Aımaqtar • 03 Jeltoqsan, 2019

«Qazirgi Qazaqstan. Elbasynyń kóshbasshylyǵynyń sabaqtary» Jalpyrespýblıkalyq ashyq sabaq ótti

38 retkórsetildi

Abaı atyndaǵy Qazaq ulttyq pedagogıkalyq ýnıversıtetinde Tuńǵysh Prezıdenti kúnine oraı «Qazirgi Qazaqstan. Elbasynyń kóshbasshylyǵynyń sabaqtary» Jalpyrespýblıkalyq ashyq sabaq ótti.

Sharaǵa Abaı atyndaǵy QazUPÝ rektory Takır Balyqbaev, Parlament Senatynyń depýtaty Dınar Nóketaeva, Tuńǵysh Prezıdent Elbasy - kitaphanasynyń jetekshi ǵylymı qyzmetkeri, professor Ǵazız Telebaev, ýnıversıtettiń ınstıtýt basshylary men bilim alýshylary qatysty.

Is-shara Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń kitaphanasynyń ǵylymı-kórme jobasy aıasynda túsirilgen «Qazaqstan-Japonııa: ıadrolyq qarýsyz álemge jol» derekti fılminiń kórsetilimnen bastaldy. Fılm Elbasynyń ıadrolyq qarýsyz álem úshin jahandyq qozǵalystyń damýyna qosqan úlesi men túrli aspektilerine, elimizdiń eń mańyzdy bastamalaryna arnalǵan.Sondaı-aq, fılmde Qazaqstan men Japonııanyń búkil álem úshin ıadrolyq qarýdyń joıqyn saldary týraly halyqaralyq qaýymdastyqty aqparattandyrýdaǵy birlesken áreketteri týraly baıandalady.Derekti fılmniń mindeti - keıingi urpaqqa eki eldiń halyqtary basynan ótkergen qasiret týraly - 1945 jyly Hırosıma men Nagasakı qalalaryn bombalaý jáne Semeı ıadrolyq polıgonynda qyryq jylǵa sozylǵan synaqtar týraly aıtý bolatyn. Bul jastarymyzdyń el tynyshtyǵy men táýelsizdigin baǵalaı bilýi úshin taptyrmas sabaq.

Is-sharany rektor Takır Balyqbaev ashyp «Qazaqstannyń Tuńǵysh Prezıdentin jahandyq ıadrolyq qarýǵa qarsy qozǵalystyń kóshbasshysy retinde álemdik qoǵamdastyq ádil moıyndap otyr. Muny Nursultan Nazarbaevtyń ıadrolyq qarýsyzdaný isine qosqan zor úlesi úshin ár jyldary Japonııanyń eń joǵary memlekettik nagradalarymen marapattaýy rastaıdy», dep atap ótti.

Stýdentter aldynda depýtat Dınar Nóketaeva men professor Ǵazız Telebaev ashyq dárister oqydy. Dınar Nóketaeva Tuńǵysh Prezıdent kúniniń mańyzdylyǵyn, Memleket basshysy N. Á. Nazarbaevtyń el táýelsizdiginiń qalyptasýyndaǵy rólin, onyń álemdik saıasattaǵy bedelin atap ótti. Al Ǵazız Telebaev tyńdaýshylardy QR Tuńǵysh Prezıdenti - Elbasy Nursultan Nazarbaevtyń kitaphanasy qyzmetimen tanystyryp, onyń qorynda jınalǵan materıaldar týraly áńgimeledi. Fılologııa jáne kóptildi bilim berý ınstıtýtynyń stýdenti Dılnaz Iýsýpova tanymdyq dáristi uıymdastyrýshylarǵa stýdentter atynan alǵys bildirdi.

741

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar