Rýhanııat • 03 Jeltoqsan, 2019

Qazaqtar men koreılerdiń uqsastyǵy bar

182 retkórsetildi

Ońtústik Koreıanyń Mádenıet, sport jáne týrızm mınıstrliginiń birinshi vıse-mınıstri bolǵan Kýak Ion Chjınmen áńgimelesýdiń sáti túsken edi. Áńgime barysynda Koreıanyń ulttyq mádenıetin shetelderde dáriptep júrgen ol birer jyl buryn Qazaqstanǵa jasaǵan arnaıy sapary, eki el mádenıetiniń erekshelikteri jóninde aıtyp berdi.

– Áńgimemizdiń álqıssasyn Qazaq­stanǵa jasaǵan saparyńyzdan basta­saq. Bizdiń elden qandaı ásermen oraldyńyz?

– Men Qazaqstanǵa alǵash ret 2016 jyly at basyn burdym. Almaty men Nur-Sultan sııaqty ásem qalalary baryn burynnan beri estip júr edim. Sol joly bir sáti túsip ejelgi túrkilerdiń Otanyna tabanym tıdi. Sondyqtan ol sapar men úshin erekshe ári eki eldiń mádenı baılanysy jaǵynan tıimdi sapar boldy. Qazaqstanda alǵan áserime toqtalsam, eń aldymen qazaqtardyń koreı kınosy men mýzykasyn jaqsy kóretini, Koreıamen ájeptáýir tanys ekeni qýantty. Az ýaqyt ishinde el astanasyn aralap, tirshiligimen tanystym. Azııalyq bolǵandyqtan shyǵar, kezdestirgen adamdar, ıaǵnı qazaqtar men koreıler syrt-pishini jaǵynan bir-birine uqsas kórindi. Buǵan qosa mádenı uqsastyqtar kóp sekildi sezildi. Sodan ba eken, bul qala ómirimde buryn bir kelgen qala sııaqty kórindi. Sondaı-aq ulan-ǵaıyr dalada memlekettiń úlken ózgeristerdi bastan keshirip, qoǵamy men ekonomıkasy damý men órkendeýge bet burǵanyn ańǵardym. Túrli deńgeıdegi halyqaralyq jobalardyń júzege asqanyn, jer-jerde qurylys qarqyndy júrip jatqanyn kórdim. Bizdiń Ońtústik Koreıada da bu­ryn osylaı jyldam damý jolyna túsip, túrli salada ózgerister men ilgirileý baı­qaldy. Álem elderimen barynsha qarym-qatynasyn damytty.

– Siz basqaryp otyrǵan «Koreıanyń halyqaralyq mádenı almasý qory» jáne onyń mindetteri men róli, qyz­meti týraly aıtsańyz.

– Bizdiń qorǵa qyzyǵýshylyq tanyt­qan­daryńyzǵa rahmet. Bizdiń qordyń eń basty atqaratyn úlken qyzmeti – eki eldiń arasyndaǵy yntymaq­tastyq­ty, ıaǵnı, shet memlekettermen Koreıanyń baılanystaryn mádenıet salasy ar­qyly qalyptastyrý. Basqa elge bizdiń mádenıetti, bizdiń mádenı muralardy jáne basqa da dúnıelerdi tanystyrýǵa, halyqaralyq mádenı baılanysty da­mytýǵa basa mán beremiz. Buǵan qosa ór­kenıetti elderde qalyptasqan úrdisterdi úırenip, mádenı jaǵynan tájirıbe almasý – bir mindetimiz. Mádenıette shekara joq. Soǵan sáıkes aqparat pen tájirıbelerdi qaraý, júıeleý, jetildirý, qalypqa keltirý, taǵy basqa jumystar jetedi. Jalpy alǵanda halyqaralyq baılanysty nyǵaıtý maqsatynda tańsyq dúnıelerdi tanystyrý, nasıhattaý, zaman talabyna saı kópshilikke aqparat taratý – jumysymyzdyń negizgi baǵyty. Biz eki eldiń arasyndaǵy yntymaqtastyqtyń udaıy jalǵasqanyn qalaımyz. Halyqtar bir-birin jete túsinip, damý jolyndaǵy ózara yqpaldastyqqa sep bolý kerek. Mysaly, biz basqa eldiń jaqsy dúnıelerin qabyl­daýdan tartynbaımyz.

– Koreıanyń mádenıetin álemge tanytýdyń qandaı jaqsy tásili bar?

– Alǵashqy kezderi biz de sheteldik mád­enıetti kóp qabyldadyq. Shetel máde­nıetiniń damýyna zer saldyq. Keıingi kezderi ekonomıkalyq jaǵdaı jaqsaryp, tirshilik deńgeıi ósken soń bizdiń koreıler mádenıetke kóńil bóle bastady. Jalpy, memleket damyǵanǵa deıin onyń halqy mádenıetke kóńil bólmeıdi. О́ıtkeni tirshilik qamy birinshi orynda turady. Bul – aqıqat. Árıne, biz de koreı mádenıetin álemge qalaı tez tanytamyz degen oıda boldyq. Biraq bizdiń mádenıetti tanytýdan góri qazirgi tańda basqa eldermen tájirıbe almasyp, yntymaqtasý mańyzdy dep sanaımyn. Eger óz mádenıetimizdi kóbirek tanytýdy ǵana oılasaq, onda oǵan baılanysty túrli kózqarastar men qarsylyqtardyń týýy múmkin. Bul – oryndy nárse. Soǵan baılanysty túrli túsi­nispeýshilikter de paıda bolady. Álem­ge kez kelgen eldiń mádenıetin tany­tý úshin arnaıy tásil men amal izdeý qa­te dep oılaımyn. О́ıtkeni árkimniń máde­nıeti – ártúrli. Árkim óziniń ulttyq máde­nıetine, sonyń qasıetine qaraı jumys is­teý qajet. Mysaly, Qazaqstanda koreı mád­enı ortalyǵy jumys isteıdi. Sol jerde az da bolsa da koreı mádenıetin tanytatyn mádenı sharalar ótkizilip turady.

