Úkimet • 03 Jeltoqsan, 2019

Asqar Mamınniń tóraǵalyǵymen kezekti Úkimet otyrysy ótti

16 retkórsetildi

Premer-Mınıstr Asqar Mamınniń tóraǵalyǵymen ótken kezekti Úkimet otyrysynda О́ńirlerdi damytýdyń 2025 jylǵa deıingi memlekettik baǵdarlamasynyń jobasy qaraldy. Aglomerasııalardyń, mono- jáne shaǵyn qalalardyń, sondaı-aq damý áleýeti joǵary aýyldardyń damý máseleleri týraly ulttyq ekonomıka mınıstri R. Dálenov baıandady. Bul týraly Premer-Mınıstrdiń baspasóz qyzmeti habarlady.

Jańa baǵdarlamada basymdyqtar qalalyq ósý ortalyqtaryn – tórt iri aglomerasııany jáne óńirlik ýrbandalǵan aımaqtardy, sondaı-aq tirek jáne spýtnıktik aýyldardy damytýǵa baǵyttalǵan. Qalalarda, aýdan ortalyqtarynda jáne aýyldarda ınfraqurylymdy damytý úshin О́ńirlik standarttar júıesi  engiziletin bolady. 

Ulttyq ekonomıka mınıstri habarlaǵandaı, Baǵdarlamanyń birinshi bes jyldyǵy osy jyly aıaqtalady. 4 iri aglomerasııanyń (Nur-Sultan, Almaty, Aqtóbe jáne Shymkent qalalary men olarǵa irgeles eldi mekenderiniń) halyq sany 1 mln adamǵa artty. Monoqalalarda sýmen jabdyqtaý jelileriniń tozýy 10%-ǵa jáne elektr jelileriniń tozýy 12%-ǵa tómendedi.

«Bes jyl ishinde 17 myń mamanǵa «Dıplommen aýylǵa» baǵdarlamasy boıynsha turǵyn úı satyp alýǵa jeńildetilgen bıýdjettik kredıt berildi. Aýyldardy abattandyrý boıynsha 8 myń joba iske asyryldy. 700 myńǵa jýyq aýyl turǵyndary úshin ınfraqurylym jaqsardy. Atalǵan is-sharalarǵa barlyǵy 252 mlrd. teńge bólindi. 2014 jyldan beri ınjenerlik ınfraqurylymdy damytýǵa 1,4 trln  teńge bólindi», dedi R. Dálenov.

Onyń aıtýynsha, búginde 17 óńirde 87 qala men 6,5 myń aýyl bar. 2015 jyldan bastap ýrbandalý deńgeıi 58,2%-ǵa deıin ósti. Mıllıon turǵyny bar qalalar sany 3-ke jetti. Negizgi kapıtalǵa salynǵan ınvestısııalar 18 iri qalada 1,5 ese artty. 

«Qazaqstan-2050 Strategııasy jáne Qazaqstan Respýblıkasyn 2025 jylǵa deıin damytýdyń Strategııalyq jospary sheńberinde óńirlik saıasat basymdyǵy basqarylatyn ýrbandalýdy qamtamasyz etý bolyp tabylady. Jańa baǵdarlamada eldiń damýy úshin mańyzdy ınstıtýsıonaldyq jaǵdaılar aıqyndalǵan. Bul – ekonomıkalyq ósý «ortalyqtaryn» qalyptastyrý, óńirlerdiń básekege qabilettiligin arttyrý, barlyq óńirlerde bazalyq ómir súrý deńgeıin qamtamasyz etý», dedi R. Dálenov.

Ulttyq ekonomıka mınıstri atap ótkendeı, Ortalyq Azııa elderi arasynda Qazaqstannyń ýrbandalý deńgeıi eń joǵary – 58,%, alaıda, ol Ekonomıkalyq yntymaqtastyq jáne damý uıymy elderine qaraǵanda tómen. Ol elderde bul kórsetkish  77% quraıdy. Ýrbandalý deńgeıin 1%-ǵa arttyrǵanda jalpy ishki ónimniń ósimi 0,12% quraıdy. Sáıkesinshe, ýrbandalý deńgeıi joǵary bolǵan saıyn halyqtyń tabysy da joǵary bolady.

Baǵdarlamanyń ereksheligi – ósý «ortalyqtaryn» damytý, olardy basym túrde qarjylandyrý bolyp tabylady. Baǵdarlamany iske asyrý sheńberinde memlekettik baǵdarlamalar, aýmaqtardy damytý baǵdarlamalary, keshendi josparlar jáne strategııalar sınhrondalatyn bolady. Keshendi is-sharalardy iske asyrý esebinen eńbek, qarjy resýrstarynyń ekonomıkalyq shoǵyrlanýyna qol jetkiziletin bolady. 

Aýyldyq óndirýshiler úshin aýqymdy naryq qalyptastyrylady, shıkizattyq emes jalpy ishki ónimniń ósýi qamtamasyz etiledi. Kólik baılanysy jaqsarady.Bul barlyq óńirlerdiń ósýi úshin sınergııalyq áser beredi. 

Baǵdarlamanyń jańa baǵyttary aıqyndalǵan:

  • Ýrbandalǵan aımaqtar arqyly ósý ortalyqtaryn damytý. 
  • «Aýyl – El besigi» sheńberinde tirek jáne spýtnıktik aýyldardy jańǵyrtý.
  • Halyqtyń ómir súrý sapasyn jaqsartý úshin О́ńirlik standarttar júıesin engizý.

Búginde ósý ortalyqtary anyqtalǵan: 4 aglomerasııa, 14 iri ýrbandalǵan aımaq, 18 shalǵaıdaǵy monoqalalar men shekara mańyndaǵy shaǵyn qalalar. 

«Aýyl – El besigi» jobasy sheńberinde aýyl turǵyndarynyń 90% nemese 7 mln adam turatyn 3 477 aýyl jańǵyrtylady. Adamdar sapaly aýyz sýmen qamtamasyz etiletin bolady.  Aýyldardyń aýdan jáne oblys ortalyqtarymen kóliktik baılanysy jaqsaratyn bolady.

Qalalarda basqarylatyn ýrbandalý arqyly aýqymdy naryq damıdy jáne eńbek resýrstarynyń mobıldigi úshin jaǵdaılar jasalady. О́ńirlik standarttar júıesi arqyly qalalar men aýyldardy damytý prosesin júıelendirý halyqtyń ómir súrý jaǵdaılaryn sapaly túrde jaqsartýǵa múmkindik beredi.

Barlyǵy 1,3 trln teńge bólý kózdeledi, onyń ishinde aýyldardy damytýǵa 2026  jylǵa deıin 900 mlrd teńge bólý týraly másele qosymsha pysyqtalýda.

«Ýrbandalý deńgeıin 62%-ǵa deıin jetkizý josparlanady. Ýrbandalý jalpy ishki ónimdi 0,52%-ǵa qosymsha arttyrýǵa múmkindik beredi. О́ńirlik teńsizdikter qysqarady. Halyqtyń naqty aqshalaı tabystary 25%-ǵa ósedi. Baǵdarlamanyń negizgi nátıjesi qalalarda, aýdan ortalyqtarynda jáne aýyldarda turatyn azamattardyń ál-aýqatyn arttyrý bolady», dep túıindedi R.  Dálenov.

Sońǵy jańalyqtar

75 kúımen rekord jańartty

Rýhanııat • Búgin, 21:32

Abaı murasy máńgilik

Abaı • Búgin, 19:00

Basty aqparat (17.02.2020)

Vıdeo • Búgin, 18:54

Aqmeshitte alaman aıtys ótti

Rýhanııat • Búgin, 18:52

Basylym basshylary - Keńesbaı ÚSEBAEV (1914-1995)

Basylym basshylary • Búgin, 18:12

Basylym basshylary - Ǵumar AQQULOV (1912-1957)

Basylym basshylary • Búgin, 18:05

Basylym basshylary - Qabyl BEKMURATOV (1914-1980)

Basylym basshylary • Búgin, 18:02

Semeılik oqýshylar júldeger atandy

Aımaqtar • Búgin, 17:51

Qaraǵandy oblystyq QAJD bastyǵy taǵaıyndaldy

Taǵaıyndaý • Búgin, 16:21

Qyzyljarda keıýana qyzyl jalyn qushty

Oqıǵa • Búgin, 16:04

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Uqsas jańalyqtar