Tarıhı tabys – «Astana» ataqty «Manchester Iýnaıtedti» 2:1 esebimen jeńdi

«Astana» klýby 2013 jyldan beri Eýrokýbok oıyndaryna úzdiksiz qa­tysyp kele jatqanyn kózi qaraqty jan­kúıerler jaqsy biledi. Tipti 2015/16­ jy­l­ǵy dop dodasyn á degennen-aq Chem­pıondar lıgasynyń top­tyq kezeńinen bastady. Sol ýaqyt­tan beri «Astana» elimizge kem degende álemniń bir TOP komandasyn ákeletin boldy. Olardyń arasynda Ispanııanyń «Atletıko Madrıd», «Vı­lıar­real», Túrkııanyń «Galata­saraı», Shotlandııa­nyń «Sel­tık», Fransııanyń «Renn», Ýk­raına­nyń «Dınamo» (Kıev), Por­tý­galııanyń «Sportıng» jáne «Ben­fıka» komandalary bar. Al bıyl  Nı­derlandtyń «AZ Alkmar» jáne Anglııanyń «Manchester Iýnaıted» oıyn­shylarynyń tabany qazaq jerine tıdi. Atalǵan top komandalar elimizge «Astanany» mensinbeı kelip, talaıy «Astana Arenada» jeńiske jete almaı, elderine abyroısyz oralǵan-dy. Atap aıtar bolsaq, Chempıondar lı­gasynyń fınalyna úsh ret shyǵyp, Eýropa lıgasynda úsh ret top jarǵan «Atletıko Madrıd» (0:0) teń oınasa, «Seltık» 4:3 esebimen jeńilip, saly sýǵa ketken-di. Endi bul qatarǵa aǵylshynnyń «Manchester Iýnaıted» klýby da qosyldy.

Eýropa lıgasynyń jerebe­sinen keıin «Manchester Iýnaı­ted» klýby «Astanamen» bir top­qa túskende bórkin aspanǵa atyp, qýanbaǵan qazaqstandyq fýt­bol jankúıeri joq edi. Qaıtsin endi, álemniń úzdik komandasy Qazaqstanǵa kúnde kele bermeıdi ǵoı. Biraq aǵylshyn komandasy elimizge úshinshi quramyn ákel­genin jarııalaǵanda ala dopqa ar­bal­ǵan otandyq jáne sheteldik jan­kúıerlerdiń kóńili sý sepkendeı basyldy. О́ıtkeni elimiz­diń túkpir-túkpirinen, basqa da alys-jaqyn shetelden kelgen «MIý» jankúıerleri aty ańyz­ǵa aınalǵan fýtbolshylardy kóremiz dep úmittengen bolatyn. Dese de, «Astana Arenaǵa» jı­nalǵan jankúıerler aldaǵy 3-4 jylda juldyz bolatyn jas­tardyń oıynyn tamashalaýǵa múmkindik aldy.

29 myń jankúıer jınalǵan matchta elorda komandasy «Manchester Iýnaı­tedke» qar­sy jigerli oıyn kórsetip, 0:1 ese­bimen jeńilip jatsa da, match so­ńyń­da jeńisti julyp aldy. Kezdesýge deıin birqatar fýtbol mamandary «Man­ches­terdiń» jastary «Astana» fýtbolshylaryna qarsylyq kórsete almaıdy dep boljaǵan-dy. Biraq matchtyń birinshi taımynda aǵyl­shyn komandasy táýir oıyn kór­­setip, qazaqstandyq fýtbolshy­lardy biraz sastyrǵanyn aıta ketý kerek. Tipti qonaqtar oıyn­nyń 11-mınýtynda esep ashty. Lıýk Shoýdan tamasha pas alǵan Djessı Lıngard Erıch qorǵaǵan qaqpanyń alys buryshyn nysanaǵa alyp, dál soqqy jasady. Gol soqqannan keıin aǵyl­shyndyq jas fýtbolshy­lar­dyń senimdiligi artyp, bizdiń qaqpaǵa ekin­shi gol soǵýdyń qa­­myna kiristi. Taım sońyna deıin qonaqtar birqatar qaýip­ti shabýyl uıymdastyrǵanymen, qorǵaýshy­larymyz sátti óner kórsetip, qaýiptiń betin Erıchke jetkizbeı qaıtaryp otyrdy.

