Aımaqtar • 03 Jeltoqsan, 2019

Kókshetaýda jańa kópir ashyldy

54 retkórsetildi

Kókshetaý qalasy Qylshaqty ózeniniń jaǵasynda ornalasqan. О́zen ústinde buryn salynǵan kópirlerdiń kópshiligi eski. Taıaýda Málik Ǵabdýllın kóshesi boıynda jańa kópir salyndy. Qala turǵyndary kópten kútken aq túıeniń qarny jarylǵan sát Tuńǵysh Prezıdent kúnine oraılasty.

Oblys ákimi Ermek Marjyqpaev kópirdiń saltanatty ashylý rásimine qatysyp, ınfraqurlymdyq jelilerdi jańǵyrtý boıynsha aldaǵy jumys josparymen bólisti. Jańa kópir Shoqan Ýálıhanov kóshesi men Abylaı han dańǵylyn jalǵaıdy.  Nysan qurylysyna 452 mıllıon teńge bólinipti. Qalada jol jóndeý isi de qarqyn alǵan. Bul baǵytqa  bólingen qarjy kólemi 20 mıllıard teńgege jýyq. Qarajattyń basym bóligi Reseı men Qazaqstannyń shekaralas óńirleriniń yntymaqtastyǵy forýmyna oraı respýblıka qazynasynan quıylǵan. Irgeli sharaǵa ázirlik aıasynda Kókshetaýdyń kópten qordalanǵan máseleleri túbegeıli sheshilmek.

Kelesi kópir de taıaý arada paıdalanýǵa berilmek. Ol Qylshaqtynyń Qopaǵa quıar saǵasynda salynyp jatyr. Sondaı-aq Nazarbaev dańǵyly, elevator men 13-shi mektep mańyndaǵy 3 eski kópir de qaıta jańǵyrtylady. О́ńir basshylyǵy nysannyń qurylys sapasyn oń baǵalap, merdigerler men qurylysshylarǵa alǵys bildirdi.

–Bul Kókshetaý qalasyndaǵy eń úlken kópir. Mundaı nysandar qala aýmaǵynda sońǵy 40 jylda salynǵan emes. Kópirdiń eni 32 metr. Jaıaý júrginshilerge arnalǵan jolaqtyń ózi 3 metr. Bul qala turǵyndarynyń ıgiligi úshin jasalǵan sharýa. Nysan standartqa saı. Iаǵnı, júk kólikterin ótkizýge múmkindigi bar,–deıdi «Servıs NS» kompanııasynyń kópir qurylysy boıynsha meńgerýshisi Vıktor Kazenyı.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar