Búginde Aqmola oblysy boıynsha 18 tilderdi oqytý ortalyǵy jumys isteıdi. Semınarǵa oblystyq jáne aýdan ortalyqtarynyń basshylary men oqytýshylary qatysyp, latyn grafıkasyna negizdelgen qazaq tilin dáripteýdegi atqarylǵan jumystar sarapqa salyndy. Sońǵy 2 aıda tildi úıretýge arnalǵan 257 shara uıymdastyrylyp, 5 myńǵa tarta tyńdaýshyǵa jańa qazaq álipbıi nasıhattalǵan. Búginge deıin jańa qazaq álipbıiniń 14 nusqasy ázirlenip, onyń tek 4-i qabyldaýdan ótti.
–Búgingi taqyrybymyz – «Tildi oqytýǵa – jańasha kózqaras». Bunyń ishine memlkettik tildi oqytatyn jańa ınnovasııalyq tásilder, sonymen qatar latyn grafıkasynyń bolashaqtaǵy jaǵdaıy áńgime arqaýyna aınaldy,–deıdi Aqmola oblystyq oqytý-ádistemelik ortalyǵynyń dırektory Qarataı Tólekeev.
Jıyn barysynda til mamandary ózara tájirıbelerimen bólisti. Tildi oqytýdyń ádis tásilderin ortaǵa salyp, ortalyq qyzmetkerleri baıandama jasady. Aqmola oblystyq oqý-ádistemelik ortalyǵynyń mamandary «Qaztest» júıesiniń jańa formatyn tanystyrdy. Endi tildi oqytý kýrstarynyń oqytýshylary men memlekettik qyzmetkerler jeńildetilgen «Qaztest» júıesi boıynsha synaqtan ótpek. Semınarǵa kelgen ár qatysýshy memlkettik tildiń damýyna úles qosýdy kózdeıdi.
–Ár adam men memlekettik tildiń damýyna qandaı úles qostym degen qaǵıdadan kelý kerek. Tildi damytý úshin jan-jaqty áreket etýimiz kerek. Ol úshin sanamyzda qalyptasqan buryńǵy kózqarastan arylýymyz kerek,–deıdi Stepnogorsk qalalyq oqytý-ádistemelik ortalyǵynyń dırektory Qabar Qaıyrym,
Semınar odan ári oqytýshylarǵa ádistemelik kómek kórsetý jáne is-tájirıbelerimen bólisý maqsatynda túrli ashyq sabaqtarǵa jáne trenıngtarǵa ulasty.
