Qazaqstan • 03 Jeltoqsan, 2019

Jańa joba – jastarǵa jaqsy qoldaý

44 retkórsetildi

El Prezıdenti Qasym-Jomart Toqaevtyń Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda tıimdi shaǵyn jáne orta bıznes qala men aýyldy damytýdyń berik negizi ekendigin erekshe atap ótti.

Bul eń aldymen turǵyndarǵa turaqty jumys ornyn ashyp, jumyssyzdyq deńgeıin tómendetedi. Sonymen qatar, salyq bazasyn qurap, jergilikti bıýdjetti tolyqtyrady. Sondyqtan, bul maqsatqa Prezıdent Ulttyq qordan 100 mıllıard teńgege jýyq qarajat bólý týraly tapsyrma bergen bolatyn. 

Prezıdent shaǵyn jáne orta bızneske memleket tarapynan qarjylaı qoldaý kórsetý júıesin jańa jobalarǵa basymdyq bere otyryp, qaıta qurý týraly tapsyrma bergen edi. Sondaı-aq, Úkimetke «Bıznestiń jańa jol kartasy»  aıasynda osy maqsatqa sáıkes aldaǵy úsh jyl ishinde qosymsha 250 mıllıard teńge bólý qajettigin atap ótken-di. Bıylǵy jyly eki birdeı kásipkerlik salasyndaǵy joba qolǵa alyndy. Onyń biri 29 jasqa deıingi jastarǵa arnalǵan eki aptalyq «Jas kásipker» baǵdarlamasy.  Nátıjesinde jastar jyldyq ústemesi 6 prosent bolatyn jeńildetilgen nesıe alýǵa múmkindik alady. Sondaı-aq ózderiniń shaǵyn kásibin damytýǵa 505 myń teńge qosymsha grant beriledi. Ekinshisi jumyssyz, jaǵdaıy tómen jáne kópbalaly analar men múmkindigi shekteýli azamattarǵa arnalǵan 20 kúndik «Bastaý» baǵdarlamasy.  

–Bıylǵy jyly 350-den astam azamat oqýlaryn aıaqtady. Olardyń ishinde 75 adam grant ıegeri atandy. 20-dan astam azamat jeńildetilgen nesıe rásimdedi. Salalary da ártúrli. Mal sharýashylyǵy, halyqqa qyzmet kórsetý, tiginshilik pen shashtaraz da bar,–deıdi oblystyq kásipkerler palatasynyń bıznes-treneri Aınagúl Ábdirahmanova.  

Halyq arasynda kásipkerlik negizderiniń álippesin oqytýǵa arnalǵan «Bastaý» baǵdarlamasynyń ıigiligin kórgenderdiń biri – Lázzat Dosmaǵambetova.    

–Bul óte jaqsy joba. Bizge óte paıdaly. Búginde men sertıfıkat aldym. 252 myń teńge grant aldym. Noýtbýk, prınter, ózge de qajetti zattar satyp aldym. Grant boıynsha ózime fırma ashyp, «Jańa ómir» degen jyljymaıtyn múlik agenttigin ashtym, deıdi jeke kásipker Lázzat Dosmaǵambetova. 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar