Prezıdent • 03 Jeltoqsan, 2019

Qasym-Jomart Toqaev Katar delegasııasyn qabyldady

72 retkórsetildi

Memleket basshysy Katar Ortalyq bankiniń tóraǵasy Abdalla Ál Tanı bastaǵan iri qarjy qurylymdarynyń basshylarymen kezdesti. Kezdesý barysynda qarjy salasyndaǵy ózara is-qımyldar, ınvestısııa tartý jáne «Astana» halyqaralyq qarjy ortalyǵy aıasyndaǵy máseleler talqylandy. Bul týraly Aqordanyń baspasóz qyzmeti habarlady.

Qazaqstan Prezıdenti Katar delegasııasynyń osy sapary ózara yntymaqtastyqty damytýǵa tyń serpin berýi tıis ekenin atap ótti.

–Bıylǵy maýsym aıynda Dýshanbede Katar Ámirimen kezdestim. Sol kezde biz eki memleket arasynda dáneker bolatyn naqty is-qımyldardy kúsheıtý jóninde ýaǵdalastyq. Men ony Qazaqstan astanasyna resmı saparmen kelýge shaqyrdym. Osyǵan baılanysty sizderdiń saparlaryńyzdyń biz úshin mańyzy asa zor dep oılaımyn, – dedi Memleket basshysy.

Katar Ortalyq bankiniń tóraǵasy Abdalla Ál Tanı óz eliniń basshylyǵynyń Prezıdentke, Úkimetke jáne Qazaqstan halqyna joldaǵan sálemin jetkizdi. 

–Eki el arasyndaǵy qarym-qatynastardyń joǵary deńgeıde damyp kele jatqanyn bilesizder. Bizdiń saparymyz osy úrdiske qoldaý kórsetý bolyp sanalady. Elderimizdiń qarjylyq qurylymdary arasynda tereń ári tyǵyz baılanystar ornaǵan. Biz bir-birimizben bank, qarjy jáne ınvestısııa baǵyttary boıynsha yqpaldastyq jasap kelemiz. Keshe «Astana» halyqaralyq qarjy ortalyǵynyń bazasynda Katardaǵy iri bankterdiń biriniń fılıalyn ashý jóninde ýaǵdalastyq, dedi Katar qarjygeri.

Sonymen qatar ol eki el arasyndaǵy tikeleı áýe qatynasynyń tezirek ashylýy saýda-ekonomıkalyq jáne ınvestısııalyq yntymaqtastyqty nyǵaıta túsedi degen pikir aıtty.

Delegasııa quramynda Katar Qor bırjasynyń basqarma tóraǵasy Rashıd ál-Mansýrı, «Masraf Al Rayan» bankter tobynyń tóraǵasy Hýseın ál-Abdalla, «Qatar International Islamic Bank» bankiniń basqarma tóraǵasy Abdýl Basıt ál-Shaıbı, Qatar National Bank» bankiniń basqarma tóraǵasynyń mindetin atqarýshy Abdýlla ál-Halıfa, Katar qarjy ortalyǵynyń Retteýshi vedomstvosynyń basqarma tóraǵasy Maıkl Raıan, «Commercial Bank of Qatar» bankter tobynyń basqarma múshesi Mohamad Mandanı ál-Emadı jáne Katardyń Qazaqstandaǵy elshisi Abdýlazız ál-Rýmeıhı boldy.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar