Ekonomıka • 03 Jeltoqsan, 2019

Qazaqstandyq úlesti arttyrýdyń jańa tetikteri qaraldy

20 retkórsetildi

28 qarashada elordada eldegi munaıgaz salasyndaǵy qazaqstandyq úlesti arttyrýdyń ózekti máselelerine arnalǵan «Jergilikti úlesti iste damytý» atty bıznes-tájirıbe ótti. 

Shara 2015 jyly qolǵa alynǵan Eýropalyq qaıta qurý jáne damý banki (EQDB) men «Teńizshevroıl» JShS (TShO) arasyndaǵy seriktestik baǵdarlamasy aıasynda uıymdastyryldy. Baǵdarlamada kórsetilgen qoldaýdyń bir túri – keńestik jobalardy uıymdastyrý jáne qosymsha qarjylandyrý. Ol arqyly munaıgaz salasynda qyzmet kórsetip, ónimderin usynatyn kásipkerler EQDB mamandarynyń kómegimen jergilikti jáne sheteldik keńesshilerdi tarta alady. Oǵan qosa, bul kásiporyndar keńesshilerdi tartýǵa jumsaǵan aqshasynyń jartysyn qaıtaryp ala alady. 

EQDB mamandary jergilikti kompanııalar úshin keńestik jobalardy júzege asyrýda qarqyndy jumys istedi. Baǵdarlama iske asqan – 2015 jyldyń sońynan bastap, jergilikti keńesshilerdi tartýmen 26 joba, halyqaralyq sala sarapshylaryn tartýmen 7 joba júzege asqan. Sonymen qatar 2 kompanııa sheteldegi kórmeler men  Taıvanda, Avstrııada ótken B2B kezdesýge qatysty. 

Aıaqtalǵan jobalardy baǵalaý nátıjesi boıynsha qatysýshylardyń 73 paıyzynyń aınalymy ortasha 66 paıyzǵa artqan (3,2 mln eýro).  Al jumys oryndarynyń sany 32 paıyzǵa qysqarǵan, degenmen, eńbek ónimdiligi 35 paıyzǵa artty. Qazirgi ýaqytta baǵdarlama qatysýshy 5 kompanııa TShO tasymaldaýshysy boldy ne bilikti bıznes-keńesshilerdiń kómegi arqyly jumysyn jaqsartyp, jetkizý nátıjesin eselegen.

Bıznes-tájirıbege «Teńizshevroıl» JShS úkimet jáne qoǵammen baılanys boıynsha bas menedjeri Rzabek Artyǵalıev, EQDB Ortalyq Azııa jáne Mońǵolııa boıynsha ShOB damytý jáne qarjylandyrý departamentiniń aǵa bankıri, óńirlik basshysy Nodıra Mansýrova jáne basqalary qatysty.

«Teńizshevroıl» JShS Úkimet jáne qoǵammen baılanys boıynsha bas menedjeri Rzabek Artyǵalıev óz sózinde otandyq taýarlar men qyzmetterdi satý dınamıkasy artqanyn atap ótti. «Teńiz jobasynda qazaqstandyq úlesti arttyrýdyń basty baǵyttarynyń biri – bolashaq jáne qazirgi otandyq tasymaldaýshylardyń múmkindikteri men ókilettiligin arttyrýǵa járdemdesý. Osy maqsata  «Teńizshevroıl» JShS Qazaqstanda EQDB iske asyryp jatqan orta jáne shaǵyn bıznesti damytý baǵdarlamasyna qatysty. Eger bes jyl buryn otandyq taýarlar men qyzmetti satyp alýǵa 2,4 mlrd AQSh dollaryn shyǵyndasa, bıylǵy jyldyń úshinshi toqsanynyń sońynda bul kórsetkish 3,4 mlrd AQSh dollarynan asty», dedi Rzabek Artyǵalıev.

Baǵdarlamaǵa qatysýshy-kásipkerler elektr transformatorlaryn óndirýshi «Alageum Electric JSC», krıogen ónimderin óndirýshi Azot Zaýyty,  «Altyn Dan Trade» azyq-túlik tasymaldaýshylar jáne basqalary óz jetistikteriniń syrymen bólisti. Sondaı-aq shara barysynda baǵdarlama aıasynda oqytý júrgizgen konsaltıng kompanııalardy marapattaý saltanaty ótti. 

Budan soń, barlyq shara qatysýshylaryna TShO men EQDB «Jergilikti tasymaldaýshylar» atty ortaq baǵdarlamasy tanystyryldy. «TShO satyp alýlary men jergilikti naryq múmkindikteri» atty prezentasııa kórsetildi. Sondaı-aq «Qaýipsizdik mádenıetiniń negizderi» jáne «Munaıgaz salasyndaǵy satyp alýlarǵa qatysý daıyndyǵy» oqytý sheberlik saǵaty uıymdastyryldy. 

Aıta keteıik, «Teńizshevroıl» qazaqstandyq úlesti damytyp, eldegi shaǵyn jáne orta bıznesti damytýǵa úlken úles qosady. 1993 jyldan beri otandyq taýarlar men qyzmetterge 31,7 mlrd dollar jumsady, 2019 jyly bul soma 3,7 mlrd dollardan asqan.

Tasymaldaýshylardy damytý boıynsha TShO baǵdarlamasy Qazaqstan aýmaǵyndaǵy barlyq jergilikti kompanııalardyń jumys nátıjesin jetildirip, damytýǵa baǵyttalǵan. Mysaly,  ilmekti armatýra shyǵaratyn qaraǵandylyq «Bıomer Armatýra» zaýyty ózin TShO-nyń senimdi seriktesi retinde tanytty. Ilmekti shar armatýrany shyǵarý munaıgaz salasy jáne sý jiberý krandaryn salý sııaqty kez kelgen iri ınfraqurylymdyq jobalardy júzege asyrý úshin mańyzdy. Al bul óndiristik salada osy qazaqstandyq óndirýshi óńirler arasynda kósh bastap tur.

96

8

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar