵaman batyr

Tarıh • Búgin, 07:28

Tarıhty tanýdaǵy tyń bastama

Tarıh • Búgin, 07:21

361 lıft aýystyrylady

Aımaqtar • Búgin, 07:18

О́ńirdegi ónegeli is

Qoǵam • Búgin, 07:17

Seriktestik nyǵaıyp keledi

Álem • Búgin, 07:01

Iri eseppen basym tústi

Sport • Búgin, 07:00

«Sýnamıdi» sulatyp saldy

Kásipqoı boks • Búgin, 06:56

Astyń dámin keltirgen

Aımaqtar • Búgin, 06:53

Saıraıdy bulbul...

Rýhanııat • Búgin, 06:51

Izi aıqyn, isi myǵym

Qoǵam • Búgin, 06:49

Qarapaıymdylyq hanǵa da jarasady

Rýhanııat • Búgin, 06:44

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Uqsas jańalyqtar