Ekinshi taımda «Astana» fýtbolshylary múlde basqa oıyn kórsetti. Úzilis kezin­de bas bapker oıynshylarǵa ne degeni bizge beımálim, biraq jas fýt­bol­shylardan jeńilip jat­qandaryn esi­ne salyp, jiger­lerin janyǵany anyq. Úzi­listen keıin «Astananyń» oıyny 180 gradýsqa ózgerip shy­ǵa keldi. Tóreshi ekinshi taım bas­talǵany týraly belgi bergennen bas­tap bizdiń fýtbolshylar qar­sylastardy ábden tyqsyryp, búkil komanda bolyp shabýylǵa kiristi. Nátıje kóp kúttirgen joq. Kezdesýdiń 55-mınýtynda sha­býyl­shylar gol soǵa almaǵan soń, iske qorǵaýshy Dmıtrıı Shomkonyń ózi kiristi. Qaqpanyń alys buryshyn nysanaǵa alǵan  Shomko mergendigimen kózge tú­sip, esepti teńes­tirip ketti. Arada 7 mınýt ótkende An­tonıo Rýka­vınanyń aıyp alańyna asyr­ǵan doby «Manchester Iýnaıted» qor­ǵaýshysy Dı’Shon Bernardtyń denesine tıip, dop baǵytyn óz­gertti. Nátıjesinde Dı’Shon qaq­­pasyna avtogol soǵyp aldy. Osy­laısha «Astana» fýtbolshylary ataqty qarsylastarynan 2:1 esebimen jeńisti julyp aldy. Tarıhı jeńis!

17-18 jastaǵy balalardy je­ńip, ony tarıhı jeńis dep sh­at­tanýdyń qajeti joq de­ýi­ńiz múmkin. Biraq tarıhta koman­danyń qaı quramda oına­ǵa­ny emes, qandaı eseppen jeńgeni qala­dy. Sondyqtan bul jeńisti qazaq fýtbolyndaǵy tarıhı jeńis­terdiń biri dep aıta berýge bolady.

 «Astananyń» bul jeńisin sheteldik aqparat quraldary sensasııaǵa balap, jarysa jazýda. Mysaly, Eurosport.ru basylymy: «Qazaqstandaǵy shok: «Astana» birinshi gol ótkizip alsa da, ataqty «Manchester Iýnaıted» klýbyn jeńip ketti», dep jazǵan. Sondaı-aq «Astana» – «Manchester Iýnaıted» matchynda jumys istegen Brıtanııanyń BBC, The Guardian jáne jáne Reseıdiń «Match TV» telearnasy, «Sport-Ekspres» sııaqty basylymdary da «Astana» týraly jazýda. Taǵy bir aıta keterligi, Reseıdiń «Sports.ru» basylymy qazaqstandyq fýtbol jankúıerlerin qazaqsha quttyqtap, aǵynan jaryldy.

Bul jeńisinen keıin «As­tana» komandasy ÝEFA klýbtar reıtınginde bir saty joǵa­rylady. Buǵan deıin 25-orynda turǵan elordalyqtar 19.375 (3.375) upaımen 24-satyǵa jaıǵasty. Sondaı-aq «Astana» qorjynyna úsh upaı ǵana emes, 570 myń eýro saldy. Qazirgi ýaqytta «Astananyń» Eýro­maý­symdaǵy tabysy 4,31 mıllıon eýro­ǵa­ jetti. Eger «Astana» sońǵy oıynda «Partızandy» jeńip jatsa, qorjynyna taǵy da 570 myń eýro, al teń túsip jatsa 190 myń eýro qarjy qosady. Sondaı-aq marketıngtik jáne telequqyqqa baılanysty tapqan tabysy maýsym sońynda belgili bolmaq.

«Astana» komandasy maý­sym­daǵy sońǵy oıynyn­ 12 jeltoqsanda Serbııa­da «Par­tızan­ǵa» qarsy ótkizedi. Jer­lesterimiz bul oıynda elordada ketken eseni qaıtarýǵa tyrysady. Sebebi «Astana Are­nada» ótken alǵashqy oıyn­da «Partızan» 1:2 esebimen jeńiske jetken bolatyn.