– Mundaı mádenı ortalyqtaryńyz álemniń qansha elinde jumys istep tur?

– Jalpy, Koreıanyń mádenı ortalyq­tary otyz shaqty elde jumys isteıdi. Birneshe jyl buryn Indonezııa, taǵy birqatar Azııa elinde osyndaı ortalyqtar ashtyq. Sonda mádenıetimizdi kórsetetin is-sharalar uıymdastyrdyq. Alpaýyt elderdiń ishinde Qytaı men Reseıde de mádenı ortalyqtarymyz bar. Úkimettiń negizgi baǵytynan basqa, bizdiń qor koreı mádenıetin tanystyrýdyń túrli baǵdarlamalaryn jasaıdy.

– Qazaqstanda qandaı mádenı sharalar ótkizdińizder?

– Mysaly, Nur-Sultanda 2016 jyly «Feel Korea in Kazakhstan» jáne birneshe jyl buryn «Koreı áýeni» atty ulttyq mýzykalyq aspaptar keshi boldy. «Feel Korea» mádenı sharasy barysynda óner adamdary tek konsert berip qoımaı, astanadaǵy balalar úıine baryp, balalarmen sýretke túsip, syılyqtar úlestirdi, qaıyrymdylyq aksııasyn uıymdastyrdy. Osyndaı is-sharalardy ótkizý – bizdiń mekemeniń mindeti. Ár elge barǵan saıyn sondaı is-sharany uıym­dastyrýǵa tyrysamyz. Osyndaı keshter arqyly kópshilik basqa eldiń mádenıetine qanyǵady.

– Bizdiń elmen qaı baǵyttaǵy baı­la­nystyń nyǵaıǵanyna mán berer edińiz?

– Aldaǵy ýaqytta Koreıany Qazaq­stanǵa ǵana emes, Qazaqstandy Koreıaǵa tanytýdy da oılap júrmin. Eki eldiń arasynda mádenı baılanystar nyǵaıa túsýi kerek. Memleketter arasynda osyndaı jumystar jalǵasa berse, yntymaqtastyq jaqsy damıdy. Men tek mádenı salany ǵana emes, sport salasyn da basqardym. Mádenıettiń ishine bári kiredi ǵoı. Sondyqtan mádenıet, sport, ǵylym salasynda baılanystardy kúsheıtsek, eki el halqyna kóp paıda keltirer edi. Qazaqstannyń astanasy maǵan qatty unady. Jańa ǵımarattar boı kótergen. Az ýaqyt ishinde biraz mádenı oshaqtardy aralap kórdim. Buryn Seýl qalasy da solaı tez damyp, órkendegen. Nur-Sultan – jas qala, odan ári damı túsetini sózsiz. Bolashaqta jańa qalanyń mádenı ómirinde jaqsy jańalyqtar kóp bolýyna tilektespin.

– Qazaqstan týraly oń pikirińiz úshin rızashylyǵymdy bildiremin.

 

Dastan AQASh,

arnaıy «Egemen Qazaqstan» úshin

Seýl

 

Sońǵy jańalyqtar

Shaǵaman batyr

Tarıh • Búgin, 07:28

Tarıhty tanýdaǵy tyń bastama

Tarıh • Búgin, 07:21

361 lıft aýystyrylady

Aımaqtar • Búgin, 07:18

О́ńirdegi ónegeli is

Qoǵam • Búgin, 07:17

Seriktestik nyǵaıyp keledi

Álem • Búgin, 07:01

Iri eseppen basym tústi

Sport • Búgin, 07:00

«Sýnamıdi» sulatyp saldy

Kásipqoı boks • Búgin, 06:56

Astyń dámin keltirgen

Aımaqtar • Búgin, 06:53

Saıraıdy bulbul...

Rýhanııat • Búgin, 06:51

Izi aıqyn, isi myǵym

Qoǵam • Búgin, 06:49

Qarapaıymdylyq hanǵa da jarasady

Rýhanııat • Búgin, 06:44

Ýrbanıstik ortalyqqa aınalýdyń bir tutqasy

Aımaqtar • 07 Jeltoqsan, 2019

Qaraǵandyda Antikor Ortalygy mekemesi ashyldy

Aımaqtar • 07 Jeltoqsan, 2019

Qazalyda retro-festıval ótti

Aımaqtar • 07 Jeltoqsan, 2019

Almatylyq dızaınerdiń Stokgolmde kórmesi ashyldy

Rýhanııat • 07 Jeltoqsan, 2019

Almatyda jas órenderdiń jarysy aıaqtaldy

Sport • 07 Jeltoqsan, 2019

Qarqaraly aýdanyna jańa ákim taǵaıyndaldy

Taǵaıyndaý • 07 Jeltoqsan, 2019

«El birligi – 2019» marapattaý saltanaty ótti

Rýhanııat • 07 Jeltoqsan, 2019

Asyq oıyny balalardy ómirlik tájirıbege baýlıdy

Rýhanııat • 07 Jeltoqsan, 2019

Uqsas jańalyqtar