Aımaqtar • 03 Jeltoqsan, 2019

Shamalǵanda temirjol kópiri salynady

42 retkórsetildi

Almaty oblysynyń Qarasaı aýdanyna qarasty Shamalǵan stansasyndaǵy qaıǵyly oqıǵa áli umytyla qoıǵan joq. Temirjol boıynda júrdek poıyz ben jolaýshylar avtobýsy qaqtyǵysyp, adam shyǵyny bolǵan edi.

Qaıǵyly jaǵdaı ústinde aýmaqtyń turǵyndary jergilikti bılikke shaǵym aıtyp, temirjol boıynan jaıaý júrginshiler kópirin salýdy talap etken bolatyn. Búginde el tilegi boıynsha kópir qurylysy bastaldy. Almaty oblysynyń ákimi Amandyq Batalovtyń tapsyrmasy boıynsha kópir ótkelin jobalaý jumystary aıaqtalyp, qurylysqa jan bitti. Bul maqsatqa oblystyq bıýdjetten 300 mıllıon teńge qarjy bólingen.

-Jaıaý júrginshiler kópiri qazirgi avtomobıl ótkeline jaqyn jerde ornalasady, sebebi, uzaq jyl boıy adamdar dál osy jermen joldyń arǵy betine ótip úırengen. Qurylys jumystary «Tensar» kompanııasynyń tehnologııasy boıynsha júrgiziledi. Jańa kópir jobasynda múmkindigi shekteýli adamdar men balalary, qolarbasy bar analardyń qozǵalýyna yńǵaıly bolýy úshin eki jaǵynan lıft ornatý máselesi eskerilgen, dedi bizge oblys ákiminiń baspasóz hatshysy Ǵalymurat Júkel.

Eske sala ketsek, 15 qyrkúıek kúni 19 saǵat 30 mınýtta «Almaty –Qostanaı» baǵytyna qatynaıtyn poıyz avtobýspen soqtyǵysqan edi. Oqıǵa ornynda avtobýs júrgizýshisi mert bolyp, taǵy úsh adam túrli dene jaraqatymen aýrýhanaǵa jetkizilgen-di. Onyń ekeýi bala, bireýi áıel adam. Bul fakti boıynsha Qylmystyq Kodekstiń 345-babynyń 3-shi tarmaǵyna sáıkes tergeý júrdi. Qazir zardap shekkenderdiń jaǵdaıy jaqsy.

Al qazir bastalǵan kópir qurylysy kelesi jyldyń mamyr aıynda aıaqtalyp, qoldanysqa berilmek.

Sońǵy jańalyqtar

Basty aqparat (19.02.2020)

Vıdeo • Keshe

Basylym basshylary - Nurlan ORAZALIN (1947)

Basylym basshylary • Keshe

Jaqsylyq júrek jylytady

Qazaqstan • Keshe

Erikti jastar erkin formatta pikir almasty

Ońtústik Qazaqstan • Keshe

Uqsas jańalyqtar