Saryózek aýylynda salynǵan jańa úıdiń qurylysyna jergilikti bıýdjetten 285 500 teńgeqarjy bólinipti. Al turǵyn úı alabynyń ınjenerlik-kommýnıkasııalyq jelilerin jasaqtaý úshin 106 756 teńge qarajat qarastyrylǵan eken.
- Saryózekte jańa shaǵyn aýdanda boı kóterdi. «Nurly jer» memlekettik baǵdarlamasy boıynsha salynǵan 18 turǵyn úı ıesin tapty. Baspana negizinen az qamtylǵan, kópbalaly otbasylarǵa, múmkindigi shekteýli jandarǵa, Aýǵan soǵysynyń ardagerlerine, muǵalimder men dárigerlerge, jáne memlekettik qyzmetkerlerge berildi. Turǵyndardy baspanamen qamtamasyz etý jumysy aldaǵy ýaqytta da jalǵasa beredi. Qazir aýdanda segiz júzden asa adam úı kezeginde tur, onyń arasynda 148 kópbalaly ana bar, - deıdi Kerbulaqaýdanynyń ákimi Mahabbat Bıgeldıev.
Jalpy, aýyl sharýashylyǵyna arqa súıegen Kerbulaq óńiri bıylǵy jyldy tabyspen qortyndylap otyr. Aýdanda óndirilgen agroónerkásip ónimderi 35 mıllıard teńgeden asyp, jyl basynda boljanǵan kórsetkish asyra oryndalǵan.
Aýyl sharýashylyǵy salasyn qarjylaı qoldaýdyń nátıjesinde dıqan men sharýanyń isi ońǵa basty. Bıyldyń ózinde 3 sharýa qojalyǵy men 12 jeke kásipker 65 mıllıon teńge kóleminde jeńildetilgen nesıe alǵan. Bul óz kezeginde aýdandaǵy jer ıgerýge jan bitirip, egistik alqabynyń kólemi ulǵaıtqa. Mal sharýashylyǵy da damyp, tórt túlik tuıaǵy kóbeıdi. О́nerkásip te ilgerleýde. Aýdandaǵy onshaqty qaıta óńdeý kásiporny 17 000 tonna shıkizatty óńdep, 9 690 tonna ónim shyǵarǵan eken.
