Úkimet • 03 Jeltoqsan, 2019

Aqtoty Raıymqulova Lord Sebastıan Koemen kezdesti

12 retkórsetildi

Mádenıet jáne sport mınıstri Aqtoty Raıymqulova Jeńil Atletıka Halyqaralyq Federasııalarynyń Qaýymdastyǵy (IAAF) Prezıdenti - Lord Sebastıan Koemen kezdesti. Bul týraly Mádenıet jáne sport mınıstrliginiń baspasóz qyzmeti habarlady.

Sharaǵa Jeńil atletıka Federasııasynyń Prezıdenti Danıal Kenjetaıuly Ahmetov, Mádenıet jáne sport vıse-mınıstri Eldos Ramazanov jáne olımpıada chempıondary Olga Shıshıgına men Olga Rypakova, sonymen qatar, Olımpıada oıyndarynyń qola júldegeri Dmıtrıı Karpov qatysty.

Taraptar elimizdiń jeńil atletıka sportynyń damý qarqyny týraly sóz qozǵady. Mınıstr óz sózinde, atalǵan sport túriniń elimizde qarqyndy damyp jatqanyn tilge tıek etti.

«Qazaqstandyq jeńil atletıka mektebiniń sporttyq jetistikteri mol. Halyqaralyq deńgeıdegi, Olımpıada oıyndarynyń jeńimpazdary men júldegerleri, túrli týrnırlerdiń jeńimpazdarymen maqtana alamyz. Búgingi tańda Qazaqstanda 25 myńnan astam adam turaqty túrde atalǵan sport túrimen aınalysady. Sporttyq mektepter men dene shynyqtyrý ujymdarynda 2500 jýyq jattyqtyrýshylar, 4 jeńilatletıkalyq manej ben 1 stadıon bar», dedi Aqtoty Rahmetollaqyzy.

Sebastıan Koe sportshylardyń jańa urpaǵyn tárbıeleý qajettigin aıtty. «Búgingi tańda biz halyqaralyq dárejedegi sportshylardy daıyndaý úshin eski júıeden arylýymyz kerek. Osy oraıda, biz eń aldymen «taza» sport pen jattyqrýshylardyń jańa baǵytta oılaý qabiletin damytýǵa nazar aýdarýymyz qajet. Men Qazaqstanda jeńil atletıkanyń damýyn joǵary baǵalaı otyryp, QR Mádenıet jáne sport mınıstrligine atalǵan sportqa kórsetip jatqan jan-jaqty qoldaýlaryńyz úshin alǵys bildirgim keledi», -dedi ol.

Búgingi tańda elimizde 7 jabyq jeńilatletıkalyq manejdiń qurylysy josparlanǵan. Sonymen qatar, kezdesýde Nur-Sultan qalasynda Jeńil Atletıka Halyqaralyq Federasııalarynyń aımaqtyq ortalyǵyn ashý máseleleri talqylandy.

Sońǵy jańalyqtar

Jazyǵy joq kóktemniń

Ádebıet • Keshe

Uqsas jańalyqtar